Sermon Title: TIMAILHAN SA TUNGA-TUNGA
Scripture Text: NAGKALAIN-LAING TEKSTO
Sermon Series: NAGKINABUHI SA KATAPUSANG MGA ADLAW
By: PTR MATIAS MAHUSAY SR.
Sermon Notes:
Daniel 9:27 (Ang Biblia)
27 Siya maghimo ug lig-on nga kasabotan uban sa daghan sulod sa pito ka tuig, ug sa katunga sa pito ka tuig iyang pahunongon ang mga paghalad, ug ibabaw sa pako sa mga dulumtanan moabot ang maglumpag hangtod nga ang gitakda nga kataposan ibubo ngadto sa tiggun-ob.”
Jeremias 31:31(Ang Biblia)
31 “Tan-awa, ang mga adlaw nagsingabot, nag-ingon ang Ginoo, nga ako magbuhat ug usa ka bag-ong kasabotan uban sa balay sa Israel ug sa balay sa Juda,
I. SI SATANAS ITAMBOG GIKAN SA LANGIT NGANHI SA YUTA.
Pinadayag 12:7-9(Ang Biblia)
7 Unya nahitabo ang gubat didto sa langit, si Miguel ug ang iyang mga anghel nakiggubat batok sa dragon. Ang dragon ug ang iyang mga anghel nakiggubat usab, 8 apan nabuntog sila ug wala nay dapit alang kanila didto sa langit. 9 Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.
Mga Buhat 1:6(Ang Biblia)
6 Unya sa nagkatigom sila, nangutana sila kaniya, “Ginoo, niini bang panahona nimo ibalik ang gingharian ngadto sa Israel?”
Mga Taga-Efeso 2:2(Ang Biblia)
2 Kaniadto kamo nagkinabuhi sumala sa pamaagi niining kalibotana, sumala sa kagamhanan sa kahanginan, sa espiritu nga karon mao ang naglihok diha sa mga tawong masupilon.
Pinadayag 12:10 (Ang Biblia)
10 Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios.
Pinadayag 12:12 (Ang Biblia)
12 Busa paglipay, O kalangitan ug kamo nga mga nagpuyo niini! Apan alaot kamo, O yuta ug dagat, kay diha kaninyo nanaog ang yawa nga puno sa dakong kapungot kay nasayod man siya nga mubo na lamang ang iyang panahon!” 13 Ug sa pagtan-aw sa dragon nga diha siya itambog sa kalibotan, iyang gigukod ang babaye nga nanganak sa batang lalaki. 14 Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon.
Pinadayag 12:14 (Ang Biblia)
14 Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon.
Pinadayag 12:17 (Ang Biblia)
17 Unya ang dragon nasuko batok sa babaye, ug miadto siya sa pagpakiggubat batok sa tanan nga uban pang mga kaliwat sa babaye, sa mga nagtuman sa kasugoan sa Dios ug nagdala ug pagpamatuod mahitungod kang Jesus.
Pinadayag 13:2 (Ang Biblia)
2 Ug ang bangis nga mananap nga akong nakita daw usa ka leopardo, ang iyang mga tiil daw mga tiil sa oso, ug ang iyang baba daw baba sa liyon. Ug kaniya gihatag sa dragon ang iyang gahom ug ang iyang trono ug ang dakong kagahom.
Pinadayag 13:7 (Ang Biblia)
7 Siya gitugotan usab sa pagpakiggubat batok sa mga balaan ug sa pagbuntog kanila. Ug kaniya gihatag ang kagahom ibabaw sa tanang kabanayan ug katawhan ug pinulongan ug kanasoran.
Pinadayag 6:9 (Ang Biblia)
9 Ug sa pagbukas niya sa ikalimang silyo, akong nakita nga sa ilalom sa halaran diha ang mga kalag sa mga gipamatay tungod sa pulong sa Dios ug tungod sa pagpamatuod nga ilang gihimo.
Pinadayag 6:10 (Ang Biblia)
10 Ug sila nagsinggit sa kusog nga tingog nga nag-ingon, “O Ginoo, balaan ug matuod, hangtod kanus-a ba nga ikaw dili magsilot ug manimalos sa mga nagpuyo sa yuta tungod sa among dugo?”
II. ANG ANTIKRISTO IPADAYAG UG NI “DEMAND” NGA SIMBAHON.
2 Mga Taga-Tesalonica 2:3-4 (Ang Biblia)
3 Ayaw kamo pagpalimbong ni bisan kinsa sa bisan unsang paagi kay kadtong adlawa dili pa moabot hangtod nga mahitabo una ang pagsupil, ug mapadayag ang tawo nga malapason sa balaod, ang anak sa kalaglagan, 4 nga nagsupak ug nagpataas sa iyang kaugalingon ibabaw sa tanang gitawag nga dios o sa bisan unsa nga gisimba, aron sa ingon siya molingkod sulod sa Templo sa Dios ug magpaila sa iyang kaugalingon nga Dios.
III. ANG ISRAEL MOKAGIW NGADTO SA KAMINGAWAN.
Pinadayag 12:13-14 (Ang Biblia)
13 Ug sa pagtan-aw sa dragon nga diha siya itambog sa kalibotan, iyang gigukod ang babaye nga nanganak sa batang lalaki. 14 Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon.
IV. 144,000 KA HUDEYO ANG PAGASELYOHAN.
Pinadayag 7:1-3(Ang Biblia)
1 Human niini akong nakita ang upat ka anghel nga nagtindog diha sa upat ka suok sa kalibotan, nagpugong sa upat ka hangin sa kalibotan, aron walay hangin nga mohuyop sa yuta o sa dagat o sa bisan unsa nga kahoy. 2 Unya akong nakita ang laing anghel nga mikayab gikan sa silangan sa adlaw ug nagdala sa silyo sa buhi nga Dios. Ug sa kusog nga tingog iyang gisinggitan ang upat ka anghel nga gitugyanan sa paghimo ug kadaot sa yuta ug sa dagat, 3 nga nag-ingon, “Ayaw ninyo pasipad-i ang yuta o dagat o ang kakahoyan, hangtod nga ang mga ulipon sa atong Dios mapatikan na namo diha sa ilang mga agtang.”
Pinadayag 7:4(Ang Biblia)
4 Ug nadungog nako ang gidaghanon sa gipatikan, 144,000 ka pinatikan, gikan sa matag banay sa mga anak ni Israel:
Pinadayag 7:5-8 (Ang Biblia)
5 napulo ug duha ka libo ang gipatikan sa banay ni Juda, napulo ug duha ka libo sa banay ni Ruben, napulo ug duha ka libo sa banay ni Gad, 6 napulo ug duha ka libo sa banay ni Aser, napulo ug duha ka libo sa banay ni Neftali, napulo ug duha ka libo sa banay ni Manases 7 napulo ug duha ka libo sa banay ni Simeon, napulo ug duha ka libo sa banay ni Levi, napulo ug duha ka libo sa banay ni Isacar, 8 napulo ug duha ka libo sa banay ni Zebulon, napulo ug duha ka libo sa banay ni Jose, napulo ug duha ka libo sa banay ni Benjamin ang gipatikan.
Pinadayag 14:1-4(Ang Biblia)
1 Unya ako mitan-aw ug akong nakita nga diha sa Bukid sa Zion nagtindog ang Nating Karnero, ug uban kaniya ang 144,000 ka tawo nga nagbaton sa iyang ngalan ug sa ngalan sa iyang Amahan nga nasulat diha sa ilang mga agtang. 2 Ug nadungog nako ang usa ka tingog gikan sa langit sama sa dahunog sa daghang mga tubig ug sama sa dahunog sa kusog nga dalugdog. Ang tingog nga akong nadungog sama sa tingog sa mga tig-alpa nga nagtugtog sa ilang mga alpa. 3 Ug sila nag-awit sa usa ka bag-ong awit diha sa atubangan sa trono ug sa atubangan sa upat ka buhing binuhat ug sa atubangan sa mga kadagkoan. Walay laing nakakat-on sa maong awit gawas sa 144,000 nga gilukat gikan sa kalibotan. 4 Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero
Pinadayag 7:9-10 (Ang Biblia)
9 Human niini akong nakita ang usa ka dakong panon sa katawhan nga walay bisan kinsa nga makaihap, gikan sa tanang kanasoran, gikan sa tanang kabanayan ug katawhan ug pinulongan, nagtindog sa atubangan sa trono ug sa atubangan sa Nating Karnero, nagsul-ob ug puti nga bisti nga tag-as ug nagkupot ug mga palwa sa palmera, 10 ug naninggit sa kusog nga tingog nga nag-ingon, “Ang kaluwasan iya sa atong Dios nga naglingkod sa trono, ug iya sa Nating Karnero!”
Mateo 24:29-31 (Ang Biblia)
29 “Dihadiha inigkatapos sa kalisdanan niadtong mga adlawa, ang adlaw mongitngit, ug ang bulan dili na mohatag ug kahayag, ug ang mga bituon mangatagak gikan sa langit ug matay-og ang mga gahom sa kalangitan. 30 Unya magpakita diha sa langit ang ilhanan sa Anak sa Tawo ug unya ang tanang kabanayan sa yuta magminatay ug ilang makita ang Anak sa Tawo nga moabot nga sinapwang sa mga panganod sa langit uban sa gahom ug dakong himaya. 31 Ug ipadala niya ang iyang mga anghel uban sa kusog nga tingog sa trumpeta ug ilang tigomon ang iyang mga pinili gikan sa upat ka suok sa kalibotan, gikan sa usa ka tumoy sa langit ngadto sa pikas.
Pinadayag 7:11-17 (Ang Biblia)
11 Ug ang tanang mga anghel nagtindog nga nag-alirong sa trono ug sa mga kadagkoan ug sa upat ka mga buhing binuhat, ug nanghapa sila sa atubangan sa trono ug misimba sa Dios 12 ug nag-ingon, “Amen! Ang pagdayeg ug ang himaya ug ang kaalam ug ang pagpasalamat ug ang kadungganan ug ang gahom ug ang kusog ngadto sa among Dios hangtod sa kahangtoran! Amen.” 13 Unya gisultihan ako sa usa sa mga kadagkoan nga nag-ingon, “Kinsa man kini sila nga nagsul-ob ug mga bisting puti nga tag-as ug diin man sila gikan?” 14 Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero. 15 Tungod niini anaa sila sa atubangan sa trono sa Dios, ug nag-alagad kaniya sa adlaw ug sa gabii sulod sa iyang Templo, ug ang naglingkod sa trono magbuklad sa iyang tolda ibabaw kanila. 16 Sila dili na gutomon ug dili na usab uhawon, dili na sila mainitan sa adlaw o sa bisan unsa nga kainit. 17 Kay ang Nating Karnero nga anaa sa taliwala sa trono maoy magbantay kanila, ug magtultol kanila ngadto sa mga tuboran sa tubig sa kinabuhi, ug pahiran sa Dios ang tanang luha sa ilang mga mata.”
2 Mga Taga-Tesalonica 2:10-12 (Ang Biblia)
10 ug uban sa tanang limbong sa pagkadili matarong nila nga nagkalaglag, tungod kay sila nagdumili sa paghigugma sa kamatuoran aron unta mangaluwas sila. 11 Tungod niini, ang Dios nagpadala kanila ug gahom sa pagkamalimbongon aron sila motuo sa bakak, 12 aron hukman sa silot ang tanang wala motuo sa kamatuoran, hinuon nahimuot sa pagkadili matarong.
Pinadayag 9:20-21 (Ang Biblia)
20 Ang nahibilin nga mga tawo nga wala mangamatay pinaagi sa maong mga katalagman wala maghinulsol sa mga nabuhat sa ilang mga kamot, ug wala usab nila biyai ang pagsimba ug mga demonyo ug mga larawan nga bulawan ug plata ug bronsi ug bato ug kahoy nga dili makakita o makadungog o makalakaw. 21 Wala usab nila hinulsoli ang ilang mga pagpamatay ug tawo o ang ilang mga pagsalamangka o ang ilang pagkamakihilawason o ang ilang mga pagpangawat.
V. DUHA KA SAKSI NGA MANAGNA SULOD SA 1,260 KA ADLAW.
Pinadayag 11:3 (Ang Biblia)
3 Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”
Pinadayag 11:4-5 (Ang Biblia)
4 Kini mao ang duha ka kahoyng olibo ug ang duha ka lamparahan nga nagbarog sa atubangan sa Ginoo sa kalibotan. 5 Ug kon may buot modagmal kanila, adunay kalayo nga mogula sa ilang baba ug mohurot sa ilang mga kaaway. Kon may buot modagmal kanila, sa ingon niining paagiha siya patyon. 6 Sila may kagahom sa pagtak-op sa langit aron walay ulan nga moabot sulod sa mga adlaw sa ilang pagpropesiya, ug sila may kagahom ibabaw sa katubigan aron sa paghimo niini nga dugo, ug sa paghampak sa yuta pinaagi sa tanang katalagman, bisan makapila sumala sa buot nila.
Malakias 4:5 (Ang Biblia)
5 “Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.
Pinadayag 8:1(Ang Biblia)
1 Sa dihang giablihan sa Nating Karnero ang ikapitong silyo, dihay kahilom sa langit sulod sa mga tunga sa takna.
Pinadayag 8:2-6 (Ang Biblia)
2 Unya akong nakita ang pito ka anghel nga nagtindog sa atubangan sa Dios, ug sila gihatagan ug pito ka trumpeta. 3 Ug usa pa ka laing anghel mitungha ug mitindog dapit sa halaran nga nagbitbit ug bulawan nga sudlanan ug insenso, ug gihatagan siya ug daghang insenso aron iuban sa mga pag-ampo sa mga balaan ibabaw sa bulawan nga halaran atubangan sa trono. 4 Ug ang aso sa insenso misulbong uban sa mga pag-ampo sa mga balaan gikan sa kamot sa anghel nga diha sa atubangan sa Dios. 5 Unya gikuha sa anghel ang sudlanag insenso ug gipuno niya ug kalayo gikan sa halaran, ug kini iyang gilabay ngadto sa kalibotan, ug dihay pagdalugdog, mga kusog nga dahunog, mga pagpangilat ug linog. 6 Unya ang pito ka anghel nga may pito ka trumpeta nangandam sa pagpatingog niini.
Zefanias 1:17-18 (Ang Biblia)
17 Akong dad-on ang kasakitan diha sa mga tawo, aron sila maglakaw sama sa mga buta, tungod kay sila nakasala batok sa Ginoo; ang ilang dugo iyabo sama sa abog, ug ang ilang unod sama sa kinalibang. 18 Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.
2 Mga Taga-Tesalonica 1:9 (Ang Biblia)
9 Mahiagom unya sila sa silot nga walay kataposang pagkalaglag ug mahilayo gikan sa atubangan sa Ginoo ug gikan sa himaya sa iyang gahom
2 Pedro 3:9 (Ang Biblia)
9 Sa iyang saad ang Ginoo dili langaylangayan, nianang paglangaylangay nga gihunahuna sa uban. Apan siya mapailobon hinuon kaninyo, dili buot nga adunay mahanaw kondili nga ang tanan makakab-ot unta sa paghinulsol.
Mateo 24:36-39(Ang Biblia)
36 “Apan mahitungod sa maong adlaw ug takna, walay usa nga nasayod, bisan pa ang mga anghel sa langit, bisan pa ang Anak, kondili ang Amahan lamang. 37 Sama sa mga adlaw ni Noe kaniadto, mao usab unya ang pag-abot sa Anak sa Tawo. 38 Kay sama niadtong mga adlawa, sa wala pa ang lunop, ang katawhan nangaon ug nanginom, nangasawa ug namana, hangtod sa adlaw nga misulod si Noe sa arka, 39 apan sila wala masayod hangtod nga miabot ang lunop ug gianod silang tanan, mao usab unya niana ang pag-abot sa Anak sa Tawo.