Sermon Title: SMIRNA: ANG GILUTOS NGA IGLESIA
Sermon Text: GIPADAYAG 2:8-11
Sermon Series: MGA SULAT NGADTO SA PITO KA IGLESIA
By: PTR MATT MAHUSAY SR.
Sermon Notes:
Pinadayag 1:17-18 (Ang Biblia)
17 Sa pagkakita nako kaniya, natumba ako nga daw patay diha sa iyang tiilan. Ug gitapion niya kanako ang iyang tuo nga kamot ug miingon siya kanako, “Ayaw kahadlok! Ako mao ang sinugdan ug ang kataposan 18 ug ang buhi. Ako namatay, apan tan-awa, ako karon buhi hangtod sa kahangtoran, ug ania kanako ang mga yawi sa Kamatayon ug sa Hades.
Pinadayag 2:19 (Ang Biblia)
19 “ ‘Nasayod ako sa imong mga buhat, sa imong gugma ug pagtuo ug pag-alagad ug paglahutay, ug nga ang imong ulahing mga buhat milabaw pa sa una.
Pinadayag 2:20 (Ang Biblia)
20 Apan aduna akoy butang nga batok kanimo, imo lamang gipasagdan ang babaye nga si Jezebel nga nag-ingon nga siya propeta ug nga nagtudlo ug nagpahisalaag sa akong mga sulugoon sa paghimo ug salawayong pakighilawas ug sa pagkaon sa mga hinalad ngadto sa mga larawan.
Pinadayag 2:8-11 (Ang Biblia)
8 “Ug ngadto sa anghel sa iglesia sa Esmirna, isulat kini: ‘Mao kini ang mga pulong niya nga mao ang sinugdan ug ang kataposan, ang namatay ug ang nabuhi pag-usab. 9 “ ‘Nasayod ako sa imong kasakit ug sa imong kakabos, apan dato ikaw, ug sa pagpasipala kanimo sa mga nag-ingon nga sila mga Judio apan dili diay, hinuon sinagoga sila ni Satanas. 10 Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi. 11 Ang adunay igdulungog kinahanglan nga magpatalinghog sa sulti sa Espiritu ngadto sa mga iglesia. Siya nga magmadaogon, dili maunsa sa ikaduhang kamatayon.’
I. SI HESUS NASAYOD SA INYONG KASAKIT
Mga Taga-Roma 8:18 (Ang Biblia)
18 Giisip nako nga ang mga pag-antos niining panahona karon dili takos itandi sa himaya nga ipadayag ra unya kanato.
1 Pedro 4:19 (Ang Biblia)
19 Busa sila nga nag-antos sumala sa pagbuot sa Dios kinahanglang magbuhat ug maayo ug magtugyan sa ilang mga kalag ngadto sa usa ka magbubuhat nga kasaligan. Mga Taga-Roma 8:35 (Ang Biblia) 35 Kinsa ba ang makapahimulag kanato gikan sa gugma ni Cristo? Ang pag-antos ba o ang kasakitan o ang paglutos o ang gutom o ang kahubo o ang katalagman o ang espada ba?
II. SI HESUS NASAYOD SA INYONG KAKABUS
Lucas 6:20-21 (Ang Biblia)
20 Unya giyahat niya ang iyang mga mata ngadto sa iyang mga tinun-an ug miingon: “Bulahan kamong mga kabos, kay inyo ang gingharian sa Dios. 21 “Bulahan kamong mga gigutom karon kay busgon ra unya kamo. “Bulahan kamong mga naghilak karonkay mokatawa ra unya kamo.
Santiago 2:5 (Ang Biblia)
5 Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?
III. SI HESUS NASAYOD SA INYONG KAAWAY
Mga Taga-Roma 12:19-21 (Ang Biblia)
19 Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.” 20 Hinuon, “kon gutomon ang imong kaaway, pakan-a siya; kon uhawon, paimna siya; kay sa imong pagbuhat niini magpundok ikaw ug mga baga diha sa ibabaw sa iyang ulo.” 21 Ayaw pagpadaog sa daotan, dag-a ang daotan pinaagi sa maayo.
Mateo 5:10-11 (Ang Biblia)
10 “Bulahan ang mga gilutos tungod sa pagkamatarong kay ila ang gingharian sa langit. 11 “Bulahan kamo sa diha nga panamastamasan kamo sa mga tawo, lutoson ug butangbutangan sa tanang matang sa kadaotan tungod kanako.
IV. SI HESUS NASAYOD SA ATONG LIMITASYON DIHA SA PAGSULAY
2 Timoteo 4:8 (Ang Biblia)
8 Sukad karon adunay gitagana alang kanako nga purongpurong sa pagkamatarong nga niadto unyang adlawa iganti kanako sa Ginoo, ang matarong nga maghuhukom, ug dili lamang kanako ra kondili usab sa tanang mga nahigugma sa iyang pagpadayag.
Santiago 1:12 (Ang Biblia)
12 Bulahan ang tawo nga milahutay sa mga pagsulay kay human siya makaantos sa pagsulay, iayang madawat ang purongpurong sa kinabuhi nga gisaad sa Dios ngadto sa mga nahigugma kaniya.
Pinadayag 4:10 (Ang Biblia)
10 ang 24 ka kadagkoan mohapa sa atubangan niadtong naglingkod sa trono ug magsimba kaniya nga mao ang buhi hangtod sa kahangtoran, ug ang ilang mga purongpurong ipangitsa nila ngadto sa atubangan sa trono, dungan sa pag-awit nga mag-ingon,
Pinadayag 4:11 (Ang Biblia)
11 “Takos ikaw, O among Ginoo ug Dios, sa pagdawat sa himaya ug dungog ug gahom, kay ikaw mao man ang nagbuhat sa tanang butang, ug pinaagi sa imong kabubut-on mitungha ug nangahimo sila.”
Mateo 20:28 (Ang Biblia)
28 sama nga ang Anak sa Tawo mianhi dili aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”