Sermon Title: SI HESUS (UNANG BAHIN)
Sermon Text: NAGKALAIN-LAING TEKSTO
Sermon Series: BALIK SA SUKARANAN
By: PTR MATT MAHUSAY SR.
Sermon Notes:
Juan 1:1 (Ang Biblia)
1 Sa sinugdan mao na ang Pulong ug ang Pulong uban sa Dios, ug ang Pulong Dios.
1 Juan 4:2 (Ang Biblia)
2 Inyong mahibaloan ang Espiritu sa Dios pinaagi niini: ang matag espiritu nga mag-ila nga si Jesu-Cristo mianhi diha sa unod, iya sa Dios
“Ang kasingkasing sa Kristohanong pagtoo usa ka tawo. Sa tinuod, ang Kristiyanidad mao si Hesukristo.
J.Scott Duvall (hinubad)
I. Ang Persona ni Hesus.
A. Si Hesus ang tinuod nga Dios.
1. Si Hesus miingon nga siya Dios.
Juan 5:18 (Ang Biblia)
18 Ug mao kini ang hinungdan ngano nga misamot pa ang tinguha sa mga Judio sa pagpatay kaniya, dili lamang tungod kay gilapas niya ang adlaw nga igpapahulay, kondili tungod usab kay ang Dios iya mang gitawag nga iyang Amahan, ug tungod niini iyang gihimong tupong sa Dios ang iyang kaugalingon.
Juan 14:9 (Ang Biblia)
9 Si Jesus mitubag kaniya, “Kadugay na nakong nakig-uban kaninyo ug wala ikaw makaila kanako, Felipe? Ang nakakita kanako nakakita sa Amahan. Nganong nag-ingon man ikaw, ‘Ipakita kanamo ang Amahan?’
Juan 8:58 (Ang Biblia)
58 Si Jesus miingon kanila, “Sa pagkatinuod gayod, mag-ingon ako kaninyo, nga sa wala pa si Abraham, mao na ako.”
Exodo 3:14 (Ang Biblia)
14 Ug ang Dios miingon kang Moises, “AKO MAO AKO.” Ug siya miingon, “Isulti kini sa katawhan sa Israel, ‘Siya nga miingon nga “AKO MAO” mao ang nagsugo kanako nganhi kaninyo.’ ”
2. Ang uban miingon nga siya Dios.
Isaias 9:6 (Ang Biblia)
6 Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”
Isaias 45:22-23 (Ang Biblia)
22 “Dangop kanako, ug mangaluwas kamo, tanang kinatumyan sa yuta! Kay ako mao ang Dios, ug wala nay lain. 23 Sa akong kaugalingon ako nanumpa, gikan sa akong baba migula diha sa pagkamatarong ang pulong nga dili na mabakwi. ‘Kanako ang tanang tuhod mapiko, ang tanang mga dila manumpa.’
Mga Taga-Filipos 2:10-11 (Ang Biblia)
10 aron nga diha sa ngalan ni Jesus ang tanang tawo moluhod didto sa langit, dinhi sa yuta ug sa ilalom sa yuta, 11 ug ang tanang dila magsugid nga Ginoo si Jesu-Cristo alang sa pagdayeg sa Dios nga Amahan.
Mga Taga-Colosas 2:9 (Ang Biblia)
9 Kay diha kaniya nagpuyo sa linawas ang tibuok gayod nga pagka-Dios,
Tito 2:13 (Ang Biblia)
13 samtang magpaabot kita sa atong bulahan nga paglaom ug pagpadayag sa himaya ni Jesu-Cristo nga atong dakong Dios ug Manluluwas.
Mga Hebreohanon 1:8 (Ang Biblia)
8 Apan mahitungod sa Anak siya miingon, “Ang imong trono, O Dios, hangtod sa kahangtoran, ang matarong nga sitro mao ang sitro sa imong gingharian.
3. Iyang gibuhat mahimo lamang sa Dios
Mga Buhat 14:15 (Ang Biblia)
15 “Mga tawo, nganong nagbuhat kamo niini? Kami mga tawo usab nga sama ra kaninyo ug kinaiya. Ug kami nagdala kaninyo ug maayong balita aron kamo mobiya gikan niining mga butang nga walay kapuslanan ngadto sa buhing Dios nga maoy nagbuhat sa langit ug sa yuta ug sa dagat ug sa tanan nga anaa niini.
4. Ang iyang mga pangankon gisuportahan sa mga Ebidensya
a. Ebidensya sa tagna (Propesiya)
Lucas 24:44 (Ang Biblia)
44 Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”
b. Ebidensya sa iyang milagro
Lucas 7:20,22 (Ang Biblia)
20 Sa pag-abot sa mga tawo ngadto kaniya, sila miingon, “Gipaanhi kami ni Juan nga Tigbautismo sa pagpangutana kanimo, ‘Ikaw ba kadtong moanhi, o magpaabot pa ba kami ug lain?’ ”
22 Unya mitubag siya kanila, “Lakaw ug suginli ninyo si Juan sa inyong nakita ug nadungog: ang mga buta nakakita, ang mga bakol nakalakaw, ang mga sanlahon nahinlo, ang mga bungol nakabati na, ang mga patay gibanhaw ug ang mga kabos gisangyawan na sa Maayong Balita.
c. Ebidensya sa iyang mga panagna
Juan 2:9 (Ang Biblia)
9 Sa natilawan na sa tinugyanan sa kombira ang tubig nga nahimo nang bino, ug kay wala man siya masayod diin kini gikan bisan tuod ug nasayod niini ang mga sulugoon nga nagkabo sa tubig, ang tinugyanan sa kombira mitawag sa nabana
Mateo 12:40 (Ang Biblia)
40 Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.
Marcos 8:31 (Ang Biblia)
31 Unya misugod siya sa pagtudlo nga ang Anak sa Tawo kinahanglang mag-antos sa daghang mga butang ug isalikway siya sa mga pangulo ug sa mga pangulong pari ug sa mga eskriba ug patyon siya ug tapos sa tulo ka adlaw mabanhaw siya.
Juan 10:17-18 (Ang Biblia)
17 Tungod niini gihigugma ako sa Amahan kay ako nagtahan man sa akong kinabuhi aron kini makuha nako pag-usab.
18 Walay tawo nga magkuha niini gikan kanako, hinuon gitahan nako kini sa kaugalingon nakong pagbuot. May katungod ako sa pagtahan niini ug may katungod ako sa pagkuha niini pag-usab. Kining maong sugo nadawat nako gikan sa akong Amahan.”
Lucas 21:24 (Ang Biblia)
24 Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.
Kinsa si Hesus alang kanimo?
1. Nagsugod kini sa pagtoo sa gahum ni Hesus.
Juan 4:46-48 (Ang Biblia)
46 Busa miadto na usab siya didto sa Cana sa Galilea diin gihimo niya nga bino ang tubig. Unya didto sa Capernaum, may usa ka pangulo nga ang anak nga lalaki nasakit.
47 Sa iyang pagkadungog nga si Jesus miabot sa Galilea gikan sa Judea, siya miadto ug nagpakiluoy kaniya nga unta iyang adtoon ug ayohon ang anak niya kay kini nag-ungaw na sa kamatayon.
48 Ug si Jesus miingon kaniya, “Kon dili kamo makakita ug mga ilhanan ug mga katingalahan, dili kamo motuo.”
Juan 4:49 (Ang Biblia)
49 Ang pangulo miingon kaniya, “Ginoo, adtoa intawon ang akong anak sa dili pa siya mamatay.”
2. Gipadayag kini ang kaugalingon isip pagtoo sa saad ni Jesus
Juan 4:50 (Ang Biblia)
50 Si Jesus miingon kaniya, “Lakaw, ang imong anak mabuhi.” Ang tawo mituo sa pulong nga gisulti ni Jesus ug milakaw siya.
3. Gikumpirma ang ilang kaugalingon isip pagtoo sa persona ni Jesus
Juan 4:51-52 (Ang Biblia)
51 Ug sa naglugsong pa siya sa dalan, ang iyang mga ulipon misugat kaniya nga nag-ingon nga ang iyang anak buhi. 52 Busa siya nangutana kanila kon kanus-a siya nagsugod sa pagkaayo ug sila miingon kaniya, “Kagahapon sa unang takna sa hapon siya gihuwasan sa hilanat.”
Juan 4:53 (Ang Biblia)
53 Ug ang amahan nahibalo nga mao kadto ang takna sa pag-ingon ni Jesus kaniya, “Ang imong anak mabuhi.” Ug mituo siya ug ang iyang tibuok nga panimalay. 54 Kini mao ang ikaduhang ilhanan nga gihimo ni Jesus sa iyang pag-abot sa Galilea gikan sa Judea.