Ang atong kinabuhi kinahanglan nga mopamatuod sa atong personal nga kasinatian nga kasinatian uban sa manluluwas.
Sermon Title: PAGPAUBOS, SUMBANAN SA KRISTOHANONG PAGKINABUHI
Sermon Text: FILIPOS 2:1-11 (ANG BIBLIA)
Sermon Series: FILIPOS: KALIPAY NGA MAKAPLAGAN SA PAGLAKAW
By: PTR MATIAS MAHUSAY SR.
Sermon Notes:
Mga Taga-Filipos 2:1-11 (Ang Biblia)
1 Busa kon aduna may pagdasig diha kang Cristo, kon aduna may pagkadinasig sa gugma, kon aduna may pakig-ambitay diha sa Espiritu, kon aduna may pagbinatiay ug pagkinaluy-anay, 2 hingpita ninyo ang akong kalipay pinaagi sa samang hunahuna, ingon nga nagbaton ug samang gugma, nga anaa sa hingpit nga panagkauyon ug usa ka hunahuna. 3 Ayaw kamo pagbuhat ug bisan unsa pinaagi sa kahakog o pagpagarbo sa kaugalingon, apan diha sa pagpaubos isipa ang uban nga labaw pang maayo kay sa inyong kaugalingon. 4 Kinahanglan nga ang matag usa kaninyo magtan-aw dili lamang sa iyang kaugalingong mga kaayohan, kondili sa mga kaayohan usab sa uban. 5 Batoni kining hunahunaa diha kaninyo nga nabatonan ninyo diha kang Cristo Jesus, 6 nga bisan tuod siya naglungtad diha sa kinaiya sa Dios, wala siya maghunahuna nga ang pagpakigtupong sa Dios usa ka butang nga huptan, 7 apan gihaw-asan niya ang iyang kaugalingon diha sa kinaiya sa usa ka ulipon, diha sa iyang pagkasama sa mga tawo. Ug sa nakita diha sa tawhanon nga dagway, 8 siya nagpaubos sa iyang kaugalingon ug nahimong masinugtanon hangtod sa kamatayon, bisan pa sa kamatayon diha sa krus. 9 Busa ang Dios mibayaw kaniya sa kahitas-an ug gihatag kaniya ang ngalan nga labaw sa tanang ngalan, 10 aron nga diha sa ngalan ni Jesus ang tanang tawo moluhod didto sa langit, dinhi sa yuta ug sa ilalom sa yuta, 11 ug ang tanang dila magsugid nga Ginoo si Jesu-Cristo alang sa pagdayeg sa Dios nga Amahan.
I. PANAGKAUYON
Mga Taga-Colosas 3:12-15 (Ang Biblia)
12 Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob; 13 mag-pinailobay sa usa ug usa ug nga kon aduna may mulo ang usa batok sa usa, magpinasayloay ang usa ug usa. Ingon nga ang Ginoo nagpasaylo kaninyo, busa mao usab kamo. 14 Ug labaw niining tanan isul-ob ang gugma nga mao ang bugkos sa kahingpitan. 15 Ug paharia ang kalinaw ni Cristo diha sa inyong mga kasingkasing, nga ngadto niini kamo gitawag diha sa usa ka lawas. Ug pagmapasalamaton kamo.
Mga Taga-Roma 15:5-7 (Ang Biblia)
5 Ang Dios sa pailob ug pagdasig maghatag unta kaninyong tanan ug pagsinabtanay sa usa ug usa sumala kang Cristo Jesus, 6 aron diha sa hiniusa nga tingog magdungan kamo sa paghimaya sa Dios ug Amahan sa atong Ginoong Jesu-Cristo. 7 Busa pagdinawatay kamo sa usa ug usa ingon nga si Cristo midawat kaninyo, alang sa himaya sa Dios.
“Ang panaghiusa diha kang Kristo dili usa ka butang nga makab-ot, kini usa ka butang nga angay ilhon”.
A.W. Tozer (Hinubad)
II. PAGKAMAUPBSANON
Mga Taga-Galacia 6:3 (Ang Biblia)
3 Kay kon adunay maghunahuna nga siya mahinungdanon bisan siya walay bili, siya naglimbong sa iyang kaugalingon.
“Kun tinuod nga gihigugma ko ang Dios, ang akong kinaiya sa pagkamanunayon pagkahakog makadawat sa iyang hampak sa kamatayon”.
Alexander Smellie (Hinubad)
“Kadtong nakaila sa Dios magmapainubsanon. Kadtong nakala sa ilang kaugalingon dili makapasigarbo.”
John Trapp (Hinubad)
Mga Taga-Galacia 5:19-21(Ang Biblia)
19 Ug dayag kaayo ang mga buhat sa unod nga mao kini: salawayong pakighilawas, kahugaw, kaulag, 20 pagsimba ug mga diosdios, pagsalamangka, pagdinumtanay, panagbingkil, pangabubho, kapungot, kahakog, pagkabahinbahin, pagpundokpundok, 21 kasina, paghuboghubog, mapatuyangong hudyaka ug mga butang nga sama niini. Pasidan-an ko kamo sama sa akong pagpasidaan kaninyo kaniadto, nga ang mga nagbuhat sa maong mga butang dili makapanunod sa gingharian sa Dios.
Santiago 3:16-18 (Ang Biblia)
16 Kay diin gani anaa ang kasina ug ang hinakog nga tinguha anaa usab ang kagubot ug ang tanang ngil-ad nga buhat. 17 Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon. 18 Ug ang bunga sa pagkamatarong diha sa pakigdait, gipugas alang sa mga nagbuhat ug kalinaw.
“Buta ka kun kinsa ang Dios, ug buta ka kun kinsa ka”.
Ann Voskamp (Hinubad)
Mga Taga-Roma 12:9-10 (Ang Biblia)
9 Kinahanglang walay pagminaot ang gugma. Dumti ninyo ang daotan; kupot sa maayo. 10 Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.
Lucas 9:23-26 (Ang Biblia)
23 Ug siya miingon sa tanan, “Kon adunay buot nga mosunod kanako, kinahanglang magdumili siya sa iyang kaugalingon ug magpas-an sa iyang krus matag adlaw ug mosunod kanako. 24 Kay si bisan kinsa nga buot magluwas sa iyang kinabuhi mawad-an hinuon niini, ug si bisan kinsa nga mawad-an sa iyang kinabuhi tungod kanako, magluwas niini. 25 Kay unsa bay makuha sa tawo kon maangkon niya ang tibuok kalibotan ug malaglag o mapildi ang iyang kaugalingon? 26 Kay si bisan kinsa nga maulaw tungod kanako ug sa akong mga pulong, ikaulaw sa Anak sa Tawo inig-abot niya diha sa iyang himaya ug sa himaya sa Amahan ug sa mga balaang anghel.
III. PAGMASINUGTANON
Juan 10:30 (Ang Biblia)
30 Ako ug ang Amahan usa ra.”
IV. PAGABAYAWON
Mateo 23:12 (Ang Biblia)
12 ug si bisan kinsa nga magpataas sa iyang kaugalingon ipaubos ug si bisan kinsa nga magpaubos sa iyang kaugalingon ipataas.
Santiago 4:10 (Ang Biblia)
10 Ipaubos ang inyong kaugalingon atubangan sa Ginoo ug siya magtuboy kaninyo.
1 Pedro 5:6 (Ang Biblia)
6 Busa pagpaubos kamo ilalom sa gamhanang kamot sa Dios, aron kamo iyang ituboy unya sa gitakda nga panahon.
Mga Buhat 2:32-36 (Ang Biblia)
32 Kining maong Jesus gibanhaw sa Dios, ug niini kaming tanan mga saksi. 33 Busa ingon nga gituboy siya ngadto sa tuo sa Dios, ug nadawat niya gikan sa Amahan ang saad nga Espiritu Santo, siya mibubo niini. Ug kini inyong nakita ug nadungog. 34 Kay si David wala mosaka ngadto sa langit, apan siya gayod ang miingon, ‘Ang Ginoo miingon sa akong Ginoo, Lingkod sa akong tuo, 35 hangtod nga ang imong mga kaaway himoon nako nga tumbanan alang sa imong mga tiil.’ 36 Busa pahibaloa gayod ang tibuok banay sa Israel nga ang Dios naghimo kaniya nga Ginoo ug Mesias, kining maong Jesus nga inyong gilansang sa krus.” 36 Busa pahibaloa gayod ang tibuok banay sa Israel nga ang Dios naghimo kaniya nga Ginoo ug Mesias, kining maong Jesus nga inyong gilansang sa krus.”