Sermon Title: PAG-ATUBANG SA ATONG MGA KAHADLOK
Scripture Text: 1 SAMUEL 17
By: PTR MATIAS MAHUSAY SR.
Sermon Notes:
1 Samuel 17:45-51 (GNT – Maayong Balita)
45 Unya giingnan ni David si Goliat, “Miduol ka kanako dala ang imong espada ug bangkaw apan ako makigsangka kanimo sa ngalan sa Ginoo nga Labing Gamhanan, ang Dios sa kasundalohan sa Israel nga imong gipasipad-an.
46 Niining adlawa itugyan ka kanako sa Ginoo ug patyon ko ikaw ug punggotan sa imong ulo. Ipakaon ko sa mga langgam ug sa ihalas nga mga mananap ang mga patayng lawas sa kasundalohan sa mga Filistihanon aron ang tibuok kalibotan masayod nga may Dios sa Israel
47 ug aron ang tanan nga nagkatigom karon dinhi masayod nga ang Ginoo magluwas dili pinaagi sa espada ug sa bangkaw. Ang Ginoo maoy makig-away ug itugyan ka niya sa among kamot.”
48 Unya si Goliat midasdas kang David ug si David usab nagdagan nga misugat kaniya.
49 Mikuot si David ug bato sa iyang puntil ug gipahimutang niya kini sa iyang lambuyog ug gipunting niya ug naigo ang agtang ni Goliat. Nalubong sa iyang agtang ang bato ug nalukapa siya.
50 Busa pinaagi sa lambuyog nabuntog ug napatay ni David si Goliat; si David walay dalang espada.
51 Unya midagan si David ngadto kang Goliat ug gilunggoan niya siya sa ulo ginamit ang espada niini. Sa pagkakita sa mga Filistihanon nga patay na ang ilang sinaligan, nanagan sila.
1 Samuel 17:1-3 (GNT – Maayong Balita)
1 Niining higayona nagtigom ang kasundalohang Filistihanon alang sa gubat. Didto sila magtigom sa Soco nga sakop sa Juda ug nagkampo sila tungatunga sa Soco ug sa Azeka didto sa yuta sa Epesdamim.
2 Sa laing bahin, gitigom usab ni Saul ang kasundalohan sa Israel ug didto sila magkampo sa Walog sa Ela ug nangandam sila sa pagpakig-away sa mga Filistihanon.
3 Ang mga Filistihanon didto sa bukid atbang kanila ug ang nag-ulang kanila mao ang walog.
1 Samuel 17:11 (GNT – Maayong Balita)
11 Sa pagkadungog ni Saul ug sa tanang mga Israelita niining hagit ni Goliat, nangahadlok sila pag-ayo.
2 Timoteo 1:7 (GNT – Maayong Balita)
7 Kay ang Espiritu nga gihatag sa Dios kanato wala maghimo kanatong talawan kondili naghatag kanatog gahom ug gugma ug pagpugong sa kaugalingon.
Matteo 10:28 (GNT – Maayong Balita)
28 Ayaw kamo kahadlok niadtong mopatay sa lawas apan dili makapatay sa kalag. Kahadloki hinuon ninyo ang Dios nga makalaglag sa lawas ug sa kalag didto sa impirno.
Mga Hebreo 10:31 (GNT – Maayong Balita)
31 Makalilisang gayod ang pagkahulog ngadto sa kamot sa buhi nga Dios
Unsa man ang imong gikahadlukan?
I. HINUMDOMI KON KINSA ANG DIOS
1 Samuel 17:4-7 (GNT – Maayong Balita)
4 Unya migula gikan sa kampo sa mga Filistihanon ang usa ka maayong laki sa gubat. Siya mao si Goliat nga taga-Gat nga may gitas-on nga mga tulo ka metros.
5 Nagkalo siyag helmet nga bronsi ug may panalipod siya sa iyang lawas ug kini may gibug-aton nga 57 ka kilo nga bronsi.
6 Sa iyang bitiis may panalipod nga bronsi ug usa ka bangkaw nga bronsi usab nga iyang gikabiba.
7 Ang lawas sa iyang bangkaw sama kadako sa likisan sa hablanan ug ang uhas sa iyang bangkaw may gibug-aton nga pito ka kilo nga puthaw ug nag-una kaniya ang tigdala sa iyang taming.
1 Samuel 17:26 (GNT – Maayong Balita)
26 Ug miingon si David sa mga tawo nga tupad kaniya, “Unsa kadtoy iganti sa tawo nga makapatay nianang Filistihanon ug makaluwas sa Israel gikan sa kaulawan? Kinsa ba kining dili motuog Dios nga Filistihanon nga nanghagit sa kasundalohan sa Dios nga buhi?”
1 Samuel 17:25 (Ang Biblia)
25 Ang katawhan sa Israel miingon, “Nakakita ba kamo nianang tawhana nga mitungas? Sa walay duhaduha mitungas siya aron sa paghagit sa Israel, . . .
“Ang kahadlok mututok ngadto sa higante, ang pagtuo mututok sa Diyos.”
Mga bersikulo nga nagahisgot sa marka sa mananap:
REVELATIONS 13:15-17
REVELATIONS 14:9
REVELATIONS 14:11
REVELATIONS 16:2
REVELATIONS 19:20
REVELTIONS 20:4
Gipadayag 14:9-10 (GNT – Maayong Balita)
9 May ikatulong anghel nga misunod ug misinggit, “Ang nagsimba sa mananap ug sa iyang larawan ug napatikan diha sa iyang agtang o sa iyang kamot,
10 paimnon sa bino sa kasuko sa Dios nga gibubo nga walay sagol diha sa kupa sa kapungot sa Dios! Pagasakiton sila pinaagi sa kalayo ug asupre atubangan sa balaang mga anghel ug sa Nating Karnero.
Gipadayag 16:2 (GNT – Maayong Balita)
2 Ug giyabo sa unang anghel ang iyang panaksan ngadto sa kalibotan ug nahiagom sa makalilisang nga kabahong ang tanan nga midawat sa patik sa mananap ug misimba sa iyang larawan.
“Ang kahadlok mututok ngadto sa higante, ang pagtuo mututok sa Diyos.”
FLIP THE SCRIPT CHALLENGE:
“Sa matag negatibo, ug makadugang ug kahadlok nga paghuna-huna (o pagkulokabildo), pagsulti ug lima ka pagpahayag mahitungod kon kinsa ang Dios.”
II. HINUMDOMI KON UNSA ANG GIBUHAT SA DIOS
1 Samuel 17:33-37 (GNT – Maayong Balita)
33 Ug si David giingnan ni Saul, “Dili ka takos nga makig-away nianang Filistihanon kay bata ka pa samtang siya anad na sa gubat sukad pa sa iyang pagkabatan-on.”
34 Apan si David mitubag kang Saul, “Kining imong sulugoon magbalantay sa mga karnero sa iyang amahan. Ug kon may liyon o oso nga motukob sa usa ka nating karnero,
35 gukdon ko kini ug bunalan ug agawon ko ang karnero gikan sa iyang baba. Kon mosumbalik kini kanako, gunitan ko kini sa bungot ug patyon.
36 Napatay sa imong sulugoon ang mga liyon ug mga oso ug kining dili motuog Dios nga Filistihanon mahisama kanila kay iya mang gihagit ang kasundalohan sa Dios nga buhi.”
37 Ug midugang si David, “Giluwas ako sa Ginoo gikan sa kuko ug baba sa mga liyon ug sa mga oso busa luwason usab ako niya gikan niining Filistihanon.” Miingon si Saul kang David, “Lakaw ug panalipdan ka unta sa Ginoo!”
“Kita makalimot sa angay unta natong pagkahinumdoman, ug kita makahinumdom sa angay unta natong kalimtan. Atong ipadako ug maayo ang higante nga atong giatubang ug atong gipagamay ang Dios nga uban ug anaa kanato”
“Kon imong hinumdoman kon unsa ang gibuhat sa Ginoo sa kagahapon, motuo gayod ka sa iyang buhaton karon, ug ikaw mapuno sa pagsalig sa unsa iyang mabuhat sa imong ugma.”
“Kon ikaw nakakita sa Dios na wala makita sa uban, ikaw mobuhat para sa Dios sa unsay dili buhaton sa uban.”
Mga Taga Roma 8:31 (GNT – Maayong Balita)
31 Karon, unsa may atong ikasulti mahitungod niini? Kon dapig kanato ang Dios, kinsay makigbatok kanato?
III. HINUMDOMI NGA ANG GUBAT IYA SA DIOS.
1 Samuel 17:45 (Ang Biblia)
46 Niining adlawa ang Ginoo magtugyan kanimo nganhi sa akong kamot, ug ako magbunal ug maglunggo sa imong ulo gikan kanimo, ug ihatag nako ang mga patay nga lawas sa panon sa mga Filistihanon niining adlawa ngadto sa mga langgam sa kalangitan ug sa mga ihalas nga mananap sa yuta, aron nga ang tibuok yuta mahibalo nga adunay Dios sa Israel,
47 ug aron nga kining tibuok katilingban mahibalo nga ang Ginoo magluwas dili pinaagi sa espada ug bangkaw, kay ang gubat iya sa Ginoo, ug siya maghatag kanimo nganhi sa among kamot.”
“Dili ikaw si David aning maong sugilanon.”
1 Samuel 17:48-49 (GNT – Maayong Balita)
48 Unya si Goliat midasdas kang David ug si David usab nagdagan nga misugat kaniya.
49 Mikuot si David ug bato sa iyang puntil ug gipahimutang niya kini sa iyang lambuyog ug gipunting niya ug naigo ang agtang ni Goliat. Nalubong sa iyang agtang ang bato ug nalukapa siya.
“Kon muabot ang malisod na higayon, hinumdomi kini: Ang gubat iya sa Dios.”
Atong timan-an:
HINUMDOMI KON KINSA ANG DIOS.
HINUMDOMI KON UNSA ANG GIBUHAT SA DIOS.
HINUMDOMI NGA ANG GUBAT IYA SA DIOS.
1 Samuel 17:46 (GNT – Maayong Balita)
46 Niining adlawa itugyan ka kanako sa Ginoo ug patyon ko ikaw ug punggotan sa imong ulo. Ipakaon ko sa mga langgam ug sa ihalas nga mga mananap ang mga patayng lawas sa kasundalohan sa mga Filistihanon aron ang tibuok kalibotan masayod nga may Dios sa Israel