Sermon Title: MAHINUNGDANON ANG PAGKAMASINUGTANON
Scripture Text: JUAN 14:23-24 (ANG BIBLIA)
By: PTR MATIAS MAHUSAY SR.
Sermon Notes:
Juan 3:16 (Ang Biblia)
16 Kay gihigugma sa Dios ang kalibotan sa ingon nga tungod niana gihatag niya ang iyang bugtong Anak aron nga ang tanang motuo kaniya dili malaglag kondili makabaton sa kinabuhing dayon.
Isaias 7:14 (Ang Biblia)
14 Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.
Juan 3:23-24 (Ang Biblia)
23 Si Jesus mitubag ug miingon kaniya, “Kon ang usa ka tawo nahigugma kanako, siya magtuman sa akong pulong, ug ang akong Amahan mahigugma kaniya ug moanha kami kaniya ug kami mopuyo uban kaniya.
24 Ang wala mahigugma kanako dili magtuman sa akong mga pulong ug ang pulong nga inyong nadungog dili akoa kondili sa Amahan nga nagpadala kanako.
I. USA KINI KA BUHAT SA PAGSIMBA UG PAGPADAYAG SA ATONG GUGMA SA DIOS.
Kun gitawag ka nga anak sa Dios ug nahigugma ka sa Dios, mapakita ba nimo ang maong gugma diha sa pagtuman sa iyang mga mando?
Nahisubay ba ang imong gipamuhat sumala sa pulong sa Dios nga kini nga buhat alang kaniya?
Makatestify ba ang naa sa imong palibot tungod sa imong gibuhat nga nahisubay sa pulong sa Dios?
Giunsa man nimo pag-istima ang imong mga higala ang ubang tawo, pamilya, imong kauban sa trabaho?
II. MAKITA SA DIOS NGA KITA MISALIG KANIYA.
III. GANTI SA PAGKAMASINUGTANON
A. Kalampusan
Jeremias 29:11 (Ang Biblia)
11 Kay ako nahibalo sa akong mga laraw alang kaninyo, nag-ingon ang Ginoo, mga laraw sa kaayohan ug dili sa kadaotan, sa paghatag kaninyo ug kaugmaon ug paglaom.
Josue 1:8 (Ang Biblia)
8 Ayaw ibulag kining basahon sa Balaod gikan sa imong baba, hinuon pamalandongi kini sa adlaw ug sa gabii aron magmatngon ikaw sa pagbuhat sumala sa tanan nga nasulat niini, kay sa ingon niana, himoon nimo ang imong dalan nga mauswagon ug unya makaangkon ikaw ug maayo nga kalamposan.
Nagmalampuson ka ba sa imong kinabuhi?
Nakab-ot ba nimo ang imong gipangandoy?
B. Panalangin
Deutoronomio 28:1-14 (Ang Biblia)
1 “Ug kon inyong tumanon ang tingog sa Ginoo nga inyong Dios, nga magmatngon sa pagbuhat sa tanan niyang kasugoan nga gisugo nako kaninyo niining adlawa, ang Ginoo nga inyong Dios magbutang kaninyo ibabaw sa tanang nasod sa yuta. 2 Ug kining tanang mga panalangin moabot kaninyo ug modangat kaninyo kon inyong tumanon ang tingog sa Ginoo nga inyong Dios
3 Mabulahan kamo didto sa lungsod ug mabulahan kamo sa inyong kaumahan. 4 Mabulahan ang bunga sa inyong lawas ug ang bunga sa inyong yuta ug ang bunga sa inyong mga mananap, ang tubo sa inyong mga baka ug ang mga nati sa inyong panon sa karnero. 5 Mabulahan ang inyong bukag ug ang inyong masahanan.
6 Mabulahan kamo sa dihang mosulod kamo ug mabulahan kamo sa dihang mogula kamo. 7 “Ang Ginoo maghimo nga ang inyong mga kaaway nga moalsa batok kaninyo mabuntog diha sa inyong atubangan. Manggula sila batok kaninyo sa usa ka dalan, ug sa pito ka dalan mokagiw sila gikan kaninyo.
8 Ipadala sa Ginoo ang panalangin nganha kaninyo, sa inyong mga kamalig ug sa tanan nga inyong buhaton ug siya magpanalangin kaninyo didto sa yuta nga gihatag kaninyo sa Ginoo nga inyong Dios
9 Ang Ginoo magtukod kaninyo ingon nga katawhan nga balaan alang sa iyang kaugalingon sumala sa gipanumpa niya kaninyo kon tumanon ninyo ang mga sugo sa Ginoo nga inyong Dios ug maglakaw kamo diha sa iyang mga dalan. 10 Ug ang tanang mga katawhan sa kalibotan makakita nga kamo gitawag pinaagi sa ngalan sa Ginoo, ug sila mangahadlok kaninyo. 11 Ug ang Ginoo magpadagaya kaninyo diha sa kauswagan, sa bunga sa inyong lawas, sa bunga sa inyong kahayopan, sa mga bunga sa inyong yuta, sa yuta nga gipanumpa sa Ginoo ngadto sa inyong katigulangan nga ihatag niya kaninyo.
12 Buksan sa Ginoo alang kaninyo ang iyang maayong tipiganan, ang kalangitan, aron sa paghatag ug ulan alang sa inyong yuta sa panahon niini ug aron sa pagpanalangin sa tanang buhat sa inyong mga kamot, ug magpahulam kamo ngadto sa daghang mga nasod apan dili kamo manghulam. 13 Ug ang Ginoo maghimo kaninyo nga ulo ug dili ikog. Ug kamo maibabaw lamang ug dili mailalom kon kamo motuman sa mga sugo sa Ginoo nga inyong Dios nga gisugo nako kaninyo niining adlawa, nga magmatngon sa pagbuhat niini, 14 ug kon dili kamo motipas gikan sa bisan unsa sa mga pulong nga gisugo nako kaninyo niining adlawa, ngadto sa tuo o sa wala, aron sa pagsunod sa laing mga dios sa pag-alagad kanila.
Unsaon pagtuman niini?
A. Aduna kay relasyon sa Dios
Mateo 22:37-38 (Ang Biblia)
37 Ug si Jesus miingon kaniya, “Higugmaa ang Ginoo nga imong Dios sa tibuok nimong kasingkasing ug sa tibuok nimong kalag ug sa tibuok nimong salabotan. 38 Mao kana ang dako ug unang sugo.
B. Pagbasa sa Pulong sa Dios sa matag adlaw.
Josue 1:8 (Ang Biblia)
8 Ayaw ibulag kining basahon sa Balaod gikan sa imong baba, hinuon pamalandongi kini sa adlaw ug sa gabii aron magmatngon ikaw sa pagbuhat sumala sa tanan nga nasulat niini, kay sa ingon niana, himoon nimo ang imong dalan nga mauswagon ug unya makaangkon ikaw ug maayo nga kalamposan.
C. Pinaagi sa pag-ampo
Lucas 22:42 (Ang Biblia)
42 “Amahan, kon buot nimo, kuhaa kining kupa gikan kanako, apan dili ang akong pagbuot maoy matuman kondili ang imo.”