Ang pagtahod ug pagpasidungog sa Dios magsugod gayud sa
kasing-kasing, paghimo kaniya nga labawng bililhon sa atong kasing-kasing, labaw sa tanan.
Sermon Title: ANG PAGPASIDUNGOG SA DIOS
Sermon Text: 1 MGA CRONICAS 21:1-16 (ANG BIBLIA)
Sermon Series: PIKAS BAHIN: PAGTUON SA KINABUHI NI DAVID
By: PTR MATT MAHUSAY SR.
Sermon Notes:
1 Mga Cronicas 29:10-16 (Ang Biblia)
10 Tungod niini gidayeg ni David ang Ginoo sa atubangan sa tibuok katilingban ug si David miingon, “Dalaygon ikaw, O Ginoo, ang Dios ni Israel nga among amahan, hangtod sa kahangtoran. 11 Imo, O Ginoo, ang pagkadako ug ang gahom ug ang himaya ug ang pagdaog ug ang pagkahalangdon kay ang tanan nga anaa sa kalangitan ug sa yuta imo. Imo ang gingharian, O Ginoo, ug ikaw gituboy ingon nga pangulo sa tanan. 12 Ang mga bahandi ug dungog naggikan kanimo ug ikaw naghari sa tanan. Diha sa imong kamot ang gahom ug kusog ug sa imong kamot mao ang pagpadako, ug ang paghatag ug kusog sa tanan. 13 Busa karon, kami nagpasalamat kanimo, among Dios, ug nagdayeg sa imong mahimayaong ngalan. 14 “Apan kinsa man ako ug unsa ang akong katawhan, nga kami mahimong takos sa paghalad nga kinabubut-on sa ingon niini? Kay ang tanang butang gikan kanimo, ug gikan sa imong kaugalingon kami naghatag kanimo. 15 Kay kami mga langyaw sa imong atubangan ug mga dumuduong sama sa tanan namong katigulangan. Ang among mga adlaw sa yuta sama sa usa ka anino ug walay paglaom. 16 O Ginoo nga among Dios, kining tanan nga kadagaya nga among giandam aron sa pagtukod ug usa ka balay alang sa imong balaan nga ngalan naggikan sa imong kamot ug ang tanan imong kaugalingon.
I. MAGSUGOD KINI SA ATONG KASING-KASING
Deuteronomio 6:13 (APSD)
13 “Tahora ninyo ang Ginoo nga inyong Dios; siya lang ang inyong alagaran ug manumpa kamo sa iya lang nga ngalan.
II. WALA KITAY GIPANAG-IYA
1 Mga Cronicas 29:12-13 (Ang Biblia)
12 Ang mga bahandi ug dungog naggikan kanimo ug ikaw naghari sa tanan. Diha sa imong kamot ang gahom ug kusog ug sa imong kamot mao ang pagpadako, ug ang paghatag ug kusog sa tanan. 13 Busa karon, kami nagpasalamat kanimo, among Dios, ug nagdayeg sa imong mahimayaong ngalan.
1 Mga Cronicas 29:6-9 (Ang Biblia)
6 Unya ang mga pangulo sa mga balay sa mga katigulangan, ug ang mga pangulo sa mga banay sa Israel, ug ang mga tigmando sa mga linibo ug sa mga ginatos uban sa mga tinugyanan nga nag-alagad sa hari, naghalad sa kinabubut-on nga paghalad. 7 Sila mihatag alang sa pag-alagad sa balay sa Dios, lima ka libo ka talanton nga bulawan ug napulo ka libo ka daric, napulo ka libo ka talanton nga plata ug napulo ug walo ka libo ka talanton nga bronsi ug usa ka gatos ka libo ka talanton nga plata. 8 Ug si bisan kinsa nga adunay bililhong bato mihatag niini ngadto sa panudlanan sa balay sa Ginoo ubos sa pagdumala ni Jehiel nga Gersonhanon. 9 Unya ang katawhan nangalipay tungod kay nanghatag man sila nga kinabubut-on uban sa tibuok nga kasingkasing, nanghatag sila sa kinabubut-on ngadto sa Ginoo. Si David nga hari nalipay usab pag-ayo.
III. MAHIMO KITA NGA MANGGIHATAGON
“Ang pagtahod ug pagpasidungog sa Dios magsugod gayud sa
kasing-kasing, paghimo kaniya nga labawng bililhon sa atong kasing-kasing, labaw sa tanan.”
Mateo 22:37 (Ang Biblia)
37 Ug si Jesus miingon kaniya, “Higugmaa ang Ginoo nga imong Dios sa tibuok nimong kasingkasing ug sa tibuok nimong kalag ug sa tibuok nimong salabotan.
Isaias 64:6 (Ang Biblia)
6 Kaming tanan nangahimo nga sama sa usa nga hugaw, ug ang tanan namong matarong nga binuhatan sama sa usa ka bisti nga nahugawan.
1 Pedro 3:15 (Ang Biblia)
15 Apan sa sulod sa inyong mga kasingkasing gahina ninyo si Cristo ingon nga Ginoo, andam kamo kanunay sa pagtubag kang bisan kinsa nga mangutana sa hinungdan sa paglaom nga anaa kaninyo.
Kinsa ang imong gihatagan ug pinakadaku ug bili sa imong kasing kasing?
- Pasidunggi ang Dios sa imong oras…
- Pasidunggi ang Dios sa imong templo…
- Pasidunggi ang Dios sa imong talento…
- Pasidunggi ang Dios sa imong bahandi…
- Pasidunggi ang Dios sa imong kasing-kasing.
Mateo 6:24 (Ang Biblia)
24 “Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.