Mosalig kita sa saad sa Dios kay siya matinud-anon ug dili malimtanon. Ang plano sa Dios maoy atong agdon kay kini maghatag kanato ug paglaum ug kaugmaon.
Sermon Title: ANG LARAW SA DIOS
Sermon Text: JEREMIAS 29:11 (ANG BIBLIA)
Sermon Series: SNAPSHOT SCRIPTURES: WALAY KATAPUSANG KAMATUORAN SA PIPILA KA PULONG
By: PTR MATIAS MAHUSAY SR.
Sermon Notes:
I. ANG DIOS DILI MALIMTANON
Hebreohanon 10:17 (Ang Biblia)
17 Unya siya midugang, “Ang ilang mga sala ug mga kasaypanan dili na nako hinumdoman.”
Jeremias 29:4-7 (Ang Biblia)
4 “Mao kini ang giingon sa Ginoo sa mga panon, ang Dios sa Israel, ngadto sa tanang binihag nga akong gipadala nga binihag gikan sa Jerusalem ngadto sa Babilonia:
5 Pagtukod kamo ug mga balay ug pamuyo kamo niini, pagtanom kamo ug mga tanaman ug kaona ninyo ang mga abot niini.
6 Pangasawa kamo ug panganak kamo ug mga anak nga lalaki ug mga anak nga babaye. Pagkuha ug maasawa sa inyong mga anak nga lalaki, ug ihatag ang inyong mga anak nga babaye diha sa kaminyoon aron sila manganak ug mga anak nga lalaki ug mga anak nga babaye. Sanay kamo didto ug ayaw pagpakunhod.
7 Apan tinguhaa ninyo ang kaayohan sa siyudad diin didto ko kamo gipabihag, ug pag-ampo kamo sa Ginoo mahitungod niini, kay diha sa kaayohan niini kamo makakaplag sa inyong kaayohan.
Jeremias 29:10-14 (Ang Biblia)
10 “Kay mao kini ang giingon sa Ginoo: Sa dihang matapos ang 70 ka tuig sa Babilonia, moduaw ako kaninyo ug tumanon nako ang akong saad kaninyo ug dadon ko kamo pagbalik niining dapita. 11 Kay ako nahibalo sa akong mga laraw alang kaninyo, nag-ingon ang Ginoo, mga laraw sa kaayohan ug dili sa kadaotan, sa paghatag kaninyo ug kaugmaon ug paglaom 12 Unya motawag kamo kanako, ug moduol ug mag-ampo kamo kanako, ug ako mamati kaninyo. 13 Kamo mangita kanako ug makakaplag kanako; sa diha nga kamo mangita kanako uban sa tibuok ninyong kasingkasing, 14 ako makaplagan ninyo, nag-ingon ang Ginoo, ug akong ipahiuli ang inyong maayong kahimtang ug tigomon kamo gikan sa tanang mga nasod ug sa tanang mga dapit diin giabog ko kamo, nag-ingon ang Ginoo, ug dad-on ko kamo pagbalik ngadto sa dapit diin kamo gihinginlan gikan niini.
Jeremias 29:15-21 (Ang Biblia)
15 “Tungod kay kamo nag-ingon, ‘Ang Ginoo nagpatungha kanamo ug mga propeta didto sa Babilonia,’— 16 Mao kini ang giingon sa Ginoo mahitungod sa hari nga naglingkod sa trono ni David, ug mahitungod sa tibuok katawhan nga nagpuyo niining siyudara, ang inyong mga kadugo nga wala moadto uban kaninyo sa pagkabihag. 17 Mao kini ang giingon sa Ginoo sa mga panon: Tan-awa, ako nagpadala kanila sa espada, sa gutom ug sa kamatay, ug himoon nako sila nga sama sa dunot nga mga igos nga hilabihan ka dunot nga dili na makaon. 18 Gukdon nako sila pinaagi sa espada, sa gutom ug sa kamatay, ug himoon nga kalisangan sa tanang mga gingharian sa yuta aron mahimong tunglo, usa ka kahadlokan, usa ka talamayon ug usa ka kaulawan sa taliwala sa tanang mga nasod diin didto giabog nako sila, 19 tungod kay sila wala magtagad sa akong mga pulong, nag-ingon ang Ginoo, nga sa makanunayon gipadala nako ngadto kanila pinaagi sa akong mga alagad nga mga propeta, apan wala kamo mamati, nag-ingon ang Ginoo. 20 Busa pamatia ninyo ang pulong sa Ginoo, kamong tanan nga binihag nga akong gipapahawa gikan sa Jerusalem ngadto sa Babilonia. 21 Mao kini ang giingon sa Ginoo sa mga panon, ang Dios sa Israel, mahitungod kang Ahab nga anak ni Kolaias, ug kang Zedekias nga anak ni Maaseias, nga nagpropesiya ug bakak nganha kaninyo sa akong ngalan: Ako magtugyan kanila ngadto sa kamot ni Nabucodonosor nga hari sa Babilonia ug patyon niya sila sa atubangan sa inyong mga mata.
Jeremias 25:8-11 (Ang Biblia)
8 “Busa miingon ang Ginoo sa mga panon: Tungod kay kamo wala magtuman sa akong mga pulong, 9 ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan. 10 Dugang pa, wagtangon nako gikan kanila ang tingog sa kasadya ug ang tingog sa kalipay, ang tingog sa pamanhonon ug ang tingog sa pangasaw-onon, ang paggaling sa mga galingan ug ang kahayag sa lampara. 11 Kining tibuok nga yuta mahimo nga ginuba ug biniyaan, ug kining mga nasora mag-alagad sa hari sa Babilonia sulod sa 70 ka tuig.
II. ANG DIOS ADUNAY PLANO
Mga hunahuna sa kalinaw, ug dili sa kadautan.
Ang matag kasakit gitakda ug gisukod.
III. ANG DIOS MAOY ATONG KAUGMAON
Jeremias 19:12-13 (Ang Biblia)
12 Unya motawag kamo kanako, ug moduol ug mag-ampo kamo kanako, ug ako mamati kaninyo. 13 Kamo mangita kanako ug makakaplag kanako; sa diha nga kamo mangita kanako uban sa tibuok ninyong kasingkasing,
Mga Taga-Roma 8:31 (Ang Biblia)
31 Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?