Kinahanglan nga kita magpasensya ug atong itahan ang atong panginahanglan sa pag control kay ang agianan sa Dios kanunayng abli bisan pa nga sa imong pagtan-aw sirado. Hinumdumi nga ang Dios naghimo ug usa ka tinuyo nga direksyon aron ang kangitngit sa pagduhaduha makabaton ug kalipay diha sa pagkalingkawas.
Sermon Title: ANG DIOS UG ANG IMONGPULANG DAGAT
Scripture Text: EXODO 13-14 (ANG BIBLIA)
Sermon Series: MOISES: MGA PAGTULUN-AN SA KINABUHI GIKAN SA NAGDUHA-DUHA NGA BAYANI
By: PTR MATIAS MAHUSAY SR.
Sermon Notes:
Exodo 14:21-31 (Ang Biblia)
21 Unya gituy-od ni Moises ang iyang kamot ibabaw sa dagat, ug gibuhat sa Ginoo ang pagbahin sa dagat pinaagi sa kusog nga hangin gikan sa silangan sa tibuok gabii ug nahimong uga nga yuta ang dagat, ug ang katubigan nabahin. 22 Ug ang katawhan sa Israel misulod sa taliwala sa dagat diha sa uga nga yuta ug nangahimo nga sama sa paril ang tubig diha sa ilang tuo ug sa ilang wala. 23 Migukod kanila ang mga Ehiptohanon, misunod kanila hangtod sa taliwala sa dagat, ang tanang kabayo sa Paraon, ang iyang mga karwahi ug ang iyang mga tigpangabayo. 24 Sa pagkabuntag, gitan-aw sa Ginoo ang panon sa mga Ehiptohanon gikan sa haligi nga kalayo ug sa panganod, ug gigubot niya ang kasundalohan nga Ehiptohanon. 25 Iyang gikuha ang mga ligid sa ilang mga karwahi, aron sila maglisod sa pagpadagan. Unya ang mga Ehiptohanon miingon, “Manibog kita gikan sa atubangan sa Israel kay ang Ginoo nakig-away alang kanila batok sa mga Ehiptohanon.” 26 Unya ang Ginoo miingon kang Moises, “Ituy-od ang imong kamot ibabaw sa dagat, aron ang tubig mobalik nganha sa mga Ehiptohanon, nganha sa ilang mga karwahi ug nganha sa ilang mga tigpangabayo.” 27 Ug gituy-od ni Moises ang iyang kamot ibabaw sa dagat ug ang dagat nahibalik sa iyang naandan nga kahimtang sa pagkabuntag ug ang mga Ehiptohanon miikyas padulong sa tubig ug gilaglag sa Ginoo ang mga Ehiptohanon taliwala sa dagat. 28 Ug ang tubig mibalik ug mitabon sa mga karwahi ug sa mga tigpangabayo ug sa tibuok panon sa Paraon nga misunod kanila ngadto sa dagat ug walay nahibilin kanila bisan usa. 29 Apan ang katawhan sa Israel nanglakaw sa uga nga yuta taliwala sa dagat ug ang tubig nahimong sama sa paril sa ilang tuo ug sa ilang wala. 30 Sa ingon niana giluwas sa Ginoo ang Israel niadtong adlawa gikan sa kamot sa mga Ehiptohanon ug nakita sa Israel ang mga Ehiptohanon nga mga patay na diha sa baybayon sa dagat. 31 Ug nakita sa Israel ang dakong gibuhat sa Ginoo batok sa mga Ehiptohanon. Ug ang katawhan nahadlok sa Ginoo, ug mituo sila sa Ginoo ug kang Moises nga iyang alagad.
Exodo 13:17-18 (Ang Biblia)
17 Sa dihang gipalakaw na sa Paraon ang katawhan, ang Dios wala magdala kanila agi sa dalan sa yuta sa mga Filistihanon, bisan pa ug kadto maoy duol kay ang Dios nag-ingon, “Tingali unya ug magbasol ang katawhan kon makakita sila ug gubat ug mamalik ngadto sa Ehipto.” 18 Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban.
I. USA KA TINUYO NGA DIREKSYON
Exodo 13:17-22 (Ang Biblia)
17 Sa dihang gipalakaw na sa Paraon ang katawhan, ang Dios wala magdala kanila agi sa dalan sa yuta sa mga Filistihanon, bisan pa ug kadto maoy duol kay ang Dios nag-ingon, “Tingali unya ug magbasol ang katawhan kon makakita sila ug gubat ug mamalik ngadto sa Ehipto.” 18 Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban. 19 Gidala ni Moises ang mga bukog ni Jose, kay si Jose nanumpa man sa katawhan sa Israel nga nag-ingon, “Ang Dios moduaw kaninyo ug dad-a ninyo ang akong mga bukog uban kaninyo gikan dinhi.” 20 Ug migikan sila sa Sucot ug nagkampo sa Etam sa daplin sa kamingawan. 21 Ang Ginoo nag-una kanila sa pagkaadlaw pinaagi sa usa ka haligi nga panganod aron magtultol kanila sa dalan, ug sa kagabhion pinaagi sa usa ka haligi nga kalayo aron sa pag-iwag kanila, aron sila makalakaw sa adlaw ug sa gabii. 22 Ang haligi nga panganod panahon sa adlaw ug ang haligi nga kalayo panahon sa gabii wala mobiya sa atubangan sa mga tawo.
Exodo 8:22 (Ang Biblia)
22 Apan nianang adlawa ilain nako ang yuta sa Gosen diin nagpuyo ang akong katawhan, aron walay mga panon sa langaw nga makaadto. Kini aron mahibalo ikaw nga ako mao ang Ginoo nga ania sa taliwala sa yuta.
1 Corinto 10:13 (Ang Biblia)
13 Walay pagsulay nga miabot kaninyo nga wala masinati sa tawo. Ang Dios kasaligan, ug dili niya itugot nga kamo sulayon labaw sa inyong masarangan, apan uban sa pagsulay siya magtagana usab ug lutsanan, aron makasugakod kamo niini.
Josue 1:6-9 (Ang Biblia)
6 Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila. 7 Pagmalig-on lamang ug pagmaisogon gayod nga magmatngon sa pagbuhat sumala sa tanang balaod nga gisugo kanimo ni Moises nga akong alagad. Ayaw pagtipas gikan niini, ngadto sa tuo o ngadto sa wala, aron magmalamposon ikaw bisan asa ka moadto. 8 Ayaw ibulag kining basahon sa Balaod gikan sa imong baba, hinuon pamalandongi kini sa adlaw ug sa gabii aron magmatngon ikaw sa pagbuhat sumala sa tanan nga nasulat niini, kay sa ingon niana, himoon nimo ang imong dalan nga mauswagon ug unya makaangkon ikaw ug maayo nga kalamposan. 9 Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”
Exodo 13:19 (Ang Biblia)
19 Gidala ni Moises ang mga bukog ni Jose, kay si Jose nanumpa man sa katawhan sa Israel nga nag-ingon, “Ang Dios moduaw kaninyo ug dad-a ninyo ang akong mga bukog uban kaninyo gikan dinhi.”
Genesis 50:25 (Ang Biblia)
25 Ug gipapanumpa ni Jose ang mga anak ni Israel, nga nag-ingon, “Ang Dios magduaw kaninyo ug dad-on ninyo gikan dinhi ang akong mga bukog.”
Exodo 13:20-22 (Ang Biblia)
20 Ug migikan sila sa Sucot ug nagkampo sa Etam sa daplin sa kamingawan. 21 Ang Ginoo nag-una kanila sa pagkaadlaw pinaagi sa usa ka haligi nga panganod aron magtultol kanila sa dalan, ug sa kagabhion pinaagi sa usa ka haligi nga kalayo aron sa pag-iwag kanila, aron sila makalakaw sa adlaw ug sa gabii. 22 Ang haligi nga panganod panahon sa adlaw ug ang haligi nga kalayo panahon sa gabii wala mobiya sa atubangan sa mga tawo.
Salmo 107:7 (Ang Biblia)
7 siya midala kanila pinaagi sa dalan nga tul-id, hangtod miabot sila sa usa ka siyudad nga ilang kapuy-an.
II. ANG KANGITNGIT SA PAGDUDA
Exodo 14:9-12 (Ang Biblia)
9 Gigukod sila sa mga Ehiptohanon, sa tanang kabayo ug mga karwahi sa Paraon ug sa iyang mga tigpangabayo ug sa iyang kasundalohan, ug naabtan sila nga nagkampo duol sa dagat, duol sa Pihahirot, atbang sa Baal-sepon. 10 Sa dihang nagkaduol na ang Paraon, ang katawhan sa Israel miyahat sa ilang mga mata, ug ilang nakita nga ang mga Ehiptohanon nagsunod kanila ug nangahadlok sila pag-ayo. Ug ang katawhan sa Israel mituaw ngadto sa Ginoo. 11 Ug sila miingon kang Moises, “Tungod ba kay walay mga lubnganan sa Ehipto nga gikuha nimo kami aron mangamatay sa kamingawan? Unsa ba kining imong gibuhat kanamo sa imong pagdala kanamo gawas sa Ehipto? 12 Dili ba mao man kini ang gisulti namo kanimo didto sa Ehipto, ‘Pasagdi lamang kami nga mag-alagad sa mga Ehiptohanon’? Kay maayo pa alang kanamo ang pag-alagad sa mga Ehiptohanon kay sa mangamatay kami sa kamingawan.”
Exodo 3:7 (Ang Biblia)
7 Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.
Salmo 119:105 (Ang Biblia)
105 Ang imong pulong suga sa akong mga tiil, ug kahayag sa akong agianan.
III. ANG KALIPAY SA PAGKALINGKAWAS
Exodo 14:1-2 (Ang Biblia)
1 Unya ang Ginoo miingon kang Moises, 2 “Sultihi ang katawhan sa Israel sa pagbalik ug magkampo atbang sa Pihahirot, taliwala sa Migdol ug sa dagat, atbang sa Baal-sepon. Anha gayod kamo magkampo atbang niini duol sa dagat.
Exodo 14:4(Ang Biblia)
4 Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.
Exodo 14:14 (Ang Biblia)
14 Ang Ginoo mao ang makig-away alang kaninyo, ug maghilom lamang kamo.”
Exodo 4:15-16 (Ang Biblia)
15 Unya ang Ginoo miingon kang Moises, “Ngano ba nga nagpakitabang man ikaw kanako? Ingna ang katawhan sa Israel sa pagpadayon sa paglakaw. 16 Unya bakyawa ang imong sungkod ug ituy-od ang imong kamot ibabaw sa dagat ug bahina kini, aron ang katawhan sa Israel makalakaw sa uga nga yuta diha sa dagat.
Misangko kana ba sa kinatumyan sa imong dalan?