Isip propeta, si Jesus wala lamang magsulti sa pulong apan, siya mismo ang pulong.
Sermon Title: SI HESUS, KRISTO
Sermon Text: NAGKALAIN-LAING TEKSTO
Sermon Series: KINSA SI HESUS?
By: PTR. MATIAS MAHUSAY SR.
Sermon Notes:
MGA HEBREOHANON 1:1-3 (Ang Biblia)
1 Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.
2 Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.
3 Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,
MGA BUHAT 17:2-3 (Ang Biblia)
2 Ug sumala sa nabatasan ni Pablo misulod siya niini ug sulod sa tulo ka adlawng igpapahulay siya nakiglantugi kanila gikan sa kasulatan,
3 nagpasabot ug nagpamatuod nga kinahanglan gayod nga ang Cristo mag-antos ug mabanhaw gikan sa mga patay. Ug siya miingon, “Kining Jesus nga akong gisangyaw kaninyo, mao ang Cristo.”
MGA BUHAT 18:5 (Ang Biblia)
5 Sa pag-abot ni Silas ug ni Timoteo gikan sa Macedonia, si Pablo naggahin na sa tanan niyang panahon sa pagwali, sa pagpamatuod ngadto sa mga Judio nga ang Cristo mao si Jesus.
MGA BUHAT 18:28 (Ang Biblia)
28 kay gilupig niya pag-ayo ang mga Judio sa atubangan sa kadaghanan, nagpamatuod pinaagi sa kasulatan nga ang Cristo mao si Jesus.
”mashiach”
”annointed”
”messiah”
”christos”
EXODO 30:30 (Ang Biblia)
30 Unya dihogi si Aaron ug ang iyang mga anak nga lalaki ug ihalad sila aron mag-alagad
1 MGA HARI 19:16 (Ang Biblia)
16 ug si Jehu nga anak ni Nimsi dihogi aron mahimong hari sa Israel ug si Eliseo nga anak ni Safat sa Abel-mehula dihogi aron mahimong propeta puli kanimo.
DEUTERONOMIO 18:18 (Ang Biblia)
18 Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya.
ISAIAH 9:6-7 (Ang Biblia)
6 Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”
7 Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, . . .
. . . ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.
PINADAYAG 17:14 (Ang Biblia)
14 Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”
SALMO 110:4 (Ang Biblia)
4 Ang Ginoo nanumpa ug dili mousab sa iyang hunahuna, “Ikaw mao ang pari hangtod sa kahangtoran subay sa laray ni Melkisedek.”
MGA HEBREOHANON 7:17 (Ang Biblia)
17 Kay kini gipamatud-an,
“Ikaw pari hangtod sa kahangtoran,
sumala sa laray ni Melquisedek.”
Repleksyon:
Unsa may pasabot nga si Hesus atong propeta, atong pari ug atong hari?
I. SI JESUS ISIP PROPETA
JUAN 1:1-3 (Ang Biblia)
1 Sa sinugdan mao na ang Pulong ug ang Pulong uban sa Dios, ug ang Pulong Dios. 2 Siya sa sinugdan uban sa Dios. 3 Ang tanang mga butang nangahimo pinaagi kaniya ug walay bisan usa ka butang nga nahimo nga dili pinaagi kaniya niadtong mga butang nga nangahimo.
MGA HEBREOHANON 1:1-2 (Ang Biblia)
1 Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.
2 Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.
MATEO 7:28-29 (Ang Biblia)
28 Sa dihang nahuman si Jesus pagsulti niining tanan, ang mga panon sa katawhan nahibulong sa iyang pagpanudlo 29 kay nagtudlo man siya kanila ingon nga may kagahom ug dili sama sa ilang mga eskriba.
Lucas 14:26-27 (Ang Biblia)
26 “Kon adunay tawo nga moari kanako ug dili siya magdumot sa iyang kaugalingong amahan ug inahan ug asawa ug mga anak ug mga igsoong lalaki ug mga igsoong babaye, oo, ug bisan sa iyang kaugalingong kinabuhi, dili siya mahimong akong tinun-an.
27 Si bisan kinsa nga dili mopas-an sa iyang krus ug mosunod kanako, dili siya mahimo nga akong tinun-an.
Lucas 24:27 (Ang Biblia)
27 Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.
Lucas 24:32 (Ang Biblia)
32 Sila nag-ingon sa usa ug usa, “Dili ba nga ang atong mga kasingkasing nagdilaab man sa sulod nato samtang nagsulti siya kanato diha sa dalan ug samtang nagpasabot siya kanato sa kasulatan?”
Isip propeta, si Jesus wala lamang magsulti sa pulong apan, siya mismo ang pulong.
Mateo 17:5 (Ang Biblia)
5 Samtang nagsulti pa siya, dihay usa ka silaw nga panganod nga mitabon kanila ug gikan sa panganod dihay usa ka tingog nga nag-ingon, “Mao kini ang akong Anak nga pinalangga, diha kaniya nalipay ako, pamati kaniya.”
MGA TAGA-COLOSAS 3:16 (Ang Biblia)
16 Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.
Naminaw ba ta?
Wala kay problema sa espirituhanong pandungog ingon man walay problema ang Dios sa pagsulti.
JUAN 10:27 (Ang Biblia)
27 Ang akong mga karnero mamati sa akong tingog ug ako nakaila kanila ug sila nagsunod kanako.
II. SI JESUS ISIP PARI
MGA HEBREOHANON 7:27 (Ang Biblia)
27 Lahi sa uban nga mga labawng pangulong pari, siya wala magkinahanglan sa adlaw-adlaw nga paghimo ug mga paghalad, una alang sa iyang kaugalingong mga sala ug unya alang sa mga sala sa katawhan. Kini gihimo niya sa makausa lamang alang sa tanang panahon sa paghalad niya sa iyang kaugalingon.
MGA HEBREOHANON 4:16 (Ang Biblia)
16 Sa ingon niana, uban sa pagsalig manuol kita ngadto sa trono sa grasya, aron makadawat ug kaluoy ug makakaplag ug grasya nga makatabang kanato sa panahon sa pagpanginahanglan.
Si Jesus nagpunting kanato ngadto Kaniya ug sa unsay Iyang gibuhat alang kanato.
III. SI JESUS, HARI.
JUAN 18:36 (Ang Biblia)
36 Si Jesus mitubag, “Ang akong gingharian dili gikan niining kalibotana. Kon ang akong gingharian gikan pa niining kalibotana, makig-away unta ang akong mga alagad aron dili ako ikatugyan ngadto sa mga Judio. Apan ang akong gingharian dili gikan niining kalibotana.”
PINADAYAG 19:11-16 (Ang Biblia)
11 Unya nakita nako nga nabukas ang langit, ug dihay usa ka puti nga kabayo! Ang nagkabayo niini ginganlan ug Kasaligan ug Matuod ug pinaagi sa pagkamatarong siya naghukom ug nakiggubat.
12 Ang iyang mga mata daw kalayo nga nagdilaab, ug sa iyang ulo dihay daghang mga purongpurong, ug siya may sinulat nga ngalan nga walay bisan kinsa nga nasayod gawas sa iyang kaugalingon.
13 Siya nagsul-ob ug bisti nga gituslob sa dugo, ug ang ngalan nga gitawag kaniya, Ang Pulong sa Dios.
14 Ug ang mga panon sa kasundalohan sa langit nga nagbisti ug pino nga lino, puti nga pagkahinlo, nagsunod kaniya, nagsakay ug mga puting kabayo.
15 Gikan sa iyang baba migula ang usa ka hait nga espada nga maoy iyang itigbas sa kanasoran, ug siya magmando kanila pinaagi sa bunal nga puthaw, magpigis siya sa pigsanan sa bangis nga kapungot sa Dios nga Makagagahom sa Tanan.
16 Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.
MATEO 6:33 (Ang Biblia)
33 Apan maoy unaha ninyo pagpangita ang gingharian sa Dios ug ang iyang pagkamatarong ug kining tanan idugang kaninyo.
Kon si Jesus ba ang masunod o kita,
si Jesus ba ang magkontrol o kita.