Kung unsa ang mahimo ni Jesus alang kanato kinahanglan kanunay nga ubos sa kung kinsa si Jesus alang kanato.
Sermon Title: SI HESUS MISMO ANG LABING MAHINONGDANON
Scripture Text: LUCAS 17:11-19
By: PTR. MATTIAS MAHUSAY SR.
Sermon Notes:
Lucas 17:11-19 (Ang Biblia)
11 Sa iyang paglakaw padulong sa Jerusalem, siya misubay sa utlanan sa Samaria ug sa Galilea. 12 Ug sa pagsulod niya sa usa ka balangay, siya gisugat sa napulo ka tawong sanlahon nga nagtindog sa layo,
13 ug misinggit nga nag-ingon, “Jesus, Agalon, kaluy-i intawon kami.” 14 Ug sa iyang pagkakita kanila, siya miingon kanila, “Lakaw ug ipakita ang inyong kaugalingon ngadto sa mga pari.” Ug samtang nanglakaw sila, nangaayo sila.
15 Unya usa kanila, sa iyang pagkakita nga siya maayo na, mibalik ug sa kusog nga tingog nagdayeg sa Dios. 16 Ug siya mihapa sa tiilan ni Jesus ug nagpasalamat kaniya. Ug kadto siya usa ka Samarianhon. 17 Si Jesus miingon, “Dili ba napulo man ang nangaayo? Hain man diay ang siyam? 18 Wala ba kanilay mibalik ug nagdayeg sa Dios gawas niining langyaw?” 19 Ug si Jesus miingon kaniya, “Tindog ug lakaw, ang imong pagsalig nakapaayo kanimo.”
Mga Taga-Colosas 2:6-10 (Ang Biblia)
6 Busa ingon nga inyong gidawat kaniadto si Cristo Jesus nga Ginoo, pagkinabuhi kamo diha kaniya, 7 pinagamot ug pinatubo diha kaniya ug gilig-on diha sa pagtuo, ingon nga gitudloan kamo niini, nag-awas sa pagpasalamat.
8 Bantayi ninyo nga walay si bisan kinsa nga magbihag kaninyo pinaagi sa pilosopiya ug sa malimbongon nga pagpatuotuo sumala sa tawhanong kalagdaan nga gikabilinbilin, sumala sa mga gahom sa kalibotan ug dili sumala ni Cristo.
9 Kay diha kaniya nagpuyo sa linawas ang tibuok gayod nga pagka-Dios,
10 ug kamo nahingpit diha kaniya nga mao ang ulo sa tanang pamunoan ug kagahom.
Salmo 73:25-26 (Ang Biblia)
25 Kinsa may akoa nga anaa sa langit gawas kanimo? Ug walay bisan unsa dinhi sa ibabaw sa yuta nga akong gitinguha gawas kanimo.
26 Ang akong unod ug ang akong kasingkasing maluya, apan ang Dios mao ang kalig-on sa akong kasingkasing ug ang akong bahin hangtod sa kahangtoran.
Matuod ug kanunay ba gayod nga wala tay laing gitinguha dinhi sa kalibutan gawas lang sa pagtinguha sa Dios mismo?
Kamusta ang imong relasyon kang Jesus?Nakagamot ba kung kinsa Siya o kung unsa iyang mahimo alang kanimo?
I. Ipahayag ang imong pagka-mapasalamaton
Unsa ka sagad nimo madungog ang imong kaugalingon nga nagpahayag og sinsero nga pagpasalamat?
2 Timoteo 3:1-2 (APSD)
1 Timan-i kini: mahimong malisod gayod ang kataposang mga adlaw.
2 Kay ang mga tawo mahimong mapalabilabihon, mahigugmaon sa kuwarta, hambogiro, mapahitas-on, magsulti ug daotan batok sa ilang isigka-tawo ug sa Dios, dili motuman sa ilang mga ginikanan, dili mapasalamaton, ug dili diosnon.
Usa ba kita niining mga dili mapasalamaton?
Ang pagka-mapasalamaton makatabang kanato sa pagtutok sa naghatag
II. Tan-awa ang kamot sa Dios sa tanang butang.
III. Paggahin ug panahon uban ni Jesus.
Unsa man ang imong relasyon ni Jesus karon?