Sa pagtuon nato kang Hesus, kini tinuod nga usa ka pagtuon sa usa ka relasyon sa kinauyokan niini. Ang tumong simpli kaayo, aron mas mailhan si Hesus.
Sermon Title: SI HESUS (IKADUHANG BAHIN)
Sermon Text: NAGKALAIN-LAING TEKSTO
Sermon Series: BALIK SA SUKARANAN
By: PTR MATT MAHUSAY SR.
Sermon Notes:
MGA HEBREOHANON 4:14-16 (Ang Biblia)
14 Kay aduna man kitay dako nga labawng pangulong pari nga nakalatas sa kalangitan, si Jesus, ang Anak sa Dios, huptan nato pag-ayo ang atong pagtuo.
15 Kay ang atong labawng pangulong pari dili usa ka pari nga dili mobati ug kaluoy kanato sa atong mga kaluyahon, hinuon sa tanang paagi siya gitintal sama kanato, apan wala gayod makasala.
16 Sa ingon niana, uban sa pagsalig manuol kita ngadto sa trono sa grasya, aron makadawat ug kaluoy ug makakaplag ug grasya nga makatabang kanato sa panahon sa pagpanginahanglan.
I. SI HESUS MATUOD NGA TAWO
Mga Hebreohanon 2:14,17 (Ang Biblia)
14 Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,
17 Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.
1. Pisikal nga aspeto sa pagkatawo ug pagtubo
Lucas 2:52 (Ang Biblia)
52 Ug si Jesus mitubo sa kaalam ug panglawas ug sa kahimuot sa Dios ug sa tawo.
2. Makasinati siya ug emosyon
Juan 11:35 (Ang Biblia)
35 Si Jesus mihilak.
3. Iyang nasinati ang tawhanong panginahanglan
Juan 4:6 (Ang Biblia)
6 Didto niadtong dapita ang atabay ni Jacob ug si Jesus nga gikapoy tungod sa iyang panaw milingkod tupad sa atabay. Ug kadto udtong tutok.
“Ang Konsepto sa panaghiusa sa Diosnon ug tawhanon nga kinaiya sa usa lamang ka tawo, mao tingali ang labing lisud nga mga konsepto nga masabtan sa Teolohiya (Theology).”
Charles Ryrie (hinubad)
Mga Taga-Filipos 2:6-8 (Ang Biblia)
6 nga bisan tuod siya naglungtad diha sa kinaiya sa Dios, wala siya maghunahuna nga ang pagpakigtupong sa Dios usa ka butang nga huptan,
7 apan gihaw-asan niya ang iyang kaugalingon diha sa kinaiya sa usa ka ulipon, diha sa iyang pagkasama sa mga tawo. Ug sa nakita diha sa tawhanon nga dagway,
8 siya nagpaubos sa iyang kaugalingon ug nahimong masinugtanon hangtod sa kamatayon, bisan pa sa kamatayon diha sa krus.
Mga Hebreohanon 2:10-18 (Ang Biblia)
10 Kay angay gayod kaniya nga alang kaniya ug pinaagi kaniya naglungtad ang tanang butang, nga sa iyang pagdala sa daghang mga anak ngadto sa himaya, iyang hingpiton pinaagi sa mga pag-antos ang nagpasiugda sa ilang kaluwasan.
11 Kay siya nga nagbalaan ug sila nga gibalaan managsama ug gigikanan, nga tungod niini wala niya ikaulaw ang pagtawag kanila nga mga igsoon,
12 nga nag-ingon, “Ipahayag nako ang imong ngalan ngadto sa akong mga igsoon, taliwala sa mga tinawag dayegon ko ikaw.”
13 Ug usab, “Ako mosalig diha kaniya.” Ug usab, “Ania ako, ug ang mga anak nga gihatag sa Dios kanako.”
14 Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,
15 ug aron maluwas niya silang tanan nga naulipon sulod sa tibuok nilang kinabuhi tungod sa kahadlok sa kamatayon.
16 Kay sa pagkatinuod dili alang sa mga anghel ang iyang kahangawa, kondili alang sa mga kaliwat ni Abraham.
17 Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.
18 Kay ingon nga siya gayod nag-antos ug gitintal, makahimo siya sa pagtabang kanila nga gitintal.
II. ANG TUMONG: ARON MAS MAILHAN SI KRISTO
Sa pagtuon nato kang Hesus, kini tinuod nga usa ka pagtuon sa usa ka relasyon sa kinauyokan niini. Ang tumong simpli kaayo, aron mas mailhan si Hesus.
Mga Taga-Filipos 3:8 (Ang Biblia)
8 Sa pagkatinuod ang tanan akong giisip nga kapildihan tungod sa labaw ka bililhon nga pagkaila kang Cristo Jesus nga akong Ginoo. Tungod kaniya nawad-an ako sa tanang butang ug kini giisip nako nga basura aron maako si Cristo
Pinadayag 3:20 (Ang Biblia)
20 Tan-awa, nagtindog ako sa pultahan ug nagtuktok, kon may magpatalinghog sa akong tingog ug moabli sa pultahan, kaniya mosulod ako ug makigsalo ako uban kaniya, ug siya uban kanako.
Ang pagkat-on bahin kang Hesus nga walay relasyon uban kaniya mahimong usa ka trahedya.