Mas sayon ang paghatag og grasya kon atong hinumdoman nga gikinahanglan usab nato ang grasya.
Sermon Title: SI HESUS ATONG HIGALA
Scripture Text: LUCAS 17:11-19
Sermon Series: KINSA SI HESUS?
By: PTR. MATTIAS MAHUSAY SR.
Sermon Notes:
Lucas 19:1-10 (Ang Biblia)
1 Unya si Jesus misulod sa Jerico ug miagi niini. 2 Ug didtoy usa ka tawo nga ginganlan ug Zaqueo. Siya pangulo sa mga tigpaningil ug buhis, ug adunahan siya.
3 Siya naninguha sa pagtan-aw kon kinsa si Jesus, apan wala siya makahimo tungod sa panon sa katawhan, kay siya mubo man. 4 Busa midagan siya sa unahan ug misaka sa usa ka kahoyng sikomoro aron sa pagtan-aw kaniya, kay siya moagi man niadtong dalana
5 Ug sa pag-abot ni Jesus niadtong dapita, mihangad siya ug miingon kaniya, “Zaqueo, pagdali ug kanaog, kay kinahanglan adto ako moabot sa imong balay karong adlawa.” 6 Busa midali siya pagkanaog, ug midawat kang Jesus nga malipayon.
7 Ug ang tanan nga nakakita niini nagbagulbol nga nag-ingon, “Misulod siya ingon nga dinapit sa balay sa usa ka tawong makasasala.”
8 Ug si Zaqueo mitindog ug miingon sa Ginoo, “Tan-awa, Ginoo, ang katunga sa akong katigayonan ihatag nako sa mga kabos, ug kon aduna man kanilay akong gilimbongan ug bisan unsa, ulian nako siya sa upat ka pilo.”
9 Ug si Jesus miingon kaniya, “Karong adlawa ang kaluwasan miabot niining balaya kay siya usab anak man ni Abraham.
Unsay hunahuna ni Jesus kanato, higala ba siya o kaaway?
Lucas 19:1 (Ang Biblia)
1 Unya si Jesus misulod sa Jerico ug miagi niini.
2 Ug didtoy usa ka tawo nga ginganlan ug Zaqueo. Siya pangulo sa mga tigpaningil ug buhis, ug adunahan siya.
3 Siya naninguha sa pagtan-aw kon kinsa si Jesus, apan wala siya makahimo tungod sa panon sa katawhan, kay siya mubo man.
4 Busa midagan siya sa unahan ug misaka sa usa ka kahoyng sikomoro aron sa pagtan-aw kaniya, kay siya moagi man niadtong dalana.
Sama ba kita niini?
Gusto lang magtan-aw ug dili gusto magpakita?
Nagtago-tago ka ba igsuon?
Gusto kanato nga si Jesus magpadayag kanato apan kita magpabiling tinago sa atubangan Kaniya?
Unsa manang gitagoan nimo igsuon?
Lucas 19:5-6 (Ang Biblia)
5 Ug sa pag-abot ni Jesus niadtong dapita, mihangad siya ug miingon kaniya, “Zaqueo, pagdali ug kanaog, kay kinahanglan adto ako moabot sa imong balay karong adlawa.” 6 Busa midali siya pagkanaog, ug midawat kang Jesus nga malipayon.
Sama ba kita niini?
Kon si Jesus moingon kanimo karon, tawagon ka sa imong pangalan ug moingon nga moadto sa imong balay, unsa imong reaksyon?
Makuratan ka ba o mahadlok nga si Jesus makiglambigit sa imong personal nga kinabuhi?
Mobati ka ba ug kahasol nga si Jesus gusto makigsuod kanimo nga dili lang kutob nga ikaw masayod Kaniya apan siya masayod usab kanimo.
Nahadlok ka ba kay aduna ikaw gitago Kaniya?
Lucas 19:7 (Ang Biblia)
7 Ug ang tanan nga nakakita niini nagbagulbol nga nag-ingon, “Misulod siya ingon nga dinapit sa balay sa usa ka tawong makasasala.”
Unsa man ang tan-aw ni Jesus kanimo?
Lucas 19:10 (Ang Biblia)
10 Kay ang Anak sa Tawo mianhi sa pagpangita ug pagluwas sa nawala.”
”tawo nga makasasala”
Kamo nga nag-angkon nga kamo Cristohanon ug sumusunod ni Jesus, wala ba gayod kamo nakasala bisan lang sa karong semanaha?
Lucas 5:29-30 (Ang Biblia)
29 Unya si Levi naghimo alang kaniya ug usa ka dakong kombira didto sa iyang balay, ug didtoy dakong pundok sa mga tigpaningil ug buhis ug uban pa nga nagtambong sa kan-anan uban kanila. 30 Unya ang mga Pariseo ug ang ilang mga eskriba nagbagutbot batok sa iyang mga tinun-an, nga nag-ingon, “Nganong nangaon ug nanginom man kamo uban sa mga tigpaningil ug buhis ug sa mga makasasala?”
Lucas 5:31-32 (Ang Biblia)
31 Si Jesus mitubag kanila, “Kadtong mga maayo ug panglawas wala magkinahanglan ug mananambal, kondili kadtong mga may sakit. 32 Wala ako moanhi aron sa pagtawag sa mga matarong, kondili sa mga makasasala ngadto sa paghinulsol.”
Juan 7:39 (APSD)
39 Pagkakita niini sa Pariseo nga midapit kang Jesus, miingon siya sa iyang kaugalingon, “Kon kining tawhana tinuod nga propeta, mahibaloan unta niya kon unsa nga matang sa babaye ang mihikap kaniya, tungod kay kanang babayhana makasasala.”
Juan 8:7 (APSD)
7 Ug kay nagpadayon man gayod sila sa pagpangutana kaniya, siya mituyhad ug miingon kanila, “Kinsa kaninyo ang walay sala maoy paunaha paglabay kaniya ug bato.”
Juan 8:10-11 (APSD)
10 Unya mituyhad si Jesus ug miingon kaniya, “Babaye, hain na sila? Wala bay mihukom kanimo ug silot?” 11 Siya mitubag, “Wala, Ginoo.” Ug si Jesus miingon kaniya, “Dili usab ako maghukom kanimo. Lakaw ug ayaw na pagpakasala.”
Mateo 23:15 (Ang Biblia)
15 Alaot kamong mga eskriba ug mga Pariseo, mga tigpakaaron-ingon! Kay gilatas ninyo ang kadagatan ug kayutaan aron paghimo ug bisan usa ka kinabig ug sa dihang makabig na siya, kamo maghimo kaniya nga duha pa ka pilo ka angayan sa imperno kay kaninyo.
Nahisama na ba kita sa mga Pariseo?
Lucas 19:8 (Ang Biblia)
8 Ug si Zaqueo mitindog ug miingon sa Ginoo, “Tan-awa, Ginoo, ang katunga sa akong katigayonan ihatag nako sa mga kabos, ug kon aduna man kanilay akong gilimbongan ug bisan unsa, ulian nako siya sa upat ka pilo.”
Sama ba kita ni Zaqueo nga andam midawat ni Jesus ug nasayod sa iyang kasaypanan ug andam magbag-o?
Tingali susama kita sa mga tawong nakasaksi nga wala nakakita sa ilang mismong pagkamakasasala ug nagtan-aw sa sa laing tawo nga mas ubos?
Lucas 19:9-10 (Ang Biblia)
9 Ug si Jesus miingon kaniya, “Karong adlawa ang kaluwasan miabot niining balaya kay siya usab anak man ni Abraham. 10 Kay ang Anak sa Tawo mianhi sa pagpangita ug pagluwas sa nawala.”
Mas sayon ang paghatag og grasya kon atong hinumdoman nga gikinahanglan usab nato ang grasya.
Lucas 19:10 (Ang Biblia)
9 Kay ang Anak sa Tawo mianhi sa pagpangita ug pagluwas sa nawala.” Andam ba ikaw nga mahimong higala sama nga si Jesus usa ka higala sa mga sinalikway ug nawala?