“Sa miaging Dominggo naghisgot kita sa Kristohanong pagkinabuhi diha sa pag-ampo ug ang mahitungod sa malahutayong pag-ampo. Nga kita dili molunga ug magpadayon kita diha sa pag-ampo nga magtukaw ug puno sa pagpasalamat, ug mapailubon kita nga magpaabot sa tubag sa Dios.
Gipasabot kini ni Pablo nga siya nakasabot kun nganong mag-ampo ug unsa ang gahom niini. Kabahin na kini sa iyang kinabuhi ug iya usab nga gidahum nga mahimo kining kabahin sa matag kinabuhi sa mga Kristohanong pinaagi sa pag-ampo pinasubay sa kabubut-on sa Dios.
Bisan pa nga kita nasayod nga kita mag-ampo kanunay, apan kadaghanan o kasagaran wala mohimo niini. Usa ka rason nga atong makita ngano, tungod kay wala gayud nato masabti ang katuyuan nganong mag-ampo?”
Sermon Title: NGANONG MAG-AMPO
Scripture Text: LUCAS 11:1 (ANG BIBLIA)
By: PTR MATIAS MAHUSAY SR.
Sermon Notes:
Lucas 11:1 (Ang Biblia)
1 Sa nag-ampo si Jesus didto sa usa ka dapit, sa pag-undang niya, usa sa iyang mga tinun-an miingon kaniya, “Ginoo, tudloi kami sa pag-ampo, ingon nga si Juan nagtudlo usab sa iyang mga tinun-an.”
Jeremias 33:3 (Ang Biblia)
3 Sangpita ako ug ako motubag kanimo ug magsugilon kanimo sa dagko ug mga tinago nga mga butang nga wala nimo mahibaloi.
I. Nag-ampo kita aron makita nga kita kanunay nagkinahanglan sa Dios
Lucas 3:21 (Ang Biblia)
21 Sa dihang nabautismohan na ang tanang tawo, ug sa diha nga si Jesus usab nabautismohan na ug samtang nag-ampo, ang langit naabli,
Lucas 4:1-2 (Ang Biblia)
1 Unya si Jesus nga puno sa Espiritu Santo, mibalik gikan sa Jordan, ug gidala siya sa Espiritu ngadto sa kamingawan
2 sulod sa 40 ka adlaw diin siya gitintal sa yawa. Wala siya mokaon sulod niadtong mga adlawa ug pagkahuman niini, gigutom siya.
Lucas 5:16,17 (Ang Biblia)
16 Apan siya mipalayo ngadto sa kamingawan ug nag-ampo.
17 Usa ka adlaw niana, samtang nagtudlo siya, dihay naglingkod nga mga Pariseo ug mga magtutudlo sa Balaod nga gikan sa tanang balangay sa Galilea ug Judea ug gikan sa Jerusalem, ug ang gahom sa Ginoo diha kaniya sa pag-ayo.
Lucas 6:12 (Ang Biblia)
12 Unya niadtong mga adlawa, si Jesus miadto sa bungtod aron sa pag-ampo, ug sa tibuok gabii siya nagpadayon sa pag-ampo ngadto sa Dios.
Lucas 9:18 (Ang Biblia)
18 Sa diha nga nag-ampo siya nga nag-inusara, ang iyang mga tinun-an didto uban kaniya. Siya nangutana kanila, “Sumala sa sulti sa mga tawo, kinsa man ako?”
Lucas 9:28 (Ang Biblia)
28 Mga walo ka adlaw human niining mga pulonga, gidala ni Jesus uban kaniya sila si Pedro, si Juan ug si Santiago, ug mitungas sa bukid aron mag-ampo.
Lucas 18:1 (Ang Biblia)
1 Unya gisuginlan sila ni Jesus ug usa ka sambingay aron pagpaila nga kinahanglang mag-ampo sila kanunay ug dili maluya.
Lucas 22:40-42(Ang Biblia)
40 Sa pag-abot niya sa dapit, siya miingon kanila, “Pag-ampo kamo nga dili kamo mahisulod ngadto sa pagsulay.”
41 Ug siya mipalayo gikan kanila sa gilay-on nga malabay ug bato, ug miluhod ug nag-ampo,
42 “Amahan, kon buot nimo, kuhaa kining kupa gikan kanako, apan dili ang akong pagbuot maoy matuman kondili ang imo.”
Juan 5:19 (Ang Biblia)
19 Si Jesus miingon kanila, “Sa pagkatinuod gayod, sultihan ko kamo nga ang Anak dili makahimo pagbuhat ug bisan unsa pinaagi sa iyang kaugalingon, gawas lamang sa iyang makita nga gibuhat sa Amahan. Kay bisan unsay gibuhat sa Amahan, gibuhat usab kana sa Anak.
Juan 5:30 (Ang Biblia)
30 “Walay bisan unsa nga akong mahimo pinaagi sa akong kaugalingon; sumala sa akong nadungog ako maghukom. Ug ang akong hukom matarong kay wala ako magtinguha sa pagbuhat sa akong kaugalingong kabubut-on kondili sa kabubut-on sa nagpadala kanako.
Mga Buhat 1:14 (Ang Biblia)
14 Kini silang tanan nagpadayon sa paghiusa sa pag-ampo, kauban sa mga babaye ug kang Maria nga inahan ni Jesus ug sa iyang mga igsoong lalaki.
Mga Buhat 4:24 (Ang Biblia)
24 Ug sa ilang pagkadungog niini, nagdungan sila sa pagpatugbaw sa ilang mga tingog ngadto sa Dios ug miingon, “Gamhanang Ginoo, nga mao ang nagbuhat sa langit ug sa yuta ug sa dagat ug sa tanang butang nga anaa niini,
Mga Buhat 4:31 (Ang Biblia)
31 Ug sa nakaampo na sila, nauyog ang dapit diin sila natigom ug silang tanan napuno sa Espiritu Santo ug nagsulti sa pulong sa Dios nga may kaisog.
Kanus-a ang katapusan nga pagtambong ug Prayer Meeting?
Mga Buhat 12:5 (Ang Biblia)
5 Busa si Pedro gibilanggo. Apan gihimo sa iglesia alang kaniya ang mainiton nga pag-ampo ngadto sa Dios.
Mga Buhat 13:2-3 (Ang Biblia)
2 Samtang nagsimba sila sa Ginoo ug nagpuasa, ang Espiritu Santo miingon, “Igahin kanako si Bernabe ug si Saulo alang sa buluhaton nga niini gitawag nako sila.”
3 Unya human sila makapuasa ug makaampo, ilang gipandong ang ilang mga kamot kanila ug gipagikan sila.
Mga Buhat 14:23 (Ang Biblia)
23 Ug sa nakatudlo na sila ug mga kadagkoan alang kanila diha sa matag iglesia, pinaagi sa pag-ampo ug mga pagpuasa, ilang gitugyan sila ngadto sa Ginoo nga ilang gituohan.
II. Nag-ampo kita aron ato pa nga mailhan ug maayo ang Dios.
Lucas 11:2 (Ang Biblia)
2 Ug siya miingon kanila, “Sa inyong pag-ampo, ingnon ninyo: “Amahan, unta balaanon ang imong ngalan. Paanhia ang imong gingharian.
Mateo 6:7-8 (Ang Biblia)
7 “Sa inyong pag-ampo, ayaw paggamit ug daghang mga pulong nga walay kapuslanan, ingon sa gihimo sa mga Gentil kay sila nagdahom nga pamation sila tungod sa daghan nilang mga pulong.
8 Ayaw kamo pagsundog kanila kay ang inyong Amahan nasayod sa inyong mga gikinahanglan sa wala pa kamo mangayo kaniya.
Mateo 6:6 (Ang Biblia)
6 Apan ikaw, sa dihang mag-ampo ka, sulod sa imong lawak ug takpi ang pultahan ug pag-ampo sa imong Amahan nga anaa sa tago ug ang imong Amahan nga nagtan-aw kanimo sa tago magganti kanimo.
III. Nag-ampo kita nga mosurender sa plano sa Dios.
Lucas 22:42 (Ang Biblia)
42 “Amahan, kon buot nimo, kuhaa kining kupa gikan kanako, apan dili ang akong pagbuot maoy matuman kondili ang imo.”
Lucas 11:1-4 (Ang Biblia)
1 Sa nag-ampo si Jesus didto sa usa ka dapit, sa pag-undang niya, usa sa iyang mga tinun-an miingon kaniya, “Ginoo, tudloi kami sa pag-ampo, ingon nga si Juan nagtudlo usab sa iyang mga tinun-an.”
2 Ug siya miingon kanila, “Sa inyong pag-ampo, ingnon ninyo: “Amahan, unta balaanon ang imong ngalan. Paanhia ang imong gingharian.
3 Ihatag kanamo sa matag adlaw ang adlaw-adlaw namong pagkaon. 4 Ug pasayloa kami sa among mga sala, kay kami usab nagpasaylo man sa tanang nakautang kanamo, ug ayaw kami itugyan ngadto sa pagsulay.”
Apan ikaw, sa dihang mag-ampo ka, sulod sa imong lawak ug takpi ang pultahan ug pag-ampo sa imong Amahan nga anaa sa tago ug ang imong Amahan nga nagtan-aw kanimo sa tago magganti kanimo.