“Kinahanglan nga makit-an nato ang Ginoo sa grasya, ug kinahanglan makit-an nato ang grasya sa Ginoo.”
Sermon Title: MAGKINABUHI SA GRASYA
Scripture Text: LUCAS 7:36-50
Sermon Series: PAGMUGNA UG LIG-ON NGA PAGTUO: ATONG BARUGANAN
Sermon Notes:
Lucas 7:36-50 (MBB)
36 Unya may usa ka Pariseo nga midapit kang Jesus sa pagpangaon. Busa miadto si Jesus sa balay sa Pariseo ug nakigsalo kaniya.
37 Niadtong lungsora may usa ka babaye nga daotag kinabuhi. Sa iyang pagkadungog nga si Jesus nagkaon didto sa balay sa Pariseo, miadto siya dala ang usa ka tibod nga alabastro nga puno sa pahumot.
38 Samtang diha siya sa luyo sa tiilan ni Jesus, mihilak siya ug nahumod sa iyang mga luha ang mga tiil ni Jesus. Unya gipahiran niya sa iyang buhok ang mga tiil ni Jesus ug gihagkan ug gibuboan sa pahumot.
39 Sa pagkakita niini sa Pariseo nga nagdapit kang Jesus, miingon siya sa iyang kaugalingon, “Kon tinuod pa nga propeta kining tawhana, makaila unta siya kon kinsa kining babaye nga mihikap kaniya ug unsa kadaotan ang iyang kinabuhi!”
40 Apan miingon si Jesus kaniya, “Simon, aduna akoy isulti kanimo.”
Si Simon mitubag, “Sigi, Magtutudlo, sultihi ako.”
41 Miingon si Jesus, “May duha ka tawo nga nakautang sa usa ka tigpahulam ug kuwarta. Ang usa nakautang ug 500 ka denario ug ang usa 50 ka denario.
42 Apan kay silang duha dili man makabayad, gipapas na lamang sa nagpahulam ang ilang mga utang. Karon, kinsa man sa duha ang labaw nga mahigugma sa nagpahulam kanila?”
43 Mitubag si Simon, “Sa akong hunahuna, kadtong dakog utang.”
“Husto ang imong tubag,” matod ni Jesus.
44 Unya milingi siya sa babaye ug miingon kang Simon, “Nakita mo ba kining bayhana? Mianhi ako sa inyo ug wala mo ako hatagig tubig aron ihugas sa akong mga tiil apan gihugasan niya ang akong mga tiil sa iyang mga luha ug gipahiran sa iyang buhok.
45 Wala mo ako hagki sa imong pagdawat kanako apan siya nagsigig halok sa akong mga tiil sukad sa akong pag-abot.
46 Wala mo dihogi ug lana ang akong ulo apan iyang gidihogan ug pahumot ang akong mga tiil.
47 Busa sultihan ko ikaw nga ang daghan niyang mga sala gipasaylo. Tungod niini, dako ang gugma nga iyang gipakita. Apan kinsa kadtong gipasaylo sa diyutay lamang nga mga sala nagpakita ug diyutay usab nga paghigugma.”
48 Unya giingnan ni Jesus ang babaye, “Gipasaylo na ang imong mga sala.”
49 Ug ang uban nga didto sa kan-anan nakapangutana sa ilang kaugalingon, “Kinsa ba kining tawhana nga nagpasaylo man gani ug mga sala?”
50 Apan miingon si Jesus sa babaye, “Ang imong pagtuo nagluwas kanimo. Pauli nga malinawon.”
Nisalig ka ba sa grasya sa Ginoo ug nagkinabuhi dinha sa Iyahang grasya?
“Kinahanglan nga makit-an nila ang Ginoo sa grasya, ug kinahanglan makit-an nila ang grasya sa Ginoo.”
Juan 1:14 (AB)
14 Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran
Juan 1:17 (AB)
17 Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo
I. ANG GRASYA NAGDAWAT KANATO DINHA SA ATONG SALA.
Lucas 7:36 (MBB)
36 Unya may usa ka Pariseo nga midapit kang Jesus sa pagpangaon. Busa miadto si Jesus sa balay sa Pariseo ug nakigsalo kaniya.
Lucas 7:37-38 (MBB)
37 Niadtong lungsora may usa ka babaye nga daotag kinabuhi. Sa iyang pagkadungog nga si Jesus nagkaon didto sa balay sa Pariseo, miadto siya dala ang usa ka tibod nga alabastro nga puno sa pahumot.
38 Samtang diha siya sa luyo sa tiilan ni Jesus, mihilak siya ug nahumod sa iyang mga luha ang mga tiil ni Jesus. Unya gipahiran niya sa iyang buhok ang mga tiil ni Jesus ug gihagkan ug gibuboan sa pahumot.
Lucas 7:39 (MBB)
39 Sa pagkakita niini sa Pariseo nga nagdapit kang Jesus, miingon siya sa iyang kaugalingon, “Kon tinuod pa nga propeta kining tawhana, makaila unta siya kon kinsa kining babaye nga mihikap kaniya ug unsa kadaotan ang iyang kinabuhi!”
“Ang problema kay dili nga si Jesus wala masayod nga ang babaye usa ka makasasala, apan ang problema si Simon usa ka makasasala ug wala siya masayod niini.”
“Walay lain nga hinungdan nga kita kwalipikado sa grasya sa Ginoo kon dili ang sala.”
“Wala kita magbiya sa atong sala ug human nakadawat sa grasya sa Dios. Kita nakadawat sa grasya sa Dios, ug siya naghatag kanatog kusog nga mobiya sa atong sala.”
II. ANG GRASYA GIILA ANG ATONG KAKULANG SA PAGBAYAD
Lucas 7:40-42 (MBB)
40 Apan miingon si Jesus kaniya, “Simon, aduna akoy isulti kanimo.”
Si Simon mitubag, “Sigi, Magtutudlo, sultihi ako.”
41 Miingon si Jesus, “May duha ka tawo nga nakautang sa usa ka tigpahulam ug kuwarta. Ang usa nakautang ug 500 ka denario ug ang usa 50 ka denario.
42 Apan kay silang duha dili man makabayad, gipapas na lamang sa nagpahulam ang ilang mga utang. Karon, kinsa man sa duha ang labaw nga mahigugma sa nagpahulam kanila?”
“Ang problema, ang babayng bayaran nakakita sa iyang utang, apan ang Pariseo wala makakita sa iyahang kakulangan.”
Ang pinaka labing daotang butang nga atong itudlo sa katawhan na sila maayo ra bisan wala si Jesus. Ang tinuud kay ang Ginoo wala mag hatag ug gasa ngadto sa mga maayong tawo sama ra nga ang mga doctor dili muhatag ug operasyon nga makaluwas sa kinabuhi ngadto sa mga himsog nga mga tawo. Ayaw gayud pagtuo sa bisag unsa mahitungod sa imong kaugaligon o magtuo nga ang Ginoo gihimong dili katingalahan para kanimo, ang Iyahang grasya. Kay mao gayud na, nga iyang grasya katingalahan. — Randy Alcorn (hinubad sa Cebuano)
“Sa panahon nga imong makita ang imong kamaayo walay bili, diha nimo makita nga ang grasya sa Ginoo walay tumbas na bili.”
Lucas 7:43-47 (MBB)
43 Mitubag si Simon, “Sa akong hunahuna, kadtong dakog utang.”
“Husto ang imong tubag,” matod ni Jesus.
44 Unya milingi siya sa babaye ug miingon kang Simon, “Nakita mo ba kining bayhana? Mianhi ako sa inyo ug wala mo ako hatagig tubig aron ihugas sa akong mga tiil apan gihugasan niya ang akong mga tiil sa iyang mga luha ug gipahiran sa iyang buhok.
45 Wala mo ako hagki sa imong pagdawat kanako apan siya nagsigig halok sa akong mga tiil sukad sa akong pag-abot.
46 Wala mo dihogi ug lana ang akong ulo apan iyang gidihogan ug pahumot ang akong mga tiil.
47 Busa sultihan ko ikaw nga ang daghan niyang mga sala gipasaylo. Tungod niini, dako ang gugma nga iyang gipakita. Apan kinsa kadtong gipasaylo sa diyutay lamang nga mga sala nagpakita ug diyutay usab nga paghigugma.”
“Si Simon wala nagpakita ni Jesus ug grasya, apan si Jesus nagpakita ug grasya kanilang tanan.”
III. GRASYA MOTUBAG UG GRASYA
“Ang mga tawo lamang nga dili dawaton sa atong simbahan kay ang mga perpekto nga mga tawo, tungod kay walay bisan usa man nga perpekto.”
Lucas 7:47 (MBB)
47 Busa sultihan ko ikaw nga ang daghan niyang mga sala gipasaylo. Tungod niini, dako ang gugma nga iyang gipakita. Apan kinsa kadtong gipasaylo sa diyutay lamang nga mga sala nagpakita ug diyutay usab nga paghigugma.”
Lucas 7:50 (MBB)
50 Apan miingon si Jesus sa babaye, “Ang imong pagtuo nagluwas kanimo. Pauli nga malinawon.”
“Grasya mutubag ug grasya.”
-ANG GRASYA NAGDAWAT KANATO DINHA SA ATONG SALA
-ANG GRASYA GIILA ANG ATONG KAKULANG SA PAGBAYAD
-GRASYA MOTUBAG UG GRASYA
“NO PERFECT PEOPLE ALLOWED”
“Kung giunsa nimo pagpili sa pagtan-aw sa mga tawo mas mahinungdanon sa imong mga buhat o mga pulong.”