Sermon Title: KATUYO-AN SA PAGSUNOD KANG HESUS
Sermon Text: MARCOS 3: 7-19 (ANG BIBLIA)
Sermon Series: PAGPALAPAD SA MISYON: MAPADAYAG ANG GINGHARIAN
By: PTR MATIAS MAHUSAY SR.
Sermon Notes:
Marcos 3: 7-19
7 Unya si Jesus mibiya uban sa iyang mga tinun-an ngadto sa lanaw ug misunod kaniya ang usa ka dakong panon sa katawhan gikan sa Galilea, gikan usab sa Judea 8 ug sa Jerusalem ug sa Idumea, ug gikan sa mga dapit tabok sa Jordan, ug gikan sa palibot sa Tiro ug Sidon, usa ka dakong panon sa katawhan miadto kaniya sa pagkadungog nila sa tanan niyang nabuhat. 9 Gisugo niya ang iyang mga tinun-an sa pag-andam ug sakayan alang kaniya tungod sa panon sa katawhan, kay tingali unya ug mapiit siya niini, 10 kay daghan man ang iyang gipang-ayo nga tungod niana ang tanang mga may sakit nagdinuotay paingon kaniya aron sa paghikap kaniya. 11 Sa dihang nakakita kaniya ang mga hugaw nga espiritu, mihapa sila sa iyang atubangan ug naninggit nga nag-ingon, “Ikaw mao ang Anak sa Dios!” 12 Apan gibaoran niya sila sa higpit gayod nga dili nila ipaila siya. 13 Unya mitungas si Jesus sa bungtod ug iyang gitawag ngadto kaniya ang iyang mga nahimut-an ug sila miduol kaniya. 14 Ug nagtudlo siya ug napulo ug duha nga ginganlan usab niya ug mga apostoles, nga maoy makig-uban kaniya, ug maoy iyang ipadala aron sa pagsangyaw, 15 ug sa pagbaton ug kagahom sa paghingilin sa mga demonyo. 16 Unya gipili niya ang napulo ug duha, si Simon nga ginganlan usab ug Pedro, 17 si Santiago nga anak ni Zebedeo, si Juan nga igsoon ni Santiago nga ginganlan usab niya ug Boanerges, nga sa ato pa, mga anak sa dalugdog, 18 si Andres, si Felipe, ug si Bartolome, ug si Mateo, ug si Tomas, ug si Santiago nga anak ni Alfeo, si Tadeo, si Simon nga Kananeyo, 19 ug si Judas Iscariote nga nagbudhi kang Jesus.
I. Pagpangita sa ilang katagbawan
Si Jesus mianhi dili aron sa pagtagbaw sa pipila sa atong mga panginahanglan kondili aron mahimong atong bugtong katagbawan sa walay kataposan. Ug Siya mianhi dili aron sa pagtuman sa atong personal nga mga tumong kondili aron Siya ang mahimong bugtong tumong sa atong kinabuhi! Ug nagpahinumdom kini kanato nga dili lamang igo ang pag-ila kang Jesus, apan ang mahinungdanon, mao ang pagtuo ug pagsunod kaniya.
II. Pagtubag sa Iyang panawagan
Juan 7:37
37 Unya sa kataposang adlaw nga mao ang labing dakong adlaw sa kasaulogan, si Jesus mitindog ug misinggit nga nag-ingon, “Kon adunay tawong giuhaw, paaria siya kanako aron siya moinom.
Salmo 103:12
12 sama sa gilay-on sa silangan gikan sa kasadpan,
mao usab ang gilay-on sa iyang pagpahimulag kanato gikan sa atong mga kalapasan.