Atong hinumduman nga mag-ampo kita sa Dios diha sa atong mga sugilanon
Sermon Title: KASAMOK SA HARAN
Sermon Text: GENESIS 29:1-30 (ANG BIBLIA)
Sermon Series: DILI HINGPIT NGA PAGTOO
By: PTR. MATIAS MAHUSAY SR.
Sermon Notes:
Genesis 27:1-4 (Ang Biblia)
1 Sa diha nga tigulang na si Isaac ug ang iyang mga mata halap na, nga tungod niana dili na siya makakita, gitawag niya si Esau, ang iyang anak nga magulang ug siya miingon kaniya, “Anak ko,” ug siya mitubag, “Ania ako.”
Genesis 28:16 (Ang Biblia)
16 Unya nakamata si Jacob gikan sa iyang pagkatulog ug miingon, “Ang Ginoo ania gayod niining dapita ug ako wala mahibalo niini.
Ang Dios nagpanglihok pinaagi sa mga tawo nga dili perpekto.
Mga Taga-Filipos 2:13 (Ang Biblia)
13 kay ang Dios mao ang naglihok diha kaninyo, sa pagbuot ug sa pagbuhat alang sa iyang ikahimuot.
Gitagbo ni Jacob si Rachel.
Genesis 29: 1-3 (Ang Biblia)
1 Unya si Jacob mipadayon sa iyang panaw ug miabot sa yuta sa mga tawo sa silangan.
2 Samtang milantaw siya, iyang nakita ang usa ka atabay diha sa patag, ug didtoy tulo ka panon sa mga karnero nga nanglubog duol niini kay gikan niining atabaya gipainom ang mga panon. Ug didtoy usa ka dakong bato sa baba sa atabay.
3 Ug sa matigom na ang tanang mga panon ligiron sa mga tigbantay sa karnero ang bato gikan sa baba sa atabay ug paimnon nila ang mga karnero; unya iuli nila ang bato sa dapit niini sa ibabaw sa baba sa atabay.
Genesis 29: 4-8 (Ang Biblia)
4 Ug si Jacob miingon kanila, “Mga igsoon ko, taga-diin ba kamo?” Ug miingon sila, “Taga-Haran kami.” 5 Siya miingon kanila, “Nakaila ba kamo kang Laban nga anak ni Nahor?” Ug sila miingon, “Nakaila kami kaniya.”
6 Siya miingon kanila, “Maayo ra ba siya?” Ug sila miingon, “Maayo man. Tan-awa si Raquel nga iyang anak nagpaingon nganhi uban sa mga karnero.”
7 Siya miingon, “Tan-awa, taas pa ang adlaw ug dili pa panahon sa pagpundok sa kahayopan. Paimna ninyo ang mga karnero, ug lakaw, ug pasibsiba sila.”
8 Apan sila miingon, “Dili kami makahimo hangtod nga ang tanang mga panon matigom ug ilang maligid ang bato gikan sa ibabaw sa baba sa atabay; unya mao pay pagpainom namo sa mga karnero.”
Genesis 29: 9-10 (Ang Biblia)
9 Samtang nagsulti pa siya kanila, miabot si Raquel uban ang mga karnero sa iyang amahan kay siya mao man ang nag-atiman niini.
10 Sa pagkakita ni Jacob kang Raquel nga anak ni Laban nga igsoon sa iyang inahan, ug sa mga karnero ni Laban nga igsoon sa iyang inahan, miduol si Jacob ug giligid niya ang bato gikan sa baba sa atabay ug gipainom niya ang panon ni Laban nga igsoon sa iyang inahan.
Genesis 29:11 (Ang Biblia)
11 Unya si Jacob mihalok kang Raquel ug mihilak ug kusog.
Ngano man nihilak si Jacob?
Genesis 29:12-13 (Ang Biblia)
12 Ug si Jacob misugilon kang Raquel nga siya mao ang kadugo sa iyang amahan ug nga siya mao ang anak ni Rebecca. Ug midagan si Raquel ug misugilon niini sa iyang amahan.
13 Sa pagkadungog ni Laban sa balita mahitungod kang Jacob, anak sa iyang igsoon nga babaye, midagan siya aron sa pagsugat kaniya. Ug gigakos niya si Jacob ug gihagkan ug gidala niya sa iyang balay. Ug si Jacob misugilon kang Laban sa tanan nga nahitabo.
Genesis 29:14-15 (Ang Biblia)
14 Ug si Laban miingon kaniya, “Sa pagkatinuod, ikaw akong bukog ug akong unod.” Ug si Jacob mipuyog usa ka bulan uban kaniya. 15 Unya si Laban miingon kang Jacob, “Tungod kay ikaw akong kadugo, angay ba diay nga ikaw mag-alagad kanako nga walay bayad? Sultihi ako kon unsa ang imong suhol?”
Giunsa pagsanong ni Jacob ang imbitasyon?
Genesis 29:16-19 (Ang Biblia)
16 Ug si Laban adunay duha ka anak nga babaye, ang ngalan sa magulang mao si Lea ug ang ngalan sa manghod mao si Raquel. 17 Ang mga mata ni Lea malomo apan si Raquel maanyag ug madanihon.
18 Ug si Jacob nahigugma kang Raquel ug miingon siya, “Sulod sa pito ka tuig ako mag-alagad kanimo alang kang Raquel nga imong kamanghorang anak.” 19 Ug miingon si Laban, “Maayo pa nga siya akong ihatag kanimo kay sa ihatag nako siya sa laing tawo. Puyo uban kanako.”
20 Busa si Jacob nag-alagad sulod sa pito ka tuig alang kang Raquel ug kini daw pipila lamang ka adlaw tungod sa iyang gugma alang kaniya.
Atong hinumduman nga mag-ampo kita sa Dios diha sa atong mga sugilanon
Genesis 29:21-22 (Ang Biblia)
21 Unya si Jacob miingon kang Laban, “Ihatag kanako ang akong asawa aron ako mosulod ngadto kaniya kay natuman na ang akong mga adlaw.”22 Busa si Laban nagpatigom sa tanang mga tawo niadtong dapita ug naghikay siya ug usa ka kombira.
Genesis 29:17 (Ang Biblia)
17 Ang mga mata ni Lea malomo apan si Raquel maanyag ug madanihon.
Genesis 29:22 (Ang Biblia)
22 Busa si Laban nagpatigom sa tanang mga tawo niadtong dapita ug naghikay siya ug usa ka kombira.
Genesis 29:23-24 (Ang Biblia)
23 Apan sa pagkagabii, gikuha ni Laban si Lea nga iyang anak ug iyang gidala ngadto kang Jacob ug siya midulog kang Lea. 24 Ug gihatag ni Laban ang iyang ulipon nga babaye nga si Zilpa ngadto kang Lea nga iyang anak ingon nga iyang sulugoon.
Genesis 29:25-27 (Ang Biblia)
25 Ug sa pagkabuntag na, nakita niya nga si Lea diay. Ug miingon siya kang Laban, “Unsa kining imong gibuhat kanako? Wala ba ako mag-alagad kanimo alang kang Raquel? Ngano nga gilimbongan man nimo ako?”
26 Ug si Laban miingon, “Dili batasan namo ang paghatag sa manghod sa dili pa ang magulang. 27 Taposa ang semana alang niining usa ug ihatag usab namo kanimo ang usa alang sa imong pag-alagad kanako ug lain pang pito ka tuig.”
Genesis 29:28-30 (Ang Biblia)
28 Gibuhat kini ni Jacob ug gitapos ang iyang semana ug gihatag ni Laban kaniya si Raquel nga iyang anak ingon nga iyang asawa. 29 Ug gihatag ni Laban kang Raquel nga iyang anak si Bilha nga iyang ulipon ingon nga iyang sulugoon. 30 Busa siya midulog usab kang Raquel ug gihigugma niya si Raquel labaw pa kay kang Lea ug nag-alagad kang Laban ug lain pang pito ka tuig.
Mga Taga-Galacia 6:7 (Ang Biblia)
7 Ayaw kamo palimbong; ang Dios dili kabugalbugalan, kay bisan unsay ipugas sa tawo, mao usab kana ang iyang anihon.
Unsa nga liso ang imong gitanom mao usab ang imong anihon
Unsa ang liso nga imong gitanom karon?