Sermon Title: GIKAN SA KAPAITAN NGADTO SA KAPASAYLOAN
Scripture Text: EFESO 4:31-32 (ANG BIBLIA)
Sermon Series: EFESO: ANG PLANO SA DIOS SA IYANG KATAWHAN
By: PTR MATIAS MAHUSAY SR.
Sermon Notes:
Mga Taga-Efeso 4:31-32 (Ang Biblia)
31 Isalikway ninyo ang tanang kayugot ug kasuko ug kapungot ug mga pagsingka ug pagpasipala lakip ang tanang kadaotan, 32 apan pagmaluluy-on kamo sa usa ug usa, ug lumo ug kasingkasing, mapinasayloon sa usa ug usa, ingon nga kamo gipasaylo sa Dios tungod kang Cristo.
Mga Taga-Efeso 1:6-7 (Ang Biblia)
6 aron dayegon ang iyang mahimayaong grasya nga sa walay bayad iyang gihatag kanato pinaagi sa Pinalangga. 7 Diha kang Cristo naangkon nato ang pagkatinubos pinaagi sa iyang dugo, ang kapasayloan alang sa atong mga kalapasan, sumala sa kadato sa grasya sa Dios
I. ISALIKWAY ANG KAPAITAN O KAYUGOT
Mga Taga-Efeso 4:26-27 (Ang Biblia)
26 Kasuko kamo apan ayaw pagpakasala tungod niini, ayaw pasalopi sa adlaw ang inyong kasuko, 27 ug ayaw ninyo hatagi ug higayon ang yawa.
Santiago 4:1-2 (Ang Biblia)
1 Diin ba magsukad ang mga gubat ug mga panag-away diha kaninyo? Dili ba sa inyo man nga mga pangibog nga naggubat diha sa mga bahin sa inyong lawas?
2 Nangandoy kamo apan wala kamo makabaton. Nagpatay kamo ug tawo ug nasina apan wala kamo makaangkon. Nakig-away kamo ug nakiggubat. Wala kamo makabaton tungod kay wala man kamo mangayo.
II. PAGHATAG UG PASAYLO
Lucas 6:35 (Ang Biblia)
35 Apan higugmaa ang inyong mga kaaway ug buhata ang maayo ug pahulam sa walay pagpaabot ug bisan unsa, ug dako unya ang inyong ganti, ug kamo mahimong mga anak sa Labing Halangdon kay siya maluluy-on man bisan sa mga tawong dili mapasalamaton ug sa mga daotan.
2 Corinto 2:10-11 (Ang Biblia)
10 Ug bisan kinsa nga inyong gipasaylo, gipasaylo usab nako. Unsay akong gipasaylo, kon aduna man akoy gipasaylo, gihimo nako tungod ug alang kaninyo diha sa atubangan ni Cristo 11 aron dili kita pahimuslan ni Satanas kay kita nahibalo man sa iyang mga pamaagi.
III. HINUMDUMI UNSA ANG GIHIMO SA DIOS KANIMO
Salmo 103:12 (Ang Biblia)
12 sama sa gilay-on sa silangan gikan sa kasadpan, mao usab ang gilay-on sa iyang pagpahimulag kanato gikan sa atong mga kalapasan.
Mga Hebreohanon 10:17 (Ang Biblia)
17 Unya siya midugang, “Ang ilang mga sala ug mga kasaypanan dili na nako hinumdoman.”
Gusto ka mapasaylo?