“Kung nagtoo kita sa kawsa ni Cristo, dili gyud hinungdan kung kinsa ang makakuha sa pasidungog.”
Sermon Title: BERNABE: ANAK SA PAGDASIG
Scripture Text: MGA BUHAT 4:32-37: VARIOUS TEXT
Sermon Series: FINE PRINT: PASIDUNGGAN AND DILI INILA UG PAGSAULOG SA ILANG PAGKAMATINUD-ANON
Sermon Notes:
MGA BUHAT 4:32-37 AB
32 Ug ang pundok sa mga mituo nagkahiusa sa kasingkasing ug hunahuna, ug walay miingon nga iya rang kaugalingon ang bisan unsang mga butang nga iyang gipanag-iya, kondili ilang gisalohan ang tanan nilang butang.
33 Uban sa dakong gahom, ang mga apostoles naghatag sa ilang mga pagpamatuod sa pagkabanhaw sa Ginoong Jesus, ug ang dakong grasya diha kanilang tanan.
34 Walay tawo nga nakulangan diha kanila kay kutob sa may kayutaan o mga balay namaligya niini, ug ang halin ilang gidala
35 ug gibutang sa tiilan sa mga apostoles. Ang pagpang-apod-apod gihimo ngadto sa matag usa sumala sa panginahanglan ni bisan kinsa.
36 Busa si Jose, nga gianggaan sa mga apostoles ug Bernabe (nga ang kahulogan, anak sa pagdasig), nga usa ka Levihanon nga taga-Cipro,
37 mibaligya sa usa niya ka luna nga yuta ug ang halin iyang gihatod ug gibutang sa tiilan sa mga apostoles.
“Ang iglesia wala gitukod dinha lamang sa mga hiyas ug talento sa pipila apan dinha sa mga sakripisyo sa kadaghanan.”
pagdasig | encouragement | Greek: paraklesis
“to call alongside”
“pagtawag uban sa sa kiliran”
I. ANG MAGDADASIG MAGTABO SA PANGINAHANGLAN SA UBAN
MGA BUHAT 4:36-37 AB
36 Busa si Jose, nga gianggaan sa mga apostoles ug Bernabe (nga ang kahulogan, anak sa pagdasig), nga usa ka Levihanon nga taga-Cipro,
37 mibaligya sa usa niya ka luna nga yuta ug ang halin iyang gihatod ug gibutang sa tiilan sa mga apostoles.
SANTIAGO 2:15-16 AB
15 Apan kon ang usa ka igsoong lalaki o babaye walay bisti ug nakulangan sa inadlaw nga pagkaon,
16 ug unya usa kaninyo moingon kanila, “Panglakaw kamo nga malinawon, painiti ug busga ang inyong kaugalingon,” apan wala kamo maghatag kanila sa mga kinahanglanon sa lawas, unsa may kapuslanan niini?
PAMALANDONGI:
Unsaon nimo pagdasig sa ni bisan kinsa man karong adlawa sa pagtagbo sa ilang panginahanglan?
“Buhata ang tanang maayo nga imong mahimo,
John Wesley (hinubad)
Sa bisan unsang pamaagi nga imong mahimo,
Sa tanang pamaagi nga imong mahimo,
Sa tanang lugar nga imong mahimo,
Sa tanang higayon nga imong mahimo,
Sa tanang tawo nga imong mahimo,
Hangtud nga imo pa kining mahimo.”
“Adunay duha ka pamaagi sa pagpalapad sa kahayag: mahimong usa ka kandila o ang salamin nga magbanda sa kahayag.”
Edith Wharton (hinubad)
II. ANG MAGDADASIG MAKAABAG SA UBAN.
MGA BUHAT 9:26-28 MBB
26 Miadto si Saulo sa Jerusalem ug misulay pag-apil sa pundok sa mga tinun-an. Apan wala sila motuo nga usa na siya ka tinun-an busa nangahadlok silang tanan kaniya.
27 Apan si Bernabe mitabang kaniya ug gidala siya ngadto sa mga apostoles. Gisaysayan sila ni Bernabe mahitungod sa pagkakita ni Saulo sa Ginoo didto sa dalan ug nga nakigsulti kaniya ang Ginoo. Iya usab silang gisuginlan sa maisogon nga pagwali ni Saulo sa ngalan ni Jesus didto sa Damasco.
28 Busa mitipon si Saulo kanila ug milibot sa tibuok Jerusalem nga maisugong nagwali sa ngalan sa Ginoo.
“Ang mga tawo mahimo lamang maayo kon … adunay usa ka epektibo nga lider nga anaa motabang sa pagpasilitar sa proseso.”
John Maxwell (hinubad)
PAMALANDONGI:
Kinsa ang tawo o mga tawo nga imong madasig ug ikaw makaabag kanila karon adlawa?
III. ANG MAGDADASIG ADUNAY PAGHUNAHUNA SA GINGHARIAN
MGA BUHAT 11:20-21 MBB
20 Hinuon adunay pipila sa mga magtutuo nga taga-Cipre ug Cirene nga nangadto sa Antioquia ug gisangyawan usab nila sa Maayong Balita mahitungod kang Ginoong Jesus ang mga dili Judio.
21 Ang gahom sa Ginoo diha kanila ug daghan ang nanuo ug nangakabig ngadto sa Ginoo.
22 Ang balita mahitungod niini midangat sa simbahan sa Jerusalem busa ilang gipaadto si Bernabe sa Antioquia.
23 Sa iyang pag-abot didto ug sa nakita niya nga gipanalanginan pag-ayo sa Dios ang katawhan, nalipay siya ug gidasig niya silang tanan nga magpabilin nga matinumanon diha sa Ginoo uban sa bug-os nga kasingkasing.
24 Si Bernabe usa ka maayong tawo, puno sa Espiritu Santo ug sa pagtuo. Ug daghang mga tawo ang nangakabig ngadto sa Ginoo.
25 Unya miadto si Bernabe sa Tarso aron pagpangita kang Saulo.
26 Sa dihang nakit-an niya si Saulo, gidala niya siya sa Antioquia. Sulod sa usa ka tuig silang duha nakig-uban sa mga magtutuo diha sa simbahan ug gitudloan nila ang daghang katawhan. Ug sa unang higayon, ang mga tinun-an gitawag nga mga Cristohanon didto sa Antioquia.
MGA BUHAT 11:30 MBB
30 Busa gibuhat nila kini ug gipadala ang mga hinabang ngadto sa mga kadagkoan sa simbahan pinaagi kang Bernabe ug kang Saulo.
MGA BUHAT 13:2 MBB
2 Usa ka adlaw niana, samtang nagsimba sila sa Ginoo ug nagpuasa, miingon kanila ang Espiritu Santo, “Igahin alang kanako si Bernabe ug si Saulo alang sa buluhaton nga maoy hinungdan sa pagtawag ko kanila.”
MGA BUHAT 14:1 MBB
1 Didto sa Iconio nanulod si Pablo ug si Bernabe sa sinagoga sa mga Judio ug nagwali busa daghang mga Judio ug mga dili Judio ang nahimong mga magtutuo.
PAMALANDONGI:
Unsa imong reaksyo kon ang laing tawo makadawat sa promosyon?
III. ANG MAGDADASIG MUTUO UG PAGHATAG UG LAING KAHIGAYONAN
MGA BUHAT 15:36-40 MBB
36 Human sa pipila ka adlaw si Pablo miingon kang Bernabe, “Mamalik kita ug duawon nato ang mga kaigsoonan sa matag siyudad nga atong gisangyawan sa pulong sa Ginoo ug atong susihon kon naunsa na sila.”
37 Buot ni Bernabe nga pakuyogon si Juan Marcos
38 apan maoy hukom ni Pablo nga dili paubanon si Juan Marcos kay wala man gud siya molahutay pag-uban kanila hangtod sa pagkatapos sa ilang buhat apan mipauli hinuon ug gibiyaan sila didto sa Pampilia.
39 Tungod niini, nagkalalis pag-ayo si Pablo ug si Bernabe ug nagbulag sila. Gidala ni Bernabe si Marcos ug milawig sila ngadto sa Cipre
40 ug si Silas maoy gidala ni Pablo ug migikan sila human sila isalig sa mga kaigsoonan ngadto sa grasya sa Dios.
1 Mga Taga-Corinto 9:6 MBB
6 O si Bernabe ra ba ug ako ang kinahanglang magtrabaho alang sa among panginabuhi?
2 Timoteo 4:11 AB
11 Si Lucas na lamang ang ania uban kanako. Kuhaa si Marcos ug dad-a siya diri uban kanimo kay siya makatabang kanako alang sa buluhaton.
PAMALANDONGI:
Giunsa nimo pag-atubang ang imong mga kapakyasan? Giunsa nimo pag-atubang sa kapakyasan sa uban?
- Kita makadasig sa uban pinaagi sa pagtagbo sa ilang panginahanglan.
2. Kita makadasig sa uban kon kita makaabag kanila.
3. Kita makadasig sa uban kon kita wala maghunahuna kon kinsa ang pasidungog.
4. Kita makadasig sa uban kon kita mutuo sa paghatag ug laing kahigayonan
Kinsa man ang imong Bernabe?
Labaw sa tanan, sa kang kinsa kaman mahimong si Bernabe?