Si Jesus wala moanhi aron “tawagon” ang mga matarong, kondili ang mga makasasala
Sermon Title: ANG PRIBELIHIYO PAGSUNOD SA TAWAG NI KRISTO
Sermon Text: MARCOS 2:13-17 (ANG BIBLIA)
Sermon Series: ANG HARI MIABOT: ANG PAGSUGOD SA BAG-ONG BUTANG
By: PTR MATIAS MAHUSAY SR.
Gihigugma ni Hesus ang mga sinalikway , ug ang wala higugmaa.
Si Jesus wala motutok sa mga matarong na, kondili sa pagluwas sa mga nangawala.
Marcos 2: 13-17
13 Si Jesus miadto na usab sa baybayon ug ang tibuok panon sa katawhan miduol kaniya ug gitudloan niya sila.
14 Samtang naglakaw siya, iyang nakita si Levi nga anak ni Alfeo, naglingkod sa buhisanan ug siya miingon kaniya, “Sunod kanako.” Ug siya mitindog ug misunod kaniya.
15 Samtang nagtambong ni Jesus sa kan-anan sa balay ni Levi, dihay daghang mga tigpaningil ug buhis ug mga makasasala nga naglingkod usab uban kaniya ug sa iyang mga tinun-an, kay diha may daghang misunod kaniya.
16 Ug ang mga eskriba nga mga Pariseo, sa pagkakita nila nga siya nagkaon kauban sa mga makasasala ug sa mga tigpaningil ug buhis, miingon sa iyang mga tinun-an, “Nganong nakigpangaon man siya uban sa mga tigpaningil ug buhis ug sa mga makasasala?”
17 Sa pagkadungog ni Jesus niini, siya miingon kanila, “Ang mga maayo ug lawas wala magkinahanglan ug mananambal, kondili ang mga masakiton. Ako mianhi dili sa pagtawag sa mga matarong, kondili sa mga makasasala.”
I. Gitawag ni Hesus si Levi
Hebreohanon 10:25
25 sa walay pagbiya sa atong panagtigom, ingon sa gibuhat sa pipila, hinuon magdinasigay kita sa usa ug usa ug ilabina gayod sa makita na ninyo nga ang Adlaw nagkaduol na.
Mateo 28:19–20
19 Busa sa inyong pagpanglakaw himoang mga tinun-an ang tanang kanasoran, nga magbautismo kanila sa ngalan sa Amahan ug sa Anak ug sa Espiritu Santo, 20 nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.” “Sa panahon ni Hesus, kun gipili ug gilimitahan pa ni Niya ang Iyang pagtudlo ngadto sa lamang sa duol ug mga relihiyosong palibot, si Mateo dili unta makadungog Kaniya nga magtudlo, ug labaw sa tanan, kita dili makabaton sa iyang ebanghelyo karon.” “Ang sentro nga mensahe sa Ebanghelyo ni Marcos mao nga si Hesukristo, ang Anak sa Dios, mianhi sa yuta nga “ang gingharian sa Dios haduol na,” ug ang tanan kinahanglang “maghinulsol ug motuo sa ebanghelyo ni Kristo”.
Lukas 5:28
28 Biniyaan ang tanan, mitindog siya ug misunod kaniya.
“Ang tanang tawo makasasala ug pareho nga nanginahanglan sa kaluwasan, ang tawag ni Levi ug ang iyang pagtubag sa maong pagtawag, usa ka pahinumdom sa gahum ni Jesus sa pagluwas sa bisan kinsa o ni bisan kinsa nga makasasala ug pag-usab sa bisan unsa nga kahimtang sa kasingkasing.”
II. Gihiusa ni Hesus ang Mga Sinalikway
Lukas 5:29-30
29 Unya si Levi naghimo alang kaniya ug usa ka dakong kombira didto sa iyang balay, ug didtoy dakong pundok sa mga tigpaningil ug buhis ug uban pa nga nagtambong sa kan-anan uban kanila. 30 Unya ang mga Pariseo ug ang ilang mga eskriba nagbagutbot batok sa iyang mga tinun-an, nga nag-ingon, “Nganong nangaon ug nanginom man kamo uban sa mga tigpaningil ug buhis ug sa mga makasasala?”
Marcos 7:5-8
5 Busa nangutana kaniya ang mga Pariseo ug mga eskriba, “Ngano ba nga ang imong mga tinun-an wala man magtuman sa gikabilin nga kalagdaan sa mga katigulangan, ug nangaon man hinuon nga wala manghunaw?” 6 Ug siya miingon kanila, “Maayo gayong pagkatagna ni Isaias mahitungod kaninyong mga tigpakaaron-ingnon, sumala sa nasulat, ‘Kining mga tawhana nagpasidungog kanako pinaagi sa ilang mga ngabil, apan ang ilang kasingkasing layo kanako. 7 Kawang lamang ang ilang pagsimba kanako kay gitudlo man nila ingon nga pagtulun-an ang kasugoan gikan sa mga tawo.’
8 Inyong gibiyaan ang kasugoan sa Dios ug gituman ang gikabilin nga kalagda
“Nagdahom sila nga si Jesus magkinabuhi sama sa ilang gibuhat tungod kay sila sa sinugdan nagtuo nga Siya maghunahuna ug motudlo sa samang paagi nga ilang gibuhat.”
“Si Jesus wala lamang nagtawag sa mga makasasala sa pagsunod kaniya. Gitawag usab niya ang mga makasasala aron makig-uban kaniya.”
III. Gitubag ni Hesus ang Pagsaway
Mateo 9:11-13
11 Sa pagkakita sa mga Pariseo niini, miingon sila sa iyang mga tinun-an, “Nganong nagkaon man ang inyong Magtutudlo uban sa mga tigpaningil ug buhis ug sa mga makasasala?” 12 Apan sa pagkadungog ni Jesus niini siya miingon, “Ang mga maayo ug lawas wala magkinahanglan ug mananambal kondili ang mga masakiton. 13 Lakaw ug tun-i ninyo ang kahulogan niini, ‘Kaluoy ang gitinguha nako, dili ang halad’ kay ako mianhi dili sa pagtawag sa mga matarong, kondili sa mga makasasala.”
“Si Jesus wala moanhi aron “tawagon” ang mga matarong, kondili ang mga makasasala”