Ang atong desisyon karon maoy motino sa atong sugilanon nga atong isugid ugma damlag
Sermon Title: ANG PANALANGIN SA DIOS
Sermon Text: GENESIS 27:1-4
Sermon Series: DILI HINGPIT NGA PAGTOO
By: PTR. MATIAS MAHUSAY SR.
Sermon Notes:
Genesis 27:1-4 (Ang Biblia)
1 Sa diha nga tigulang na si Isaac ug ang iyang mga mata halap na, nga tungod niana dili na siya makakita, gitawag niya si Esau, ang iyang anak nga magulang ug siya miingon kaniya, “Anak ko,” ug siya mitubag, “Ania ako.”
2 Ug miingon siya, “Tan-awa, ako tigulang na ug wala ako mahibalo sa adlaw sa akong kamatayon.
3 Busa karon, kuhaa ang imong mga hinagiban, ang imong baslayan ug ang imong pana, ug adto sa kapatagan ug pangayam alang kanako.
4 Ug lutoi ako ug lamiang pagkaon, kadtong akong gusto ug dad-a nganhi kanako aron makakaon ako niini ug panalanginan ko ikaw sa dili pa ako mamatay.”
Unsaon nimo paghulagway sa kinabuhi nga gipanalanginan?
Imo bang nasinati ang maong panalangin?
2 Corinto 9:11 (Ang Biblia)
11 Sa tanang butang kamo iyang padatoon ngadto sa tumang pagkamahinatagon ug makapahimo sa mga tawo nga mapasalamaton sa Dios pinaagi kanamo.
I. Isaac: Ang Wala Makita Nga Panalangin.
Genesis 26:12-13 (Ang Biblia)
12 Ug nagpugas si Isaac niadtong yutaa ug nakaani niadtong maong tuig ug usa ka gatos ka pilo kay siya gipanalanginan sa Ginoo. 13 Ug siya nadato ug nagpadayon sa pagtigom ug daghan pa gayod hangtod nga siya nahimong adunahan kaayo.
Genesis 26:24 (Ang Biblia)
24 Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”
Genesis 26:34-35 (Ang Biblia)
34 Ug sa nagpanuigon na si Esau ug 40 ka tuig, gipangasawa niya si Judith nga anak ni Beeri nga Hitihanon ug si Basemat nga anak ni Elon nga Hitihanon. 35 Ug ilang gihimo nga pait ang kinabuhi ni Isaac ug ni Rebecca.
Genesis 27:1-4 (Ang Biblia)
1 Sa diha nga tigulang na si Isaac ug ang iyang mga mata halap na, nga tungod niana dili na siya makakita, gitawag niya si Esau, ang iyang anak nga magulang ug siya miingon kaniya, “Anak ko,” ug siya mitubag, “Ania ako.”
2 Ug miingon siya, “Tan-awa, ako tigulang na ug wala ako mahibalo sa adlaw sa akong kamatayon. 3 Busa karon, kuhaa ang imong mga hinagiban, ang imong baslayan ug ang imong pana, ug adto sa kapatagan ug pangayam alang kanako.
4 Ug lutoi ako ug lamiang pagkaon, kadtong akong gusto ug dad-a nganhi kanako aron makakaon ako niini ug panalanginan ko ikaw sa dili pa ako mamatay.”
Genesis 24:63-64 (Ang Biblia)
63 Ug migula si Isaac aron sa pagpamalandong didto sa kapatagan sa sayong kagabhion. Ug giyahat niya ang iyang mga mata ug nalantawan niya nga dihay mga kamilyo nga nagpaingon kaniya. 64 Si Rebecca usab miyahat sa iyang mga mata ug sa dihang nakita niya si Isaac, mikanaog siya sa kamilyo.
Genesis 25:21 (Ang Biblia)
21 Ug nag-ampo si Isaac sa Ginoo alang sa iyang asawa, tungod kay siya dili makaanak ug ang Ginoo mitubag sa iyang pag-ampo ug nagsamkon si Rebecca nga iyang asawa.
“Pag-amping sa mga butang imong palabyon kay basin mahisama ka sa usa ka buta diha sa Dios”
II. Rebekah: Ang Dili Makatarunganong Tinguha.
Genesis 27:5-10 (Ang Biblia)
5 Ug si Rebecca naminaw sa pagsulti niini ni Isaac kang Esau nga iyang anak. Busa sa dihang milakaw na si Esau ngadto sa kapatagan sa pagpangayam aron iyang dad-on,
6 si Rebecca misulti kang Jacob nga iyang anak, “Nadungog nako ang imong amahan nga nagsulti kang Esau nga imong igsoon,
7 ‘Dad-i ako nganhi ug pinangayaman ug lutoi ako ug lamiang pagkaon aron makakaon ako ug panalanginan ko ikaw sa atubangan sa Ginoo sa dili pa ako mamatay.’ 8 Busa karon, akong anak, tumana ang akong pulong sumala sa akong isugo kanimo.
9 Lakaw ngadto sa mga panon ug gikan didto dad-i ako ug duha ka maayo nga nating kanding aron ako makahikay gikan niini ug lamiang pagkaon alang sa imong amahan, kadtong iyang gusto
10 Ug dad-on nimo kini sa imong amahan, aron mokaon siya ug aron ikaw panalanginan niya sa dili pa siya mamatay.”
Giunsa pagtubag ni Jacob?
Genesis 27:11-12 (Ang Biblia)
11 Apan si Jacob miingon kang Rebecca nga iyang inahan, “Tan-awa, si Esau nga akong igsoon balhiboon nga pagkatawo ug ako hamis nga pagkatawo. 12 Tingali unya ug hikapon ako sa akong amahan ug isipon niya ako nga limbongan, ug modangat kanako ang tunglo ug dili panalangin.”
Apan unsay tubag ni Rebekah?
Genesis 27:13 (Ang Biblia)
13 Ang iyang inahan miingon kaniya, “Anak ko, ipahamtang kanako ang tunglo, tumana lamang ang akong pulong. Lakaw ug kuhaa kini alang kanako.”
Genesis 25:23 (Ang Biblia)
23 Ug ang Ginoo mitubag kaniya, “Adunay duha ka nasod sa imong taguangkan, ug ang duha ka katawhan nga mangatawo gikan kanimo magkabahin, ang usa kusgan kay sa usa ug ang magulang mag-alagad sa manghod.”
Aduna bay makaguba sa gipamulong na sa Dios?
Nakig-away siya alang sa panalangin sa Dios apan wala siya’y pag-atiman ug pagtagad sa kahimayaan sa Dios. Gihatagan niya ug bili ang panalangin apan gi balewala niya ang naghatag sa panalangin!
Mga Panulti-hon 3:5-6 (Ang Biblia)
5 Salig sa Ginoo sa tibuok nimong kasingkasing ug ayaw pagsalig sa imong kaugalingong salabotan. 6 Sa tanan nimong mga dalan ilha siya, ug siya magtul-id sa imong mga agianan.
Ang atong desisyon karon maoy motino sa atong sugilanon nga atong isugid ugma damlag
III. Jacob: Paglaktod Nga Wala Kinahanglana.
Genesis 27:18-19 (Ang Biblia)
18 Busa miadto siya sa iyang amahan ug miingon, “Amahan ko.” Ug siya miingon, “Ania ako; kinsa ba ikaw, anak ko?”
Genesis 27:20 (Ang Biblia)
20 Apan si Isaac miingon sa iyang anak, “Nganong dali ra man ikaw nga nakakaplag niana, anak ko?” Ug siya mitubag, “Kay ang Ginoo nga imong Dios naghatag kanako ug kalamposan.”
Genesis 27:21-24 (Ang Biblia)
21 Unya si Isaac miingon kang Jacob, “Duol, aron hikapon ko ikaw, anak ko, kon ikaw mao ba gayod ang akong anak nga si Esau o dili ba.”
22 Busa miduol si Jacob sa iyang amahan nga si Isaac ug iyang gihikap siya ug miingon, “Ang tingog iya ni Jacob apan ang mga kamot mao ang mga kamot ni Esau.”
23 Ug wala siya makaila kaniya kay ang iyang mga kamot balhiboon man sama sa mga kamot sa iyang igsoon nga si Esau. Busa gipanalanginan niya siya. 24 Siya miingon, “Ikaw ba gayod ang akong anak nga si Esau?” Ug siya miingon, “Ako mao.”
25 Unya miingon siya, “Dad-a kana diri kanako aron makakaon ako sa pinangayaman sa akong anak ug panalanginan ko ikaw.” Busa iya kining gidala ngadto kaniya ug mikaon siya, gidad-an niya siya ug bino ug siya miinom.
26 Unya miingon kaniya si Isaac nga iyang amahan, “Duol ngari ug haloki ako, anak ko.”
27 Busa miduol siya ug iyang gihalokan siya ug nakapanimaho si Isaac sa baho sa iyang mga bisti ug gipanalanginan niya siya ug siya miingon, “Tan-awa ang baho sa akong anak sama sa baho sa uma nga gipanalanginan sa Ginoo.
IV. Esau: Wala kinahanglana nga panalangin.
Genesis 27:30-32 (Ang Biblia)
30 Sa dihang nahuman si Isaac sa pagpanalangin kang Jacob ug igo lang nga nakabiya si Jacob sa atubangan ni Isaac nga iyang amahan, si Esau nga iyang igsoon miabot gikan sa iyang pagpangayam. 31 Siya naghikay usab ug lamiang pagkaon ug iyang gidala ngadto sa iyang amahan, ug siya miingon kaniya, “Bangon, amahan ko, ug kaon sa pinangayaman sa imong anak aron ikaw magpanalangin kanako.” 32 Si Isaac nga iyang amahan miingon kaniya, “Kinsa ba ikaw?” Ug siya mitubag, “Ako ang imong anak, ang imong kamagulangan nga si Esau.”
Genesis 27:33(Ang Biblia)
33 Unya si Isaac mikurog sa hilabihan gayod ug miingon, “Kinsa man diay ang mianhi dinhi, nga nangayam ug nagdala niini kanako, ug gikaon nako ang tanan sa wala pa ikaw moabot ug siya gipanalanginan nako? Oo, ug siya mahimong bulahan.”
Genesis 27:34-38 (Ang Biblia)
34 Sa pagkadungog ni Esau sa mga pulong sa iyang amahan, mitiyabaw siya sa hilabihan ug pait nga pagtiyabaw, ug miingon sa iyang amahan, “Panalangini ako, ako usab, O amahan ko.” 35 Ug siya miingon, “Mianhi ang imong igsoon uban sa limbong ug mikuha sa imong panalangin.” 36 Si Esau miingon, “Dili ba tukma nga siya ginganlan ug Jacob? Kay gilimbongan na niya ako sa makaduha. Gikuha niya ang akong katungod sa pagkapanganay ug tan-awa, karon gikuha usab niya ang akong panalangin.” Ug siya miingon, “Wala ka bay nahibilin nga panalangin alang kanako?” 37 Si Isaac mitubag kang Esau, “Tan-awa, gihimo nako siya nga imong agalon, ug ang tanan niyang mga igsoon akong gihatag kaniya ingon nga iyang mga sulugoon. Sa trigo ug sa bino gisangkapan nako siya. Busa unsa may akong mahimo karon kanimo, anak ko?”
Mga Hebreohanon 12:16 (Ang Biblia)
16 nga walay bisan kinsa nga mahimong makihilawason o dili diosnon sama kang Esau, nga ang katungod sa pagkapanganay gipabayloan ug pagkaon.
Genesis 27:41 (Ang Biblia)
41 Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”
Walay makadawat sa panalangin sa Dios kon dili atubangon ang kaugalingong sala
1 Timoteo 1:15 (Ang Biblia)
15 Kasaligan ang pulong ug takos nga dawaton sa hingpit, nga si Cristo Jesus mianhi sa kalibotan aron sa pagluwas sa mga makasasala. Ug ako mao ang labaw sa mga makasasala,
Ang pinakadako nga panalangin mao ang Dios mismo