Ang Dios motagbo kanimo kun asa ka. Motagbo siya kanimo sa imong ordinaryong kalihukan.
Sermon Title: ANG PAGTAWAG SA DIOS
Scripture Text: EXODO 2:11 – 3:10 (ANG BIBLIA)
Sermon Series: MOISES: MGA PAGTULUN-AN SA KINABUHI GIKAN SA NAGDUHA-DUHA NGA BAYANI
By: PTR MATIAS MAHUSAY SR.
Sermon Notes:
Exodo 3:1-10 (Ang Biblia)
1 Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios. 2 Didto ang anghel sa Ginoo mipakita kaniya pinaagi sa usa ka siga sa kalayo sa taliwala sa usa ka sampinit. Ug siya mitan-aw ug nakita niya nga ang sampinit nagsiga apan wala kini maugdaw. 3 Unya si Moises miingon, “Moadto ako ug tan-awon nako kining talagsaong talan-awon, kon ngano nga wala maugdaw ang sampinit.” 4 Sa dihang nakita sa Ginoo nga si Moises miadto aron sa pagtan-aw niini, ang Dios mitawag kaniya gikan sa sampinit, “Moises, Moises!” Ug siya miingon, “Ania ako.” 5 Unya ang Dios miingon, “Ayaw pagduol. Huboa ang imong mga sandalyas gikan sa imong mga tiil, kay ang dapit nga imong gitindogan yuta nga balaan.” 6 Ug siya miingon, “Ako mao ang Dios sa imong amahan, ang Dios ni Abraham, ang Dios ni Isaac ug ang Dios ni Jacob.” Unya gitago ni Moises ang iyang nawong kay siya nahadlok nga motan-aw sa Dios. 7 Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan. 8 Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon. 9 Ug karon ang pagtuaw sa katawhan sa Israel miabot kanako ug nakita nako kon giunsa sila pagdaogdaog sa mga Ehiptohanon. 10 Busa, dali, paadtoon ko ikaw ngadto sa Paraon aron kuhaon nimo ang akong katawhan, ang mga anak ni Israel gikan sa Ehipto.”
I. SIYA MAGTAWAG TALIWALA SA KAPAKYASAN
Exodo 2:11-15 (Ang Biblia)
11 Usa niana ka adlaw, sa dihang midako na si Moises, miadto siya sa iyang katawhan ug misud-ong sa ilang mga paghago ug nakita niya ang usa ka Ehiptohanon nga midagmal sa usa ka Hebreo nga usa sa iyang mga kadugo. 12 Ug siya mitan-aw sa palibot, ug sa dihang nakita niya nga walay tawo, iyang gipatay ang Ehiptohanon ug gilubong sa balas. 13 Sa dihang milakaw siya sa pagkasunod adlaw, nakita niya ang duha ka Hebreo nga nag-away ug siya miingon sa usa nga maoy sad-an, “Nganong imo mang gibunalan ang imong kauban?” 14 Ug siya mitubag, “Kinsa ba ang naghimo kanimo nga pangulo ug maghuhukom kanamo? Naghunahuna ba ikaw sa pagpatay kanako sama sa pagpatay nimo sa Ehiptohanon?” Unya si Moises nahadlok ug miingon sa iyang kaugalingon, “Ang mga tawo nahibalo diay sa nahitabo.” 15 Ug sa pagkadungog sa Paraon mahitungod niini, nagtinguha siya sa pagpatay kang Moises. Apan si Moises mikagiw gikan sa Paraon ug mipuyo sa yuta sa Midian. Ug milingkod siya duol sa usa ka atabay.
Exodo 2:16-22 (Ang Biblia)
16 Unya ang pari sa Midian adunay pito ka anak nga babaye ug miadto sila sa pagkalos ug tubig ug gipuno nila ang mga pasungan nga imnanan sa mga karnero sa ilang amahan. 17 Unya nangabot ang mga tigbantay sa karnero ug gipapahawa sila. Apan si Moises mitindog ug mitabang kanila ug mipainom sa ilang mga karnero. 18 Sa ilang pagpauli, ang ilang amahan nga si Reuel miingon kanila, “Nganong sayo man kamong miabot karong adlawa?” 19 Ug sila mitubag, “Usa ka Ehiptohanon miluwas kanamo gikan sa kamot sa mga tigbantay sa karnero ug siya pa gani ang mikalos ug tubig alang kanamo, ug gipainom ang mga karnero.”
20 Siya miingon sa iyang mga anak nga babaye, “Hain man siya? Nganong gibiyaan man ninyo siya? Tawga ninyo siya aron makakaon” 21 Ug si Moises miuyon sa pagpuyo uban niadtong tawhana ug iyang gihatag kang Moises ang iyang anak nga babaye nga si Zipora. 22 Ug siya nanganak ug usa ka bata nga lalaki ug gitawag ni Moises ug Gersom, kay siya miingon, “Nahimo akong langyaw sa laing yuta.”
Mga Buhat 7:30 (Ang Biblia)
30 “Unya sa dihang milabay ang 40 ka tuig, mipakita kaniya ang usa ka anghel didto sa kamingawan sa Bukid sa Sinai, diha sa nagdilaab nga sampinit.
Exodo 2:23-25 (Ang Biblia)
23 Human sa taas nga panahon, namatay ang hari sa Ehipto. Ug ang katawhan sa Israel nag-agulo tungod sa pagkaulipon ug nagpakitabang. Ug midangat sa Dios ang ilang pagtuaw tungod sa ilang pagkaulipon. 24 Ug sa dihang nadungog sa Dios ang ilang mga pag-agulo, nahinumdom siya sa iyang kasabotan uban kang Abraham, kang Isaac ug kang Jacob. 25 Ug nakita sa Dios ang katawhan sa Israel ug ang Dios nahibalo sa ilang kahimtang.
2 Pedro 3:9,13 (Ang Biblia)
9 Sa iyang saad ang Ginoo dili langaylangayan, nianang paglangaylangay nga gihunahuna sa uban. Apan siya mapailobon hinuon kaninyo, dili buot nga adunay mahanaw kondili nga ang tanan makakab-ot unta sa paghinulsol.
13 Apan sumala sa iyang saad, kita nagpaabot sa bag-ong kalangitan ug usa ka bag-ong yuta diin magpuyo ang pagkamatarong.
II. SIYA MAGTAWAG TALIWALA SA ORDINARYONG NGA KAHIGAYUNAN
Ang Dios motagbo kanimo kun asa ka. Motagbo siya kanimo sa imong ordinaryong kalihukan.
Ang pag-engkwentro sa Dios, magdani kanimo ngadto Kaniya.
Isaiah 43:1 (Ang Biblia)
1 Apan karon kini mao ang giingon sa Ginoo, siya nga nagbuhat kanimo, O Jacob, siya nga nag-umol kanimo, O Israel: “Ayaw kahadlok, kay gilukat ko na ikaw. gitawag ko ikaw pinaagi sa imong ngalan, ikaw akoa.
Levitico 11:45 (Ang Biblia)
45 Kay ako ang Ginoo nga nagkuha kaninyo gikan sa yuta sa Ehipto aron mahimong inyong Dios. Busa pagbalaan kamo kay ako balaan man.”
Isaias 55:8-9 (Ang Biblia)
8 Kay ang akong mga hunahuna dili mao ang inyong mga hunahuna, o ang inyong mga pamaagi akong mga pamaagi, nag-ingon ang Ginoo. 9 Kay ingon nga ang kalangitan habog kay sa yuta, mao usab ang akong mga pamaagi habog kay sa inyong mga pamaagi, ug ang akong mga hunahuna kay sa inyong mga hunahuna.