Ang pagtapos lisod, apan ang maayong pagtapos ang pinakalisod.
Sermon Title: ANG MAAYONG PAGTAPOS
Scripture Text: 2 MGA CRONICAS 26:16-21; JUAN 19:38-40 (ANG BIBLIA)
By: PTR MATIAS MAHUSAY SR.
Sermon Notes:
2 Mga Cronicas 26:16-21 (Ang Biblia)
16 Apan sa nalig-on na siya, ang iyang kasingkasing nagmapagarbohon ngadto sa pagkalaglag. Kay siya nakalapas batok sa Ginoo nga iyang Dios ug misulod siya sa Templo sa Ginoo aron sa pagsunog sa insenso ibabaw sa halaran sa insenso. 17 Apan si Asarias nga pari misulod sunod kaniya uban ang 80 ka pari sa Ginoo nga mga isog nga tawo.. 18 Sila misukol kang Hari Uzias ug miingon kaniya, “Dili alang kanimo, Uzias, ang pagsunog sa insenso alang sa Ginoo kondili sa mga pari nga mga kaliwat ni Aaron, nga gigahin aron sa pagsunog sa insenso. Gula gikan sa balaan nga puluy-anan, kay ikaw nakalapas ug dili kana makahatag kanimo ug kadungganan gikan sa Ginoong Dios.” 19 Unya si Uzias nasuko. Siya may usa ka sudlanan sa insenso diha sa iyang kamot aron sa pagsunog sa insenso ug samtang nasuko pa siya sa mga pari, ang sanla migula sa iyang agtang diha sa atubangan sa mga pari sulod sa balay sa Ginoo tupad sa halaran sa insenso. 20 Ug si Asarias nga pangulong pari ug ang tanang mga pari mitan-aw kaniya, ug ilang nakita nga siya may sanla diha sa iyang agtang. Gipagula dayon nila siya gikan didto ug midali siya paggula tungod kay ang Ginoo naghampak kaniya. 21 Si Hari Uzias sanlahon hangtod sa adlaw sa iyang kamatayon, ug ingon nga sanlahon nagpuyo siya sa usa ka linain nga balay tungod kay wala siya pasudla sa balay sa Ginoo. Si Jotam nga iyang anak maoy nagdumala sa balay sa hari, nagdumala sa katawhan sa yuta.
Juan 19:38-40 (Ang Biblia)
38 Human niini, si Jose nga taga-Arimatea nga usa ka tinun-an ni Jesus, apan sa tago lamang tungod sa kahadlok niya sa mga Judio, mihangyo kang Pilato nga iyang kuhaon ang lawas ni Jesus, ug siya gitugotan ni Pilato. Busa miadto siya ug gikuha niya ang lawas ni Jesus. 39 Ug si Nicodemo, nga sa una miadto kang Jesus usa niana ka gabii, miadto usab nga nagdala ug mga usa ka gatos ka libra nga sinagol nga mirra ug aloe. 40 Unya gikuha nila ang lawas ni Jesus ug gibugkosan kini ug mga panapton nga lino, lakip ang mga pahumot, sumala sa naandan sa mga Judio sa paglubong.
2 Mga Cronicas 26:1-3 (Ang Biblia)
1 Unya gikuha sa tibuok katawhan sa Juda si Uzias nga napulo ug unom ka tuig ang panuigon ug gihimo siya nga hari puli sa iyang amahan nga si Amasias. 2 Iyang gitukod ang Elot ug gibalik kini ngadto sa Juda, human ang hari mipahulay uban sa iyang mga katigulangan. 3 Napulo ug unom ka tuig ang panuigon ni Uzias sa pagsugod niya sa paghari ug siya naghari sulod sa 52 ka tuig didto sa Jerusalem. Ang ngalan sa iyang inahan mao si Jecolia nga taga-Jerusalem.
2 Mga Cronicas 26:4-5 (Ang Biblia)
4 Siya nagbuhat sa matarong diha sa mga mata sa Ginoo sumala sa tanan nga gibuhat ni Amasias nga iyang amahan. 5 Nangita siya sa Dios sa mga adlaw ni Zacarias nga nagtudlo kaniya sa pagkahadlok sa Dios. Samtang nangita siya sa Ginoo, ang Dios naghimo kaniya nga mauswagon.
2 Mga Cronicas 26:6 (Ang Biblia)
6 Siya miadto ug nakiggubat batok sa mga Filistihanon ug gilumpag ang kuta sa Gat ug ang kuta sa Jabne, ug ang kuta sa Asdod, ug nagtukod siya ug mga siyudad sa kayutaan sa Asdod, ug sa mga Filistihanon.
2 Mga Cronicas 26:7-15 (Ang Biblia)
7 Ang Dios mitabang kaniya batok sa mga Filistihanon, ug batok sa mga Arabo nga nagpuyo sa Gurbaal, ug batok sa mga Meunihanon. 8 Ang mga Amonihanon nagbuhis kang Uzias, ug ang iyang kabantog miabot bisan ngadto sa utlanan sa Ehipto kay siya nahimong lig-on kaayo. 9 Dugang pa niini, nagtukod si Uzias ug mga tore sa Jerusalem sa Ganghaan sa Eskina ug sa Ganghaan sa Walog ug sa Likoanan, ug gikutaan kini. 10 Siya nagtukod ug mga tore didto sa kamingawan ug nagkalot ug daghang mga atabay kay daghan man siya ug mga hayop didto sa Sefela ug sa kapatagan, ug siya adunay mga mag-uuma ug mga tig-atiman sa kaparasan sa kabukiran ug sa mga tabunok nga yuta kay siya mahigugmaon sa yuta. 11 Dugang pa niini, si Uzias adunay kasundalohan nga andam sa gubat sa han-ay sumala sa gidaghanon sa pag-ihap nga gihimo ni Jeiel nga sekretaryo ug ni Maasias nga tinugyanan ubos sa pagmando ni Ananias nga usa sa mga tigmando sa hari. 12 Ang tibuok nga gidaghanon sa mga pangulo sa mga panimalay sa mga katigulangan sa mga bantogang tawo sa kaisog duha ka libo ug unom ka gatos. 13 Ubos sa ilang pagmando mao ang usa ka kasundalohan nga 307,500 nga makiggubat uban sa dakong gahom aron sa pagtabang sa hari batok sa kaaway. 14 Ug si Uzias nag-andam alang sa tanang mga taming, mga bangkaw, mga salipod sa ulo, ug mga panalipod sa lawas, mga pana ug mga bato alang sa saplong. 15 Didto sa Jerusalem naghimo siya ug mga makina, hinimo sa batid nga mga tawo, nga ibutang sa mga tore ug sa mga eskina aron sa pagpasulbong ug pana ug dagkong mga bato. Ug ang iyang kabantog miabot sa layong dapit tungod sa katingalahang tabang hangtod nga siya nalig-on.
2 Mga Cronicas 26:4 (Ang Biblia)
4 Siya nagbuhat sa matarong diha sa mga mata sa Ginoo sumala sa tanan nga gibuhat ni Amasias nga iyang amahan.
2 Mga Cronicas 26:16 (Ang Biblia)
16 Apan sa nalig-on na siya, ang iyang kasingkasing nagmapagarbohon ngadto sa pagkalaglag. Kay siya nakalapas batok sa Ginoo nga iyang Dios ug misulod siya sa Templo sa Ginoo aron sa pagsunog sa insenso ibabaw sa halaran sa insenso
Ang kalit nga kausaban sa atong pagtan-aw, dili gayud kini kalit nga kausaban.
Numeros 18:6-7 (Ang Biblia)
6 Ug tan-awa, akong gikuha ang inyong kaigsoonan nga mga Levihanon gikan sa katawhan sa Israel. Sila gasa alang kaninyo, gihatag ngadto sa Ginoo, aron sa pagbuhat sa pag-alagad sa tolda nga tagboanan. 7 Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”
1 Samuel 15:22 (Ang Biblia)
22 Ug si Samuel miingon, “Aduna bay dakong kalipay ang Ginoo diha sa mga halad nga sunogon ug sa mga inihaw kay sa pagtuman sa tingog sa Ginoo? Timan-i, ang pagtuman labaw pang maayo kay sa inihaw, ug ang pagpamati kay sa tambok sa mga laking karnero.
2 Cronicas 26:22-23 (Ang Biblia)
22 Karon ang uban nga mga buhat ni Uzias gikan sa sinugdan hangtod sa kataposan, gisulat ni Isaias nga propeta nga anak ni Amos. 23 Si Uzias mipahulay uban sa iyang mga katigulangan ug gilubong nila siya uban sa iyang mga katigulangan sa patag nga lubnganan nga ila sa mga hari kay sila miingon, “Siya usa ka sanlahon.” Ug si Jotam nga iyang anak maoy naghari puli kaniya.
“Desipulo nga walay bisan usa kanato nga masusama.”
Larry Osborne (Hinubad)
Juan 19:38-40 (Ang Biblia)
38 Human niini, si Jose nga taga-Arimatea nga usa ka tinun-an ni Jesus, apan sa tago lamang tungod sa kahadlok niya sa mga Judio, mihangyo kang Pilato nga iyang kuhaon ang lawas ni Jesus, ug siya gitugotan ni Pilato. Busa miadto siya ug gikuha niya ang lawas ni Jesus. 39 Ug si Nicodemo, nga sa una miadto kang Jesus usa niana ka gabii, miadto usab nga nagdala ug mga usa ka gatos ka libra nga sinagol nga mirra ug aloe. 40 Unya gikuha nila ang lawas ni Jesus ug gibugkosan kini ug mga panapton nga lino, lakip ang mga pahumot, sumala sa naandan sa mga Judio sa paglubong.
“Kung ang usa ka patay nga lawas gikuha gikan sa krus, kini itambog sa usa ka sagad nga lubgnanan sa usa ka kriminal. Kani lagmit usa ka ka gahong sa usa ka dapit o ang labayanan sa siyudad sa Jerusalem. Ang mga patayng lawas itambog didto aron ut-uton sa mga nagdilaab nga kalayo ug pag-gisi ug kan-on sa ihalas nga mga mananap.”
John MacArthur (Hinubad)
Isaias 53:9 (Ang Biblia)
9 Ug gibuhat nila ang iyang lubnganan uban sa daotan ug ang iyang kamatayon uban sa mga dato, bisan ug wala siya makabuhat ug pagpanglupig ug walay limbong diha sa iyang baba.
I. ANG MAAYO NGA PAGSUGOD DILI GARANTIYA NGA MAAYO ANG PAGTAPOS.
Ang kamatuoran nga anaa ang kakuyaw hangtud dii kita makatabok sa finish line. Ang lumba wala pa mahuman kun dili ka makaabot sa finish line.
Ang maayong pagsugod ug maayong pagtapos dili pareho ug dili managsama.
II. ANG ULAHI NGA PAGSUGOD MAS MAAYO KAY SA WALAY GISUGDAN.
III. ANG MAAYO NGA PAGTAPOS DILI AKSIDENTE.
2 Timoteo 4:6-7 (Ang Biblia)
6 Kay ako andam na nga ihalad ug ang panahon sa akong pagbiya miabot na.
7 Nakigbisog na ako sa maayong pakigbisog, natapos ko na ang lumba, gituman nako ang pagtuo.
Ang pagtapos lisod, apan ang maayongt pagtapos ang pinakalisod.