Ang Dios nagtan-aw ug nahibalo sa tanang kasingkasing sa tawo. Ug Siya nakasabot sa tanang tuyo ug hunahuna. Siya nasayod sa matag butang nga mosantop sa hunahuna sa matag usa kanila.
Sermon Title: ANG LABAW NGA GIKINAHANGLAN GAWAS SA KAAYOHAN
Sermon Text: MARCOS 2:1-12 (ANG BIBLIA)
Sermon Series: ANG HARI MIABOT: ANG PAGSUGOD SA BAG-ONG BUTANG
By: PTR MATIAS MAHUSAY SR.
Sermon Notes:
Marcos 2:1-12
1 Sa pagbalik niya sa Capernaum human sa pipila ka adlaw, nabalita nga siya anaa sa balay. 2 Daghan ang nanugok didto, nga tungod niana wala nay dapit alang kanila, bisan pa diha duol sa pultahan, ug giwali niya ang pulong ngadto kanila. 3 Unya didtoy nangabot nga nagdala ngadto kaniya ug usa ka paralitiko nga giyayongan sa upat ka lalaki. 4 Ug kay dili man sila makaduol kang Jesus tungod sa panon sa katawhan, ilang gitangtang ang atop sa ibabaw niya. Ug sa nakahimo na sila ug lungag, ilang gitunton ang higdaanan diin diha ang paralitiko. 5 Sa pagkakita ni Jesus sa ilang pagsalig, siya miingon sa paralitiko, “Anak, ang imong mga sala gipasaylo na.” 6 Ug dihay pipila sa mga eskriba nga nanglingkod didto, ug nangutana sulod sa ilang mga kasingkasing,
7 “Nganong nagsulti man kining tawhana sa ingon? Usa kini ka pagpasipala! Kinsa bay makapasaylo ug mga sala kondili ang Dios lamang?” 8 Dihadiha si Jesus nga nakasabot diha sa iyang espiritu nga nangutana sila sa ingon diha sa ilang kaugalingon, siya miingon kanila, “Nganong nangutana man kamo sa ingon sulod sa inyong mga kasingkasing? 9 Kay hain may sayon, ang pag-ingon ba ngadto sa paralitiko, ‘Ang imong mga sala gipasaylo na,’ o ang pag-ingon ba, ‘Bangon, dad-a ang imong higdaanan ug lakaw’? 10 Apan aron mahibalo kamo nga ang Anak sa Tawo may kagahom ibabaw sa yuta sa pagpasaylo ug mga sala,” siya miingon sa paralitiko,
11 “Ako mag-ingon kanimo, bangon, dad-a ang imong higdaanan ug pauli ngadto sa imong balay.” 12 Ug siya mibangon, ug dihadiha gisakwat niya ang iyang higdaanan ug mipahawa siya sa atubangan nilang tanan paingon sa gawas, nga tungod niini silang tanan nahibulong ug nagdayeg sa Dios, ug nag-ingon, “Wala pa kitay nakita nga sama niini!”
I. Pagpadayag
II. Pagmatuod
III. Pag-ila
“Ang Dios nagtan-aw ug nahibalo sa tanang kasingkasing sa tawo. Ug Siya nakasabot sa tanang tuyo ug hunahuna. Siya nasayod sa matag butang nga mosantop sa hunahuna sa matag usa kanila.”
“Apan gusto ko nga mahibaloan ninyo nga ang Anak sa Tawo adunay gahom dinhi sa yuta sa pagpasaylo sa mga sala.” Busa siya miingon sa tawo, ‘Sultihan ko ikaw, bangon, dad-a ang imong banig ug pauli.”
Mga Taga-Roma 8:16
16 Ang Espiritu gayod, uban sa atong espiritu, nagpamatuod nga kita mga anak sa Dios.
Sama ba kita sa maong paralitiko kon maghisgot na kita kabahin sa pagtuo? Aduna ba kita niining maong pagtoo nga makadala sa uban ngadto kang Kristo?
Mga Taga-Efeso 1:7
7 Diha kang Cristo naangkon nato ang pagkatinubos pinaagi sa iyang dugo, ang kapasayloan alang sa atong mga kalapasan, sumala sa kadato sa grasya sa Dios