“O sulayi ug makita ninyo nga ang Ginoo maayo! Bulahan ang tawo nga modangop kaniya!” – Salmo 34:8
Sermon Title: ANG BIBLIYA (UNANG BAHIN)
Sermon Text: NAGKALAIN-LAING TEKSTO
Sermon Series: BALIK SA SUKARANAN
By: PTR MATT MAHUSAY SR.
Sermon Notes:
I. PAGPADAYAG
Rebelasyon gikan sa Dios ngadto sa tawo.
A. Ebidensya sa Gawas
1. Pag-ataki sa tawo
2. Pag-atake sa panahon
“Bisan pa ug ang kopya sa Isaiah nga napalgan sa Qumran Cave! Duol sa Dead Sea sa tuig 1947, mga liboan ka tuig nga nag-una kay sa “Oldest Dated Manuscript” nga nahibaw- an sa una. (A.D. 980) ilang giprobar nga kini word for word nga susama sa standard Hebrew Bible in more than 95 percent sa iyang mga texto. Ang lima ka porsinto nga kalainan naglangkob sa sipyat sa pen ug ang spelling” (Hinubad)
Gleason Archer
3. Kasaysayan nga kasaligan
“Ang sunod sunod nga pagdiskubre nag pamatuod sa katukma sa dili maihap nga mga detalye, ug nakahatag ug dugang pag-ila sa bili sa Bibliya. Nga mao ang tinubdan sa kasaysayan.” (Hinubad)
William Albright
B. Ebidensya sa Sulod
1. Nakasaksi
2. Nagkahiusa
“Ang Bibliya gisulat sulod sa mga 1,500 ka tuig sa nagkalainlaing mga dapit gikan sa Babilonya hangtod sa Roma. Ang tawhanon nga mga author naglakip sa kapin sa 40 ka tawo gikan sa nagkalainlaing estado sa kinabuhi: mga Hari, mga Pastor, tighimo ug tolda ug mga Gobernador. . . Gisulat kini didto sa kamingawan, sa bilanggoan, sa palasyo sa mamingaw nga isla, sa panggubatan. . . Apan nagsaysay kini ug usa ka sugilanon gikan sa sinugdanan hangtud sa katapusan, ang kaluwasan sa Dios sa mga tawo pinaagi ni Hesus Kristo. Walay tawo ang makahunahuna o makasulat sa maong buhat.” (Hinubad)
Josh McDowell
3. Tukma nga panagna
Isaias 9:6-7 (Ang Biblia)
6 Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”
7 Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.
Isaias 7:14 (Ang Biblia)
14 Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.
Salmo 72:9-11 (Ang Biblia)
9 Ang iyang mga kabatok moyukbo unta sa iyang atubangan, ug ang iyang mga kaaway magtilap sa abog! 10 Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!
11 Ang tanang mga hari magyukbo unta sa atubangan niya; mag-alagad unta kaniya ang tanang mga nasod!
Salmo 72:15 (Ang Biblia)
15 Mabuhi unta siya ug dugay,mahatag unta ang bulawan sa Sheba ngadto kaniya! Himoon unta kanunay ang pag-ampo alang kaniya, ug mapanalanginan unta siya sa tibuok nga adlaw!
Mikeas 5:2 (Ang Biblia)
2 Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.
Isaias 44:28 (Ang Biblia)
28 nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”
Isaias 13:17-22 (Ang Biblia)
17 Tan-awa, ako nag-aghat sa mga taga-Media batok kanila, nga wala magtagad alang sa plata, ug wala malipay sa bulawan. 18 Ang ilang mga pana mopatay sa mga batan-ong lalaki; sila walay kaluoy sa bunga sa tagoangkan, ang ilang mga mata dili maluoy sa kabataan. 19 Ug ang Babilonia, ang himaya sa mga gingharian, ang katahom ug ang garbo sa mga Caldeanhon, mahimong sama sa Sodoma ug Gomora sa dihang lumpagon kini sa Dios.
20 Kini dili na gayod mapuy-an, o mapuy-an pa alang sa tanang kaliwatan; walay Arabo nga makatukod sa iyang tolda didto, walay mga tigbantay sa karnero nga makahimo sa pagpahigda sa ilang mga panon didto.
21 Apan ang mga ihalas nga mananap sa kamingawan mao ang mohigda didto, ug ang kabalayan niini mangapuno sa nag-uwang nga mga binuhat; ug magpuyo didto ang mga abistros, ug ang mga demonyong kanding magsayawsayaw didto.
22 Ang mga iro nga ihalas mag-uwang diha sa mga tore niini, ug ang mga mananap nga pintas diha sa maanindot nga palasyo, ang panahon niini hapit na moabot, ug ang mga adlaw niini dili na lugwayan.
Jeremias 51:26 (Ang Biblia)
26 Walay bato nga makuha gikan kanimo alang sa patukoranan, ug walay bato alang sa sukaranan, apan ikaw mahimo nga biniyaan sa dayon, nag-ingon ang Ginoo
Jeremias 51:43 (Ang Biblia)
43 Ang iyang mga siyudad nangahimong kalisangan, yuta sa hulaw ug kamingawan, yuta nga walay tawo nga nagpuyo, ug walay anak sa tawo nga moagi niini.
Jeremias 31:38-40 (Ang Biblia)
39 Ug ang igsusukod moabot sa unahan lahos ngadto sa bungtod sa Gareb, ug moliko ngadto sa Goa. 40 Ang tibuok nga walog sa mga patayng lawas ug sa mga abo, ug ang tanang mga uma hangtod sa sapa sa Kidron, ngadto sa eskina sa Ganghaan sa Kabayo paingon sa silangan, mahimong balaan alang sa Ginoo. Kini dili ibton, o lumpagon pa hangtod sa kahangtoran.”
Isaias 11:11-13 (Ang Biblia)
11 Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.
12 Siya magpatindog ug usa ka bandila alang sa mga nasod, ug magtigom sa hininginlan gikan sa Israel, ug tigomon ang nagkatibulaag sa Juda, gikan sa upat ka suok sa yuta. 13 Ang kasina sa Efraim mawala, ug ang pagdumot sa Juda putlon; ang Efraim dili na masina sa Juda, ug ang Juda dili magsamok sa Efraim.
Jeremias 25:11 (Ang Biblia)
11 Kining tibuok nga yuta mahimo nga ginuba ug biniyaan, ug kining mga nasora mag-alagad sa hari sa Babilonia sulod sa 70 ka tuig.
Hosea 3:4-5 (Ang Biblia)
4 Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.
5 Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.
Lucas 21:23-24 (Ang Biblia)
23 Pagkamakaluluoy gayod sa mga mabdos ug sa mga may masuso niadtong mga adlawa! Kay ang dakong kagul-anan moabot sa ibabaw sa yuta ug ang kapungot batok niining katawhan. 24 Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.
Jeremias 4:15-20 (Ang Biblia)
15 Kay may usa ka tingog nga nagpahayag gikan sa Dan ug nagsangyaw ug kadaotan gikan sa Bungtod sa Efraim. 16 Pasidan-i ang kanasoran nga siya umaabot; ipahibalo ngadto sa Jerusalem, “Mga kasundalohan misulong gikan sa layo nga kayutaan; sila nagsinggit batok sa mga siyudad sa Juda.
17 Sama sa mga tigbantay sa usa ka uma sila makigbatok libot kaniya, tungod kay siya misupil kanako, nag-ingon ang Ginoo. 18 Ang imong mga pamaagi ug ang imong mga binuhatan nagdala niini nganha kanimo. Mao kini ang imong kaalaotan, ug pait kini; miabot kini sa imo gayong kasingkasing.”
19 Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat. 20 Ang katalagman nagsunod sa katalagman, ang tibuok nga yuta nalaglag. Sa kalit ang akong mga tolda nangalumpag, ang akong mga tabil sa usa lamang ka pagpamilok.
Ezekiel 25:12-14 (Ang Biblia)
12 “Mao kini ang giingon sa Ginoong Dios: Tungod kay ang Edom nagbuhat nga mapanimaslon batok sa banay sa Juda ug nakasala ug dako gayod sa pagpanimalos kanila,
13 busa mao kini ang giingon sa Ginoong Dios: Tuy-oron nako ang akong kamot batok sa Edom ug puohon nako ang tawo ug mananap gikan niini ug himoon ko kini nga mingaw. Gikan sa Teman hangtod sa Dedan, sila mangapukan pinaagi sa espada.
14 Ug akong ipahamtang ang akong panimalos batok sa Edom pinaagi sa kamot sa akong katawhan nga Israel ug magbuhat sila ngadto sa Edom sumala sa akong kasuko ug sumala sa akong kapungot ug sila makaila sa akong panimalos, nag-ingon ang Ginoong Dios.
C. Ebidensya sa Personal
Dili nga mahimong theologian o tigpaniid apan usa ka magsisimba, usa nga nagpasakop sa buhing Dios.
Salmo 34:8 (Ang Biblia)
8 O sulayi ug makita ninyo nga ang Ginoo maayo! Bulahan ang tawo nga modangop kaniya!
Jeremias 29:13 (Ang Biblia)
13 Kamo mangita kanako ug makakaplag kanako; sa diha nga kamo mangita kanako uban sa tibuok ninyong kasingkasing,