Ang Bibliya dili usa ka destinasyon; kini usa ka tulay ngadto sa mas maayong dapit. Ug kana nga dapit mao ang relasyon kang Ginoong Hesus.
Sermon Title: ANG BIBLIYA (IKADUHANG BAHIN)
Sermon Text: NAGKALAIN-LAING TEKSTO
Sermon Series: BALIK SA SUKARANAN
By: PTR MATT MAHUSAY SR.
Sermon Notes:
I. PAGPADAYAG: Rebelasyon gikan sa Dios ngadto sa tawo.
2 Timoteo 3:16-17 (Ang Biblia)
16 Ang tibuok nga Kasulatan gisulat uban sa lamdag sa Dios ug mapuslanon alang sa pagpanudlo, alang sa pagpamadlong, alang sa pagpanul-id ug alang sa pagmatuto diha sa pagkamatarong,
17 aron ang tawo sa Dios mahimong hingpit, sangkap alang sa tanang maayong buluhaton.
II. INSPIRASYON: Gikan sa tawo ngadto sa papel.
2 Timoteo 3:16 (Ang Biblia)
16 Ang tibuok nga Kasulatan gisulat uban sa lamdag sa Dios ug mapuslanon alang sa pagpanudlo, alang sa pagpamadlong, alang sa pagpanul-id ug alang sa pagmatuto diha sa pagkamatarong,
“Ang Inspirasyon wala magpasabut nga ang magsusulat mibati ug kadasig nga sama ni Handel nga nag-compose sa “The Messiah”. Wala usab kini magpasabot nga ang mga sinulat kinahanglan nga makapadasig sama sa usa ka maanindot nga balak. Ingon nga kini proseso, nagtumong kini sa mga magsusulat ug sa mga sinulat nga kontrolado sa Dios … … Ingon nga kini produkto, kini nagtumong sa mga sinulat lamang, ingong mga dokumento nga mensahe sa Dios.”
Norman Geisler (hinubad)
Gibuhat sa Dios ang usa ka hingpit nga Bibliya pinaagi sa tinuod nga mga tawo. Milihok siya sa sulod nila sa paghimo ug pulong nga molungtad hangtud sa kahangturan.
A. ANG MGA PANGANGKON SA BIBLIYA
1. Walay kasulatan sa Daang Tugon nga ang propeta mismo ang naghuhuna.
2 Pedro 1:20 (Ang Biblia)
20 Una sa tanan, kinahanglang inyong mahibaloan kini, nga walay propesiya diha sa kasulatan nga mahimoan ug kinaugalingon nga pagsabot,
2. Ang tanan nga mga kasulatan sa Daang Tugon gihatag sa Balaang Espiritu samtang siya nagpanglihok sa mga tawo.
2 Pedro 1:21 (Ang Biblia)
21 tungod kay walay propesiya nga miabot pinaagi sa kabubut-on sa tawo apan minandoan sa Espiritu Santo, ang mga tawo nagsulti gikan sa Dios.
Mga Buhat 28:25 (Ang Biblia)
25 Ug kay wala man sila magkauyon, sila namauli human si Pablo makasulti ug usa ka pahayag nga nag-ingon, “Tukma gayod ang gisulti sa Espiritu Santo ngadto sa inyong mga katigulangan pinaagi kang Isaias nga propeta,
Ezekiel 11:5 (Ang Biblia)
5 Ug ang Espiritu sa Ginoo migahom kanako, ug siya miingon kanako, “Sulti, Mao kini ang giingon sa Ginoo: Mao kini ang giingon ninyo, O balay sa Israel, kay ako nahibalo sa mga butang nga moabot sa inyong hunahuna.
3. Ang upat ka mga Ebanghelyo gihatag pinaagi sa inspirasyon sa Dios
Mga Hebreohanon 1:1 (Ang Biblia)
1 Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.
4. Nagtuo si Pablo nga ang iyang mga sinulat gikan sa Dios
1 Corintos 2:4 (Ang Biblia)
4 Ang akong pulong ug pagwali dili pinaagi sa madanihong mga pulong sa kaalam kondili diha sa pagpadayag sa Espiritu ug sa gahom,
1 Corintos 15:3, 1 Mga Taga-Tesalonica 2:13, 1 Mga Taga-Tesalonica 4:15
5. Si Pedro mituo nga ang iyang mga sinulat gikan sa Dios.
2 Pedro 3:2 (Ang Biblia)
2 nga kinahanglang inyong hinumdoman ang mga pulong sa balaang mga propeta ug ang kasugoan nga gihatag sa Ginoo ug Manluluwas pinaagi sa inyong mga apostoles.
6. Si Pedro mituo nga ang mga sinulat ni Pablo dinasig (Inspired)
2 Pedro 3:15 (Ang Biblia)
15 Ug isipa ninyo nga kaluwasan ang pagkamainantoson sa Ginoo. Mao usab ang atong hinigugmang igsoon nga si Pablo, nagsulat siya kaninyo sumala sa kaalam nga gihatag kaniya,
2 Pedro 3:16 (Ang Biblia)
16 nagsulti mahitungod niini sumala sa iyang gihimo diha sa tanan niyang mga sulat. Sa maong mga sulat dihay mga butang nga lisod sabton, nga sa mga walay kahibalo ug sa mga libog gituis sama sa gibuhat usab nila sa ubang kasulatan, ngadto sa ilang kaugalingong pagkalaglag.
7. Nagtuo si Juan nga ang iyang mga sinulat dinasig (Inspired)
Pinadayag 22:18-19 (Ang Biblia)
18 Akong pasidan-an ang tanang mamati sa mga pulong sa propesiya niining basahona: kon adunay magdugang niini ug bisan unsa, kaniya idugang sa Dios ang mga katalagman nga gihisgotan niining basahona.
19 Ug kon adunay magkuha ug mga pulong gikan sa mga pulong sa basahon niining propesiya, kuhaon sa Dios ang iyang bahin diha sa kahoy sa kinabuhi ug diha sa balaang siyudad nga gihisgotan niining basahona.
B. VERBAL- PLENARY INSPIRATION
Verbal – Gi-inspire sa Dios ang mga pulong, dili lang ang mga idea.
Plenary – Gi-inspire sa Dios ang tanan dili lang ang kabahin.
1. Ang moderno ug karaan nga mga hubad (Translation) dili “Inspired”
Romans 16:7 NIV (1984)
7 Greet Andronicus and Junias, my relatives who have been in prison with me. They are outstanding among the apostles, and they were in Christ before I was.
2. Ang Bibliya walay sayop
Salmo 19:7 (Ang Biblia)
7 Ang balaod sa Ginoo hingpit, nagpahiuli sa kalag; ang pagpamatuod sa Ginoo tinuod, naghimong maalamon sa mga walay alamag;
3. Busa ang Bibliya mao ang atong katapusang awtoridad
Salmo 19:8 (Ang Biblia)
8 ang mga lagda sa Ginoo matarong, naglipay sa kasingkasing; ang kasugoan sa Ginoo lunsay, nagdan-ag sa mga mata;
Salmo 119:9 (Ang Biblia)
9 Unsaon man sa usa ka batan-on nga magpabiling hinlo ang iyang dalan? Pinaagi sa pagmatngon niini sumala sa imong pulong.
Ang kamatuoran luyo sa inspirasyon mao nga kita makasalig sa pulong sa Dios labaw sa atong pagbati, mithi, opinion ug kultura.
4. Verbal-Plenary Inspiration nagpasalig kanato nga ang Dios naglakip sa tanang kinahanglanon na buot niyang atong masayran, ug wala nay apil ang uban
2 Timoteo 3:15-17 (Ang Biblia)
15 ug nga sukad sa imong pagkabata nakahibalo ikaw sa balaan nga kasulatan nga takos sa pagtudlo kanimo ngadto sa kaluwasan pinaagi sa pagtuo kang Cristo Jesus.
16 Ang tibuok nga Kasulatan gisulat uban sa lamdag sa Dios ug mapuslanon alang sa pagpanudlo, alang sa pagpamadlong, alang sa pagpanul-id ug alang sa pagmatuto diha sa pagkamatarong,
17 aron ang tawo sa Dios mahimong hingpit, sangkap alang sa tanang maayong buluhaton.
Ang pagpadayag ug inspirasyon nagpadayon pa ba karon?
Pinadayag 22:21 (Ang Biblia)
21 Ang grasya sa Ginoong Jesus mag-uban sa tanan. Amen.
“Sukad sa panahon sa mga Apostles hangtod karon, ang tinuod nga simbahan kanunay nga nagtuo nga ang Bibliya kumpleto. Gihatag sa Dios ang iyang pagpadayag ug karon nahuman na ang kasulatan. Ang Dios misulti…
John McArthur (hinubad)
…Ang iyang gihatag kumpleto, epektibo, igo, dili masayop, ug may awtoridad. Ang mga pagsulay pagdugang sa Bibliya ug ang mga pag-angkon sa dugang pagpadayag gikan sa Dios kanunay nga kinaiya sa mga Erehes ug mga kulto, dili ang tinuod nga katawhan sa Dios.”
1 Corinto 15:16-19 (Ang Biblia)
16 Kay kon ang mga nangamatay dili mabanhaw, si Cristo wala diay usab banhawa. 17 Kon si Cristo wala mabanhaw, ang inyong pagtuo wala lamay kapuslanan ug kamo anaa pa sa inyong mga kasal-anan.
18 Unya kadtong mga nangamatay diha kang Cristo nangalaglag. 19 Kon niini rang kinabuhia nga kita adunay paglaom kang Cristo, sa tanang mga tawo kita mao ang labing makaluluoy.
III. PAGLAMDAG: Papel ngadto sa Kasingkasing.
Lucas 24:25 (Ang Biblia)
45 Ug iyang giablihan ang ilang mga hunahuna aron sa pagsabot sa kasulatan,
Ang Paglamdag mao ang nagbulag sa mga magtotoo gikan sa dili magtotoo kung magbasa kita sa Bibliya.
A. KITA ADUNAY KASIGUROHAN NGA ANG DIOS MAKIGSULTI KANATO PINAAGI SA IYANG PULONG.
1 Corinto 2:12-14 (Ang Biblia)
12 Apan kita nakadawat dili sa espiritu sa kalibotan kondili sa Espiritu nga gikan sa Dios, aron kita makasabot sa mga butang nga gihatag sa Dios kanato.
13 Ug kini among gisulti pinaagi sa mga pulong nga wala itudlo sa tawhanong kaalam kondili sa gitudlo sa Espiritu, naghubad sa mga espirituhanong butang ngadto sa mga nagbaton sa Espiritu.
14 Ang tawo nga kalibotanon dili modawat sa mga butang sa Espiritu sa Dios, kay alang kaniya kini mga binuang, ug siya dili makahimo pagsabot niini tungod kay kini matugkad lamang sa espirituhanon nga paagi.
Juan 16:13 (Ang Biblia)
13 Sa dihang moabot ang Espiritu sa kamatuoran, siya ang magtultol kaninyo ngadto sa tanan nga kamatuoran, kay siya dili magsulti gikan sa iyang kaugalingon apan unsay iyang nadungog iyang isulti, ug ang mga butang nga umaabot iyang ipahibalo kaninyo.
B. ANG BALAANG ESPIRITU NAGHIMO NATO NGA RESPONSABLE SA PAGSABOT SA BIBLIYA.
1 Juan 2:20 (Ang Biblia)
20 Apan kamo gidihogan niya nga Balaan busa nasayod kamong tanan sa kamatuoran.
1 Juan 2:27 (Ang Biblia)
27 Apan gidihogan na kamo ni Cristo sa iyang Espiritu. Samtang ang iyang Espiritu anaa kaninyo, wala kamo magkinahanglan ug laing magtutudlo kay ang iyang Espiritu magtudlo kaninyo sa tanang butang ug matuod ang iyang itudlo kaninyo. Busa sunda ang itudlo sa Espiritu kaninyo ug pabilin kamo diha kang Cristo.
Dili automatic ang paglamdag. Resulta kini sa atong gihimo nga pagpili.
“Ang Espiritu molihok pinaagi sa akong mga paningkamot. Dili gawas niini. Kon wala ako mapahimutang sa saktong pagtuon sa pulong sa Dios, dili usab ako magdahum nga siya motabang kanako. Mao kini ang usa sa misteryo sa Dios nga ang akong pagtuon mahimong magantihan, makahuluganon kon atong hingusgan ang atong pagpahinungod niini. Samtang kita kinahanglan magsalig sa Balaang Espiritu, Siya nagpaabot nga kita makugihon”
Tim Charles (hinubad)
Ang Bibliya dili usa ka destinasyon; kini usa ka tulay ngadto sa mas maayong dapit. Ug kana nga dapit mao ang relasyon kang Ginoong Hesus.
Juan 15:26 (Ang Biblia)
26 Apan inig-abot unya sa Manlalaban nga akong ipadala kaninyo gikan sa Amahan, ang Espiritu sa kamatuoran nga moanhi gikan sa Amahan, kini siya magpamatuod mahitungod kanako.
Ang usa sa pinakadelikado nga matang sa sayop sa tawo mao ang pagkalimot unsa ang iyang gipaningkamotan nga makab-ot.
Ang tumong sa Kristohanong kinabuhi mao ang pag-ila ni Kristo ug mahimong sama Kaniya.