Ang Dios wala maglungtad aron sa paghimo sa usa ka dako nga butang sa atong mga plano. Kita anaa aron sa paghimo sa usa ka dako nga butang gikan sa iyang plano.
Sermon Title: ADUNAY DIOS SA LANGIT
Scripture Text: DANIEL 2
Sermon Series: NAGKINABUHI SA KATAPUSANG MGA ADLAW
By: PTR MATIAS MAHUSAY SR.
Sermon Notes:
Daniel 2:1-12 (Ang Biblia)
1 Sa ikaduha nga tuig sa paghari ni Nabucodonosor, siya nagdamgo ug ang iyang espiritu nasamok ug dili na siya makatulog. 2 Unya ang hari nagsugo sa pagpatawag sa tanang mga tigsalamangka, sa mga tigpanglamat, sa mga anting-antingan ug sa mga Caldeanhon aron sa pagsulti sa hari sa iyang mga damgo. Busa sila miadto ug nangatubang sa hari. 3 Ang hari miingon kanila, “Ako adunay sa usa ka damgo ug ang akong espiritu nasamok sa tinguha sa pagkasayod sa damgo.” 4 Unya ang mga Caldeanhon miingon sa hari, diha sa pinulongan nga Aramaico, “O hari, mabuhi ka hangtod sa kahangtoran! Suginli ang imong mga alagad sa damgo, ug among ipadayag ang hubad.” 5 Ang hari mitubag sa mga Caldeanhon, “Ang pulong gikan kanako dili kaduhaduhaan: kon kamo dili makapahibalo kanako sa damgo ug sa hubad niini, wataswatason kamo ug ang inyong mga balay gub-on. 6 Apan kon ipadayag ninyo kanako ang damgo ug ang hubad niini, makadawat kamo gikan kanako ug mga gasa ug mga ganti ug dakong dungog. Busa ipadayag kanako ang damgo ug ang hubad niini.” 7 Mitubag sila sa ikaduhang higayon, “Ipasulti sa hari ngadto sa iyang mga alagad ang iyang damgo, ug kami magpadayag sa hubad niini.” 8 Ang hari mitubag, “Ako nasayod gayod nga kamo buot maglangan sa panahon tungod kay nakita man ninyo nga ang pulong nga gikan kanako dili kaduhaduhaan, 9 nga kon kamo dili makapadayag kanako sa damgo, adunay usa lamang ka silot alang kaninyo. Kamo misugot sa pagsulti ug bakak ug daotan nga mga pulong sa akong atubangan, hangtod nga mausab ang panahon. Busa isulti kanako ang damgo ug ako mahibalo nga kamo makapadayag kanako sa hubad niini.” 10 Ang mga Caldeanhon mitubag sa hari, “Walay usa ka tawo sa yuta nga makahatag sa gipangayo sa hari kay walay bantogan ug gamhanan nga hari nga nakapangayo ug ingon nianang butanga sa mga salamangkiro o sa tigpanglamat o sa Caldeanhon. 11 Ang butang nga gipangayo sa hari lisod ug walay bisan kinsa nga makapadayag niini sa hari gawas sa mga dios nga ang puluy-anan dili uban sa unod.” 12 Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.
I. ANG PROBLEMA SA DAMGO
Daniel 2:1(Ang Biblia)
1 Sa ikaduha nga tuig sa paghari ni Nabucodonosor, siya nagdamgo ug ang iyang espiritu nasamok ug dili na siya makatulog.
Daniel 2:2-4 (Ang Biblia)
2 Unya ang hari nagsugo sa pagpatawag sa tanang mga tigsalamangka, sa mga tigpanglamat, sa mga anting-antingan ug sa mga Caldeanhon aron sa pagsulti sa hari sa iyang mga damgo. Busa sila miadto ug nangatubang sa hari. 3 Ang hari miingon kanila, “Ako adunay sa usa ka damgo ug ang akong espiritu nasamok sa tinguha sa pagkasayod sa damgo.” 4 Unya ang mga Caldeanhon miingon sa hari, diha sa pinulongan nga Aramaico, “O hari, mabuhi ka hangtod sa kahangtoran! Suginli ang imong mga alagad sa damgo, ug among ipadayag ang hubad.”
Daniel 2:11 (Ang Biblia)
11 Ang butang nga gipangayo sa hari lisod ug walay bisan kinsa nga makapadayag niini sa hari gawas sa mga dios nga ang puluy-anan dili uban sa unod.”
Daniel 2:12 (Ang Biblia)
12 Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.
II. ANG PAGPADAYAG SA DAMGO
Daniel 2:14 (Ang Biblia)
14 Unya si Daniel mitubag uban ang kaalam ug kaligdong ngadto kang Arioc, ang kapitan sa mga bantay sa hari nga miadto aron sa pagpatay sa mga tawong maalamon sa Babilonia.
Daniel 2:17-18 (Ang Biblia)
17 Unya miadto si Daniel sa iyang balay ug gipahibalo ang maong butang ngadto kang Ananias, kang Misael ug kang Asarias nga iyang mga kauban, 18 ug gisultihan sila sa pagpangamuyo sa kaluoy sa Dios sa langit mahitungod niining tinago, aron si Daniel ug ang iyang mga kauban dili mangamatay uban sa mga maalamong tawo sa Babilonia.
Daniel 2:19 (Ang Biblia)
19 Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.
Daniel 2:27-28 (Ang Biblia)
27 Si Daniel mitubag sa hari, “Walay maalamong tawo, mga tigpanglamat, mga tigsalamangka, o tigpanagna pinaagi sa mga bituon nga makahimo sa pagpadayag ngadto sa hari sa tinago nga iyang gipangayo, 28 apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:
III. ANG PAGHUBAD SA DAMGO
Daniel 2:31-35 (Ang Biblia)
31 “Imong nakita, O hari, ug tan-awa, usa ka dakong larawan. Kining larawan, gamhanan ug hilabihan ka silaw, nagtindog sa imong atubangan ug ang dagway niini makalilisang.
32 Ang ulo niini nga larawan gikan sa maayong bulawan, ang dughan niini ug ang mga bukton niini gikan sa plata, ang tiyan niini ug ang mga paa niini gikan sa bronsi,
33 ang mga bitiis niini puthaw, ang mga tiil niini puthaw sa ubang bahin, ug yutang kulonon sa ubang bahin.
34 Samtang ikaw nagtan-aw, ang usa ka bato gisapsap sa dili kamot sa tawo ug giigo ug gihapak ang larawan diha sa mga tiil niini nga puthaw ug yuta nga kulonon, ug gidugmok kini.
35 Unya ang puthaw, ang yutang kulonon, ang bronsi, ang plata ug ang bulawan, nagdungan pagkadugmok ug nangahimong sama sa tahop sa giokanan sa panahon sa ting-init, ug gipadpad kini sa hangin nga wala nay makita nga agi niini. Apan ang bato nga naghapak sa larawan nahimong usa ka dakong bukid ug gilukop ang tibuok kalibotan.
Daniel 2:47-48 (Ang Biblia)
47 Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”
48 Unya ang hari naghatag kang Daniel ug pagpasidungog ug daghang mga dagkong gasa ug naghimo kaniya nga tinugyanan sa tibuok lalawigan sa Babilonia ug labawng tigdumala sa tanang mga maalamong tawo sa Babilonia.
Daniel 2:44-46 (Ang Biblia)
44 Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,
45 Ingon sa imong nakita nga ang bato gisapsap sa dili kamot sa tawo gikan sa usa ka bukid ug nga kini nagdugmok sa puthaw, sa bronsi, sa yutang kulonon, sa plata, ug sa bulawan. Ang gamhanan nga Dios nagpahibalo sa hari unsa ang mahitabo sa kaulahian. Ang damgo siguro gayod ug ang hubad niini dili kaduhaduhaan.”
46 Unya si Hari Nabucodonosor mihapa ug miyukbo kang Daniel, ug nagsugo nga usa ka halad ug insenso ihalad ngadto kaniya.
Daniel 7:27 (Ang Biblia)
27 Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”
Mga Implikasyon:
- Ang kasaysayan sa tawo adunay “timeline”.
- Kini nga kalibutan dili na maayo ang padulngan.
- Ang katuyuan sa atong kinabuhi mao ang pagpahiangay sa plano sa Dios.
Isaias 46:10 (Ang Biblia)
10 nagpahayag sa kataposan gikan sa sinugdan, ug gikan sa karaang mga panahon mga butang nga wala pa mahimo, nga nag-ingon, ‘Ang akong tambag magpadayon, ug himoon nako ang tanan nakong katuyoan,’