Sermon Title: ANG GASA PARA SA GINOO
Sermon Text: MATEO 2:1-12
Guest Speaker: PTR JIJI SAPITULA
Sermon Notes:
Mateo 2:1
Natawo si Jesus sa lungsod sa Betlehem, sa lalawigan sa Judea sa panahon nga naghari si Herodes. Unya may mga tawo nga may kaalam bahin sa mga bituon nga nangabot sa Jerusalem gikan sa sidlakan
Mateo 2:7-11
Busa gipatawag ni Herodes sa hilom ang mga maalamong bisita nga gikan sa sidlakan. Iyang nasayran gikan kanila ang untop nga takna sa pagsubang sa bituon. 8 Unya gipaadto niya sila sa Betlehem nga nag-ingon, “Lakaw kamo ug pangitaa pag-ayo ang bata ug kon makaplagan na ninyo siya, pahibaloa ako aron moadto ug mosimba usab kaniya.” 9-10 Human nila paminawa ang hari, nanglakaw sila. Sa didto na sila sa dalan, nakita nila pag-usab ang bituon nga nakit-an nila sa sidlakan. Dako kaayo ang ilang kalipay sa pagkakita nila sa bituon! Ug nag-una kini kanila hangtod nga miabot kini ug mihunong sa tungod gayod sa nahimutangan sa bata. 11 Unya misulod sila sa balay ug nakita nila ang bata uban sa iyang inahan nga si Maria. Nangluhod sila ug misimba sa bata. Unya giablihan nila ang ilang mga gasa ug mihalad sila kaniyag bulawan, insenso ug mira.
ANG GASA’NG BULAWAN NAG-ILA SA PAGKAHARI NI KRISTO
ANG GASA’NG INSENSO NAG-ILA SA PAGKAPARI NI KRISTO
ANG GASA’NG MIRA NAG-ILA SA SAKRIPISYO NI KRISTO
Marcos 15:23
Ug didto misulay sila paghatag kaniya ug bino nga sinagolag mira apan midumili si Jesus pag-inom niini.
Juan 19:39
Ug si Nicodemo, ang nakigkita kang Jesus usa niana ka gabii, mikuyog kaniya dala ang sinagol nga herba nga mira ug sabila nga ang gidaghanon mokabat ug mga 50 ka kilo.
Pangutana: Unsay atong ikahatag na gasa ngadto sa atong manluluwas?
ANG GIKAN SA KASINGKASING MAOY ATONG IHATAG
KANA’NG BILILHON MAOY ATONG IHATAG
KANA’NG ‘PERSONAL’ KAAYO NATO MAOY ATONG IHATAG
Mga Taga-Roma 12:1
Busa, mga igsoon, tungod sa dakong kaluoy nga gipakita sa Dios kanato, hangyoon ko kamo sa pagtugyan sa inyong kaugalingon ngadto sa Dios ingon nga buhing halad, balaan ug makapahimuot kaniya. Mao kini ang matuod nga pagsimba nga angay ninyong ihalad.
KANA’NG MAKAHULOGANON MAOY ATONG IHATAG
Mateo 25:40
Unya ang Hari motubag kanila, ‘Sultihan ko kamo nga sa matag higayon nga maghimo kamo niini alang sa usa sa labing ubos niining akong mga igsoon, gihimo ninyo kini alang kanako!’