Ang atong kinabuhi hamubo, walay kasiguru-an ug dili makagarantiya sa atong ugma, sa sunod nga tuig o mga katu-igan sa atong kinabuhi. Makaingon kita nga dautan ang pag huna-huna niini ug dili apan, dili kini nato masalikway kay kun ato kining ibaliwala, dili mahan-ay ang atong pagpuyo ning kinabuhi-a ilabi na kung kini mahitungod sa eternidad.
Sermon Title: ANG KINABUHI, HAMUBO
Scripture Text: SANTIAGO 4:13-17 (ANG BIBLIA)
By: PTR MATIAS MAHUSAY SR.
Sermon Notes:
Santiago 4:13-17 (Ang Biblia)
13 Tan-awa ra, kamo nga nag-ingon, “Karon o ugma mangadto kami nianang lungsora ug didto magpabilin kami ug usa ka tuig ug magpatigayon ug manapi,” 14 nga wala man kamo mahibalo mahitungod sa kaugmaon. Kay unsa ba ang inyong kinabuhi? Kamo sama lamang sa aso nga sa makadiyot nagpakita ug unya nahanaw lamang. 15 Moingon unta kamo, “Kon itugot sa Ginoo, kami mabuhi ug among buhaton kini o kana.” 16 Apan karon nanghambog kamo sa inyong pagkaandakan. Daotan ang maong pagpangandak. 17 Busa ngadto kaniya nga nasayod unsay maayong buhaton ug wala magbuhat niini, sala kini alang kaniya.
Santiago 4:1-12 (Ang Biblia)
1 Diin ba magsukad ang mga gubat ug mga panag-away diha kaninyo? Dili ba sa inyo man nga mga pangibog nga naggubat diha sa mga bahin sa inyong lawas? 2 Nangandoy kamo apan wala kamo makabaton. Nagpatay kamo ug tawo ug nasina apan wala kamo makaangkon. Nakig-away kamo ug nakiggubat. Wala kamo makabaton tungod kay wala man kamo mangayo. 3 Nangayo kamo apan wala makadawat niini tungod kay sayop man ang inyong pagpangayo, aron lamang usik-usikan alang sa inyong mga pangibog. 4 Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios. 5 Naghunahuna ba kamo nga ang kasulatan nag-ingon sa walay hinungdan, “Uban sa pangabubho, siya nangandoy sa espiritu nga nagpuyo sa sulod nato”? 6 Apan siya naghatag ug dugang pa nga grasya, busa ang kasulatan nag-ingon, “Ang Dios nagsanta sa mga mapahitas-on, apan sa mga mapaubsanon siya naghatag ug grasya.” 7 Busa pagpailalom kamo sa Dios. Sukli ninyo ang yawa ug siya mopalayo gikan kaninyo. 8 Paduol kamo sa Dios ug siya mopaduol kaninyo. Mga makasasala, hugasi ang inyong mga kamot, ug putlia ang inyong mga kasingkasing, kamong mga maduhaduhaon! 9 Pagkaguol ug pagbangutan ug panghilak kamo! Ang inyong katawa himoa nga pagbangutan ug ang inyong kalipay himoa nga kasubo. 10 Ipaubos ang inyong kaugalingon atubangan sa Ginoo ug siya magtuboy kaninyo. 11 Mga igsoon, ayaw kamo pagdinaotay batok sa usa ug usa. Siya nga nagdaot sa usa ka igsoon o naghukom sa iyang igsoon, nagdaot sa balaod ug naghukom sa balaod. Apan kon ikaw maghukom sa balaod, dili ikaw tigbuhat sa balaod kondili maghuhukom. 12 Usa ra ang tighatag ug balaod ug maghuhukom nga makahimo sa pagluwas ug sa paglaglag. Apan ikaw, si kinsa ka man nga nanghukom sa imong silingan?
1 Juan 2:15-17 (Ang Biblia)
15 Ayaw ninyo higugmaa ang kalibotan o ang mga butang diha sa kalibotan. Kon may nahigugma sa kalibotan, ang gugma sa Amahan wala diha kaniya. 16 Kay ang tanan nga anaa sa kalibotan, ang pangibog sa unod ug ang pangibog sa mga mata ug ang garbo sa kinabuhi, dili gikan sa Amahan kondili sa kalibotan. 17 Ug ang kalibotan mahanaw ug ang pangibog niini apan siya nga nagtuman sa kabubut-on sa Dios magpabilin hangtod sa kahangtoran.
Lukas 12:19-20 (Ang Biblia)
19 Ug unya moingon ako sa akong kalag, Kalag ko, ikaw adunay daghang kabtangan nga gitagana alang sa daghang katuigan. Pagpahayahay, kaon, inom ug paglipay.’ 20 Apan ang Dios miingon kaniya, ‘Buang! Karong gabhiona ang imong kalag kuhaon gikan kanimo ug ang mga butang nga imong giandam, kang kinsa na man unya kini?’
I. ANG KINABUHI DAW SAMA SA INALISNGAW
A. Ang Kinabuhi Huyang (vv.13-14; 16)
B. Ang Kinabuhi Hamubo
Salmo 90:10 (Ang Biblia)
10 Ang mga adlaw sa among kinabuhi 70 ka tuig, o tingali tungod sa kabaskog 80 ka tuig, bisan pa niana ang ilang gidugayon mao lamang ang kabudlay ug kasub-anan; kay kini matapos dayon ug kami manglupad.
Salmo 90:12 (Ang Biblia)
12 Busa tudloi kami sa pag-isip sa among mga adlaw, aron makabaton kami ug usa ka kasingkasing nga maalamon.
C. Ang Kamatayon Sigurado
Lukas 13:2-5 (Ang Biblia)
2 Ug si Jesus mitubag kanila, “Naghunahuna ba kamo nga kining maong mga Galileanhon labaw pa ka makasasala kay sa ubang mga Galileanhon tungod kay sila nag-antos man sa ingon? 3 Dili! Sultihan ko kamo, gawas kon maghinulsol kamo, kamong tanan mangamatay usab sa ingon. 4 O kadtong napulo ug walo ka tawo nga natumpagan sa tore sa Siloam ug nangamatay, nagtuo ba kamo nga sila labaw pa ka malapason kay sa uban pa nga nagpuyo sa Jerusalem? 5 Dili! Sultihan ko kamo, gawas kon maghinulsol kamo, kamong tanan mangamatay usab sa ingon.”
II. ANG DIOS SOBERANO
Lukas 14:28-32 (Ang Biblia)
28 Kay kinsa ba kaninyo, nga nagtinguha sa pagtukod ug tore nga dili una molingkod ug mag-isip sa magasto kon aduna ba siyay igong ikapahuman niini? 29 Kay kon dili, sa diha nga ikabutang na niya ang pundasyon ug unya dili na siya makahimo sa paghuman niini, ang tanang makakita niini mosugod sa pagyagayaga kaniya
30 nga mag-ingon, ‘Kining tawhana misugod sa pagtukod apan wala makapahuman.’ 31 O kinsa bang haria nga sa iyang pagpakiggubat batok sa laing hari, dili una molingkod ug magpatambag kon makahimo ba siya uban sa napulo ka libo ka tawo sa pag-atubang batok kaniya nga misulong nga may 20,000 ka tawo? 32 Ug kon dili man, samtang ang usa atua pa sa layo, magsugo siya ug mensahero sa paghangyo kaniya ug kasabotan sa kalinaw.
Santiago 4:15 (Ang Biblia)
15 Moingon unta kamo, “Kon itugot sa Ginoo, kami mabuhi ug among buhaton kini o kana.”
Mga Buhat 18:21 (Ang Biblia)
21 Apan sa pagpanamilit na niya kanila, siya miingon, “Mobalik ra ako kaninyo kon itugot sa Dios.” Unya milawig siya gikan sa Efeso.
1 Corinto 4:19 (Ang Biblia)
19 Apan moanha gayod ako kaninyo sa dili madugay, kon itugot sa Ginoo ug unya akong masuta dili ang sinultihan niining mga nagmapahitas-on, kondili ang ilang gahom.
Mga Taga-Roma 1:10 (Ang Biblia)
10 nangamuyo nga sa bisan unsang paagi sumala sa kabubut-on sa Dios, sa kataposan, mahinayon na unta ako sa pag-anha kaninyo.
1 Corinto 16:7 (Ang Biblia)
7 Kay dili ako buot nga mohapit lamang kaninyo, ug gilaoman nako nga magpabilin una uban kaninyo kon itugot man sa Ginoo.
Mga Taga-Filipos 2:19-24 (Ang Biblia)
19 Naglaom ako diha sa Ginoong Jesus nga sa dili madugay akong ipadala si Timoteo nganha kaninyo aron malipay usab ako sa pagkahibalo sa mga butang mahitungod kaninyo. 20 Kay walay lain nga sama kanako ug hunahuna nga sa tinuod mahangawa alang kaninyo. 21 Silang tanan nagpangita sa mga butang sa ilang kaugalingon, dili sa mga butang ni Jesu-Cristo. 22 Apan kamo nasayod sa katakos ni Timoteo, kon giunsa niya sa pag-alagad uban kanako diha sa buluhaton sa Maayong Balita, ingon sa usa ka anak nga nag-alagad sa iyang amahan. 23 Busa naglaom ako sa pagpadala dayon kaniya sa dihang masuta na nako kon unsa ang mahitabo kanako, 24 ug ako nagsalig sa Ginoo nga sa dili madugay moanha usab ako.
Mga Buhat 19:21 (Ang Biblia)
21 Unya human niining maong mga hitabo, si Pablo mihukom diha sa Espiritu sa pag-agi sa Macedonia ug sa Acaya ug sa pag-adto sa Jerusalem, nga nag-ingon, “Gikan didto kinahanglang moduaw usab ako sa Roma.”
Mga Taga-Roma 15:28 (Ang Biblia)
28 Busa inighuman nako niini, ug sa ikahatod ko na kanila ang nahipos nga mga amot, moagi ako kaninyo inigpadulong nako sa Espanya.
1 Corinto 16:5 (Ang Biblia)
5 Moanha ako kaninyo human sa akong pag-agi sa Macedonia, kay moagi man gayod ako sa Macedonia,
1 Corinto 16:8 (Ang Biblia)
8 Apan magpabilin pa ako sa Efeso hangtod sa Pentecostes,
III. ANG GARBO USA KA DAKONG SALA
Santiago 4:16 (Ang Biblia)
16 Apan karon nanghambog kamo sa inyong pagkaandakan. Daotan ang maong pagpangandak.
Santiago 4:13 (Ang Biblia)
13 Tan-awa ra, kamo nga nag-ingon, “Karon o ugma mangadto kami nianang lungsora ug didto magpabilin kami ug usa ka tuig ug magpatigayon ug manapi,”
1 Juan 2:15 (Ang Biblia)
15 Ayaw ninyo higugmaa ang kalibotan o ang mga butang diha sa kalibotan. Kon may nahigugma sa kalibotan, ang gugma sa Amahan wala diha kaniya.