Sermon Title: EPHESUS: ANG IGLESYA NGA NAWAD-AN UG GUGMA
Sermon Text: MGA PINADAYAG 2:1-7 (ANG BIBLIA)
Sermon Series: MGA SULAT NGADTO SA PITO KA IGLESIA
By: PTR MATT MAHUSAY SR.
Sermon Notes:
Pinadayag 2:1-7 (Ang Biblia)
1 “Ngadto sa anghel sa iglesia sa Efeso, isulat kini: ‘Mao kini ang mga pulong sa nagkupot sa pito ka bituon diha sa iyang tuo nga kamot, ang naglakaw taliwala sa pito ka lamparahan nga bulawan.
2 “ ‘Nasayod ako sa imong mga buhat, sa imong paghago ug sa imong paglahutay, ug nga ikaw dili makapailob sa daotan nga mga tawo ug giusisa nimo ang mga nag-ingon nga sila mga apostoles apan dili diay, ug nasuta nimo nga sila bakakon.
3 Nasayod ako nga ikaw naglahutay ug nagpailob tungod sa akong ngalan, ug nga ikaw wala abota ug kapuol.
4 Apan aduna akoy butang nga batok kanimo, nga imong gibiyaan ang paghigugma nga diha kanimo kaniadto.
5 Busa hinumdomi diin ikaw gikan sa imong pagkahulog, ug paghinulsol ug buhata ang mga buhat nga imong gihimo kaniadto. Kay kon dili, anhaon ko ikaw ug kuhaon nako ang imong lamparahan gikan sa iyang dapit, gawas kon ikaw maghinulsol.
6 Hinuon anaa kini kanimo, gidumtan nimo ang mga buhat sa mga Nicolaita, nga gidumtan usab nako.
7 Ang adunay igdulungog kinahanglan nga magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug pagtugot sa pagkaon gikan sa kahoy sa kinabuhi nga anaa sa paraiso sa Dios.’
Pinadayag 1:17-18 (Ang Biblia)
17 Sa pagkakita nako kaniya, natumba ako nga daw patay diha sa iyang tiilan. Ug gitapion niya kanako ang iyang tuo nga kamot ug miingon siya kanako, “Ayaw kahadlok! Ako mao ang sinugdan ug ang kataposan
18 ug ang buhi. Ako namatay, apan tan-awa, ako karon buhi hangtod sa kahangtoran, ug ania kanako ang mga yawi sa Kamatayon ug sa Hades.
I. GIDAYEG NI HESUS ANG IGLESIA
Pinadayag 1:19 (Ang Biblia)
19 Ug karon isulat ang imong nakita, ang mga butang karon ug ang mga butang nga mahitabo unya.
A. Dili gayud siya malimot sa imong gibuhat ngadto kaniya diha sa Iglesia
B. Nasayod siya sa atong kahago ug pagpailob ug paglahutay
1 Corinto 5:12 (Ang Biblia)
12 “Kay unsa may akong labot sa paghukom sa mga tawo sa gawas? Dili ba ang mga anaa sa sulod sa iglesia mao ang inyong hukman?”
II. GIKOMPRONTA NI HESUS ANG IGLESIA
Pinadayag 2:4 (Ang Biblia)
4 Apan aduna akoy butang nga batok kanimo, nga imong gibiyaan ang paghigugma nga diha kanimo kaniadto.
A. Ang Dios ba ang inyong unang gihigugma sa Iglesia?
B. Higugmaa ang Dios labaw sa tanan ug ang imong isig ka ingon.
Mateo 22:36-40 (Ang Biblia)
36 Miingon siya, “Magtutudlo, unsa man ang dakong sugo diha sa Balaod?”
Mateo 22:36-40 (Ang Biblia)
37 Ug si Jesus miingon kaniya, “Higugmaa ang Ginoo nga imong Dios sa tibuok nimong kasingkasing ug sa tibuok nimong kalag ug sa tibuok nimong salabotan.
Mateo 22:36-40 (Ang Biblia)
38 Mao kana ang dako ug unang sugo. 39 Ug ang ikaduha sama ra niini, Higugmaa ang imong silingan sama sa imong kaugalingon. 40 Diha niining duha ka sugo gipasukad ang tibuok nga Balaod ug ang mga Propeta.”
1 Corinto 13:3 (Ang Biblia)
3 Kon akong ipanghatag ang tanan nakong katigayonan ug kon itahan nako ang akong lawas aron sunogon apan walay gugma, dili kini magpulos kanako.
III. SI HESUS NAGTAMBAG SA IGLESIA
A. Paghinulsol
B. May dalunggan ka pamati
C. Ang malahutayun modaug ug magmadaugon
Genesis 3:22-24 (Ang Biblia)
22 Ug ang Ginoong Dios miingon, “Tan-awa, ang tawo nahimo nga sama sa usa kanato, nahibalo sa maayo ug sa daotan. Ug karon tingali unya ug mokab-ot siya ug mokuha usab gikan sa kahoy sa kinabuhi ug mokaon, ug mabuhi hangtod sa kahangtoran.”
23 Tungod niini ang Ginoong Dios mihingilin kaniya gikan sa tanaman sa Eden aron sa pag-uma sa yuta diin siya gikuha.
24 Busa gipapahawa niya ang tawo, ug didto sa silangang dapit sa tanaman sa Eden gibutang niya ang mga kerubin ug ang nagsiga nga espada nga nagtuyok aron pagbantay sa dalan ngadto sa kahoy sa kinabuhi.
Pangutana: Ngano nga dili man makaka-on si Adan ug Eba sa bunga nga maghatag ug “Kinabuhing Dayon”?
Pinadayag 2:1-2 (Ang Biblia)
1 Unya iyang gipakita kanako ang suba sa tubig sa kinabuhi nga tin-aw daw kristal, nagbuswak gikan sa Dios ug sa trono sa Nating Karnero,
2 latas sa taliwala sa kadalanan sa siyudad. Sa matag daplin usab sa suba, diha ang kahoy sa kinabuhi nga may napulo ug duha ka matang sa mga bunga, namunga kini matag bulan, ug ang mga dahon sa kahoy tambal alang sa kanasoran.