Kun ikaw anaa sa kahimtang susama ni Obadias, hinumdumi nga ang Dios ang nagbutang kanimo dinha ubos, sa iyang kabubut-on.
Sermon Title: ABADIAS: GIKAN SA PAGKAMAHADLUKON NGADTO SA PAGKAMATINUD-ANON
Sermon Text: 1 MGA HARI 18:1-16
Sermon Series: DAGHAN PA SA UNAHAN
By: PTR. MATIAS MAHUSAY SR.
Sermon Notes:
1 Mga Hari 18:1-16 (Ang Biblia)
1 Human sa daghang mga adlaw, ang pulong sa Ginoo midangat kang Elias sa ikatulong tuig, nga nag-ingon, “Lakaw, ipakita ang imong kaugalingon ngadto kang Ahab, ug magpadala ako ug ulan sa ibabaw sa yuta.” 2 Busa si Elias miadto aron sa pagpakita kang Ahab. Ug hilabihan gayod ang gutom sa Samaria.
3 Ug gitawag ni Ahab si Obadias nga tinugyanan sa balay. Si Obadias nagtahod sa Ginoo sa hilabihan gayod. 4 Ug sa dihang gipamatay ni Jesebel ang mga propeta sa Ginoo, si Obadias mikuha ug usa ka gatos ka propeta ug gipatago sila sa mga langob sa tag-50 ug gipakaon sila ug pan ug tubig.
5 Ug si Ahab miingon kang Obadias, “Lakaw sa tibuok yuta, ngadto sa tanang tuboran sa tubig ug ngadto sa tanang kapatagan kay basin ug makakita kita ug mga sagbot ug maluwas ang mga kabayo ug mga mula, aron kita dili kawad-an ug pipila sa mga mananap.”
6 Busa gibahin nila ang yuta tali kanila aron ilang agian, si Ahab misubay sa usa ka agianan ug si Obadias misubay sa laing agianan. 7 Samtang naglakaw si Obadias sa dalan, si Elias misugat kaniya ug si Obadias nakaila kaniya ug mihapa ug miingon, “Ikaw ba kana, akong agalon nga Elias?”
8 Ug siya mitubag kaniya, “Ako kini. Lakaw ug suginli ang imong agalon, ‘Si Elias ania dinhi.’ ” 9 Ug siya miingon, “Diin man ako nakasala nga ikaw nagtugyan man sa imong alagad ngadto sa kamot ni Ahab aron sa pagpatay kanako?
10 Ingon nga ang Ginoo nga imong Dios buhi, walay nasod o gingharian, diin ang akong agalon wala magpasugo sa pagpangita kanimo ug kon moingon sila, ‘Siya wala dinhi,’ siya naghimo ug usa ka panumpa sa gingharian o nasod nga wala ikaw nila makit-i. 11 Ug karon ikaw nag-ingon, ‘Lakaw suginli ang imong agalon, “Si Elias ania dinhi.” ’
12 Ug sa diha nga ako mobiya na gikan kanimo, ang Espiritu sa Ginoo magdala kanimo sa dapit nga wala nako mahibaloi, ug busa kon ako moanhi ug magsugilon kang Ahab, ug siya dili makakaplag kanimo, iya akong patyon, bisan ug ako nga imong sulugoon nahadlok sa Ginoo sukad sa akong pagkabatan-on.
13 Wala ba kini ikasugilon, akong agalon, kon unsay akong gibuhat sa dihang gipamatay ni Jezebel ang mga propeta sa Ginoo, giunsa nako pagtago ang usa ka gatos ka mga propeta sa Ginoo sa tag-50 sa usa ka langob ug gipakaon silag pan ug tubig?
14 Ug karon ikaw nag-ingon, ‘Lakaw, suginli ang imong agalon, “Si Elias ania dinhi,” ’ ug iya akong patyon!” 15 Ug si Elias miingon, “Ingon nga ang Ginoo sa mga panon buhi, nga sa atubangan ako nagtindog, ako magpakita gayod kaniya niining adlawa.” 16 Busa si Obadias miadto aron sa pagpakigkita kang Ahab ug gisuginlan siya, ug si Ahab miadto sa pagpakigkita kang Elias.
I. SI OBADIAS USA KA TAWO NGA MAISOG
Mga Taga-Filipos 4:22 (Ang Biblia)
22 Ang tanang balaan ilabi na sa mga sakop sa panimalay ni Cesar, nangumosta kaninyo.
II. SI OBADIAS USA KA TAWO NGA MABINANTAYON
Mateo 10:16 (Ang Biblia)
16 “Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.
1. Gibutang ka sa DIOS kun asa ka karon.
2. Pagdahum nga ikaw dili masabtan.
3. Salig sa Dios nga bantayan ka Niya.
1 Mga Hari 18:15 (APSD)
15 Miingon si Elias, “Ipanumpa ko sa buhi nga Ginoo nga Makagagahom, nga akong ginaalagaran, nga magpakita ako kang Ahab karon gayong adlawa.”
1. Iyang giproklamar ang presenya sa Dios.
2. Iyang gipunting ang iyang tawag ug pagsalig!
3. Siya misaad nga dili niya pakyason si Obadias
Andam ka ba nga modawat sa walay pagpanuko kon ang Dios magtawag kanimo?
Andam ka ba nga mahimong suga ug asin sa lugar nga ikaw dad-on sa Dios inubanan sa iyang grasya ug presensya?
Andam ka ba nga ang imong kinabuhi mahimong buhi nga testimonya sa mga katawhang nga wala makaila sa Dios?
Andam ka na ba nga ang Dios mahimaya sa imong kinabuhi?