“Ang Dios nagbuhat sa Iyang mga katuyoan ug gituman ang Iyang mga saad bisan kung mura og wala Siya.”
Sermon Title: GIKAN SA PAGKABIHAG NGADTO SA PAGKARAYNA
Scripture Text: ESTER 1- 2
Sermon Series: ESTER: ANG DIOS LUYO SA NAKITA
Sermon Notes:
ESTER 2:5-10 ANG BIBLIA
5 Didto sa Susa nga mao ang ulohang siyudad may usa ka Judio nga ang ngalan Mardoqueo, anak ni Jair nga anak ni Simei nga anak ni Kis, nga kaliwat ni Benjamin,
6 nga gidala gikan sa Jerusalem uban sa mga binihag nga gidala uban kang Jeconias nga hari sa Juda nga gibihag ni Nabucodonosor nga hari sa Babilonia.
7 Iyang gimatuto si Hadasa nga mao si Ester, ang anak sa iyang uyoan kay siya walay amahan o inahan ug ang dalaga maanyag ug matahom. Ug sa pagkamatay sa iyang amahan ug inahan, gisagop siya ni Mardoqueo ingon nga iyang kaugalingong anak.
8 Busa sa diha nga ang sugo sa hari ug ang iyang balaod gipakanaog ug sa diha nga ang daghang mga dalaga natigom didto sa Susa, ang ulohang siyudad, ubos sa pagbantay ni Hegai, si Ester usab gidala ngadto sa balay sa hari ug gibutang ubos sa pagbantay ni Hegai nga gitugyanan sa mga babaye.
9 Ang dalaga nakapahimuot kaniya ug nadani ang iyang kaluoy ug dihadiha iyang gihatag kang Ester ang mga pahumot niini uban sa iyang pagkaon ug uban sa pito ka piniling dalaga gikan sa palasyo sa hari ug iyang gibalhin siya ug ang iyang mga dalaga sa labing maayo nga dapit sa balay sa mga babaye.
10 Si Ester wala magpahibalo mahitungod sa iyang katawhan o sa iyang kadugo kay gitugon siya ni Mardoqueo nga dili kini ipahibalo.
ESTER 2:16-20 ANG BIBLIA
16 Unya sa diha nga si Ester gidala ngadto kang Hari Ahasuero sa iyang harianong balay sa ikanapulo nga bulan nga mao ang bulan sa Tebet, sa ikapito nga tuig sa iyang paghari,
17 ang hari nahigugma kang Ester labaw sa tanang mga babaye ug siya nakabaton sa grasya ug kahimuot diha sa panan-aw sa hari labaw sa tanang mga ulay, nga tungod niana gibutang sa hari kaniya ang harianong korona diha sa iyang ulo ug gihimo siya nga rayna puli kang Vasti.
18 Unya ang hari naghimo ug usa ka dakong kombira sa tanan niyang mga pangulo ug sa iyang mga alagad, kombira kadto alang kang Ester. Siya usab nagtugot ug adlaw nga walay buhat ngadto sa mga lalawigan ug naghatag ug mga gasa sumala sa kadato sa hari.
19 Sa natigom na ang mga ulay sa ikaduhang panahon, si Mardoqueo naglingkod sa ganghaan sa hari.
20 Si Ester wala magpahibalo sa iyang kadugo o sa iyang katawhan sumala sa gisugo ni Mardoqueo kaniya kay si Ester mituman kang Mardoqueo, sama sa dihang nagtubo siya uban kaniya.
PAHIMANGNO SA ATONG PAGBASA SA MAONG BASAHON SA ESTER
1. Dapat natong masabtan nga ang maong basahon nahimo sa panahon nga nahumana ang mga panghitabo sa sugilanon.
2. Wala mangilabot ug mihimo ug mga komentaryo sa pagtimbang-timbang sa mga sitwayson.
3. Basahon kini sa makasaysayanon nga konteksto niini
ESTER 1:10-11 ANG BIBLIA
10 Sa ikapito nga adlaw, sa nagmalipayon ang kasingkasing sa hari tungod sa bino, iyang gisugo si Mehuman, si Bista, si Harbona, si Bigta, si Abagta, si Zetar ug si Carkas, ang pito ka yunoko nga nag-alagad sa atubangan ni Hari Ahasuero,
11 sa pagdala kang Rayna Vasti sa atubangan sa hari uban ang iyang harianong korona aron sa pagpakita sa iyang kaanyag ngadto sa mga katawhan ug sa mga pangulo kay siya matahom man nga tan-awon.
ESTHER 2:3 ANG BIBLIA
3 Ug ang hari papilia ug mga tinugyanan sa tanang mga lalawigan sa iyang gingharian, aron ilang tigomon ang tanang maanyag nga batan-ong ulay didto sa balay sa mga babaye sa Susa, ang ulohang siyudad, ubos sa pagdumala ni Hegai nga yunoko sa hari, nga gitugyanan sa mga babaye, ug ipahatag ang mga pahumot ngadto kanila.
ESTHER 2:8 ANG BIBLIA
8 Busa sa diha nga ang sugo sa hari ug ang iyang balaod gipakanaog ug sa diha nga ang daghang mga dalaga natigom didto sa Susa, ang ulohang siyudad, ubos sa pagbantay ni Hegai, si Ester usab gidala ngadto sa balay sa hari ug gibutang ubos sa pagbantay ni Hegai nga gitugyanan sa mga babaye.
ESTHER 2:17 ANG BIBLIA
17 ang hari nahigugma kang Ester labaw sa tanang mga babaye ug siya nakabaton sa grasya ug kahimuot diha sa panan-aw sa hari labaw sa tanang mga ulay, nga tungod niana gibutang sa hari kaniya ang harianong korona diha sa iyang ulo ug gihimo siya nga rayna puli kang Vasti.
I. ANG DIOS KANUNAY NAGPANLIHOK BISAN PA UG WALA KITA MAKAKITA NIINI.
“Kon adunay katingalahan, anaa ang Dios, apan sa mga balikbalik nga ordinaryong mga panghitabo, wala siya. Apan ang Dios anaa gayud gihapon.”
II. ANG DIOS WALA MAGTAN-AW SA PANAGWAY O
PAMAROG SA TAWO.
ESTER 1:6-8 ANG BIBLIA
6 Didtoy mga tabil nga puting panapton nga gapas ug asul nga gihigot ug mga linubid nga pinong lino ug mahalong panapton nga tapol ngadto sa mga argulya nga plata ug sa mga haligi nga marmol ug mga higdaanan usab nga bulawan ug plata, ibabaw sa usa ka salog nga dibuho ginamit ang batong porperyo, marmol, takubo ug mga mahalong bato.
7 Ang mga ilimnon gidalit diha sa mga bulawang sudlanan, nagkalainlaing mga sudlanan, ug ang harianong bino daghan kaayo sumala sa pagkamadagayaon sa hari.
8 Ug ang pag-inom nahisubay sa balaod, walay gipugos; kay ang hari naghatag ug mga sugo ngadto sa tanang mga tinugyanan sa iyang balay sa pagbuhat sumala sa gitinguha sa matag usa.
“Bisan unsa paman nga kapakyasan sa sinugdanan, bisan unsa paman nga mga kasipyatan imong nahimo, dili ikaw biyaan sa Dios.”
“Ang Dios kanunay nga naghatag sa iyang grasya ngadto sa mga dili angayan niini, ngadto sa mga wala mangayo niini, ngadto sa wala maghunahuna niini, bisan pa ngadto sa dili hingpit nga mapasalamaton human makadawat niini.”
“Dili ikaw ang giingon sa kalibutan nga ikaw.
Ikaw ang giingon sa Dios nga ikaw.”
“Siya ang Dios sa makita ug dili makita.”